ຊຸກຍູ້ຄວາມຄືບໜ້າຂອງໂຄງການຮ່ວມມືພັດທະນາທ່າກໍາປັ່ນຫວູງອ໊າງລາວ-ຫວຽດ
ກປ.ອອນໄລ - ຫວ່າງແລ້ວນີ້, ບໍລິສັດ Logistics ແຫ່ງລັດລາວ (LLSE) ໄດ້ຕົກລົງໂອນກຳມະສິດຫຸ້ນສ່ວນ 20% ຂອງລັດຖະບານລາວ ໃນໂຄງການທ່າກໍາປັ່ນຫວູງອ໊າງ ລາວ-ຫວຽດ ໃຫ້ບໍລິສັດພັດທະນາທ່າກໍາປັ່ນຫວູງອ໊າງລາວ-ຫວຽດນາມ (VDS), ກໍ່ແມ່ນບໍລິສັດຂຶ້ນກັບກຳມະສິດຂອງລັດຖະບານລາວ.
ທ່ານ ຈັນທອນ ສິດທິໄຊ ຜູ້ອໍານວຍການບໍລິຫານບໍລິສັດ VDS ເນັ້ນໜັກເຖິງຄວາມໝາຍຍຸດທະສາດຂອງທ່າກໍາປັ່ນຫວູງອ໊າງ, ເຊິ່ງແມ່ນໂຄງການຮ່ວມມືພາກລັດ-ເອກະຊົນພິເສດລະຫວ່າງລາວ ແລະຫວຽດນາມ. ເລື່ອງໂອນກຳມະສິດຫຸ້ນສ່ວນ 20% ໃຫ້ບໍລິສັດພັດທະນາທ່າກໍາປັ່ນຫວູງອ໊າງລາວ-ຫວຽດນາມ ຈະສ້າງເງື່ອນໄຂຍູ້ໄວວິວັດການຜັນຂະຫຍາຍຍົກລະດັບທ່າກໍາປັ່ນຫວູງອ໊າງ ໄລຍະທີ 1 (2021- 2023), ເປີດກວ້າງທ່າກໍາປັ່ນຫວູງອ໊າງ 1, 2 ແລະ 3 ຕາມຂໍ້ຕົກລົງທີ່ໄດ້ລົງນາມລະຫວ່າງລັດຖະບານລາວ-ຫວຽດນາມ, ເພີ່ມຄວາມສາມາດສົ່ງຕໍ່ສິນຄ້າຢູ່ທ່າກໍາປັ່ນຫວູງອ໊າງ, ມຸ່ງໄປເຖິງຄວາມສາມາດຮັບເອົາກໍາປັ່ນທີ່ມີບັນທຸກນ້ຳໜັກ 5.000-100.000 ໂຕນ ແລະສະໜອງບໍລິການໃຫ້ 50.000-1.200.000 container ດ້ວຍປະລິມານສິນຄ້າແຕ່ 3-20 ລ້ານໂຕນ ໃນປີ 2030.
    |
 |
|
ທ່າກໍາປັ່ນຫວູງອ໊າງ (ແຂວງຮ່າຕີ໊ງ) - ເສັ້ນທາງທະເລ ເພື່ອໃຫ້ລາວ ພັດທະນາ ແລະເຊື່ອມໂຍງເຂົ້າກັບສາກົນ. ພາບ: vovworld.vn. |
ທ່າກໍາປັ່ນຫວູງອ໊າງມີບົດບາດສໍາຄັນສໍາລັບນະໂຍບາຍຂອງລັດຖະບານລາວ ໃນການສໍາຜັດກັບການເຄື່ອນໄຫວທາງທະເລ ແລະເພີ່ມທະວີການເຊື່ອມຕໍ່ໃນພາກກື້ນ, ພ້ອມທັງປະກອບສ່ວນຊຸກຍູ້ເສດຖະກິດລາວ ໃຫ້ເຕີບໂຕຜ່ານການພັດທະນາໃນຂົງເຂດຄົມມະນາຄົມຂົນສົ່ງ ແລະການຄ້າ, ເພີ່ມທະວີສາຍພົວພັນມິດຕະພາບ, ການຮ່ວມມືແບບພິເສດລະຫວ່າງລາວ ແລະຫວຽດນາມ.
ໂດຍ: ທູຈາງ