ແຂວງກວາງຈິ: ຄ້າຍທະຫານຊາຍແດນກ່າແຊັ່ງ ສົມທົບກັນຈັດຕັ້ງການລາດຕະເວນປົກປັກຮັກສາຊາຍແດນສອງຝ່າຍ

ຜົນການລາດຕະເວນສອງຝ່າຍສະແດງໃຫ້ເຫັນວ່າ: ເສັ້ນຊາຍແດນ ແລະຫຼັກໝາຍຊາຍແດນ ແຕ່ຫຼັກໝາຍທີ 530 ຫາຫຼັກໝາຍທີ 532 ໄດ້ຮັກສາສະພາບເດີມ, ບໍ່ມີສັນຍານຍົກຍ້າຍ ຫຼືເປ່ເພ; ສະພາບຄວາມໝັ້ນຄົງດ້ານການເມືອງ, ຄວາມເປັນລະບຽບຮຽບຮ້ອຍທາງສັງຄົມ ຢູ່ເຂດຊາຍແດນເປັນປົກກະຕິ; ບໍ່ພົບເຫັນການເຄື່ອນໄຫວແຊກຊຶມ ແລະການທໍາລາຍຂອງອິດທິກໍາລັງປໍລະປັກ.

ກອງລາດຕະເວນຂອງສອງຝ່າຍຢູ່ຫຼັກໝາຍຊາຍແດນທີ 531. ພາບ: qdnd.vn

ໃນໄລຍະຈະມາເຖິງ, ສອງກົມກອງເຫັນດີເປັນເອກະພາບໝູນວຽນຈັດຕັ້ງການລາດຕະເວນສອງຝ່າຍ ແລະຝ່າຍດຽວ; ກວດກາ ແລະປົກປັກຮັກສາຊາຍແດນ ແລະລະບົບຫຼັກໝາຍຊາຍແດນແຫ່ງຊາດ ໃນບໍລິເວນທີ່ກົມກອງຄຸ້ມຄອງ;  ແລກປ່ຽນ ແລະແຈ້ງສະພາບການທີ່ກ່ຽວຂ້ອງເຖິງວຽກງານຄຸ້ມຄອງ ແລະປົກປັກຮັກສາຊາຍແດນ, ຄວາມໝັ້ນຄົງ ແລະຄວາມເປັນລະບຽບຮຽບຮ້ອຍຢູ່ເຂດຊາຍແດນຂອງສອງຝ່າຍຢ່າງເປັນປະຈຳ; ສົມທົບກັນສະກັດກັ້ນການກະທໍາລະເມີດສັນຍາກ່ຽວກັບລະບຽບການຄຸ້ມຄອງຊາຍແດນ ແລະ ດ່ານຊາຍແດນຫວຽດນາມ - ລາວ.

ຄ້າຍທະຫານຊາຍແດນກ່າແຊັ່ງ ມອບຂອງຂວັນໃຫ້ກອງຮ້ອຍທະຫານຊາຍແດນ 312. ພາບ: qdnd.vn

ສິ້ນສຸດການລາດຕະເວນ, ຄ້າຍທະຫານຊາຍແດນກ່າແຊ່ງ ໄດ້ມອບຂອງຂັວນ ແລະຈົດໝາຍອວຍພອນ ໃຫ້ກອງຮ້ອຍທະຫານຊາຍແດນ 312 ເນື່ອງໃນໂອກາດວັນຊາດລາວ ຄົບຮອບ 50 ປີ ແລະວັນຄ້າຍວັນເກີດປະທານ ໄກສອນ ພົມວິຫານ ຄົບຮອບ 105 ປີ.

ໂດຍ: ທູຈາງ