ທີ່ການພົບປະສອງຝ່າຍ, ກອງບັນຊາການທະຫານແຂວງດ້ຽນບຽນ, ພ້ອມດ້ວຍກອງບັນຊາການທະຫານແຂວງຫຼວງພະບາງ ແລະແຂວງຜົ້ງສາລີ ໄດ້ແຈ້ງໃຫ້ຊາບກ່ຽວກັບສະພາບຄວາມໝັ້ນຄົງດ້ານການເມືອງ, ການພັດທະນາເສດຖະກິດ-ສັງຄົມຂອງແຕ່ລະແຂວງ. ແລກປ່ຽນບົດຮຽນການຈັດຕັ້ງໃນຂົງເຂດການທະຫານ ແລະການປ້ອງກັນຊາດ, ຜົນການປະຕິບັດໜ້າທີ່ການທະຫານ ແລະການປ້ອງກັນຊາດ ປີ 2025. ພິເສດແມ່ນວຽກງານເປັນເສນາທິການໃຫ້ທ້ອງຖິ່ນເພື່ອຊີ້ນຳນໍາພາບັນດາກຳລັງປ້ອງຮັບປະກັນຄວາມປອດໄພໃຫ້ວັນບຸນສຳຄັນຂອງປະເທດ ແລະທ້ອງຖິ່ນ; ຍົກສູງປະສິດທິຜົນການເຄື່ອນໄຫວຂອງຄະນະຊີ້ນຳປ້ອງກັນພົນລະເຮືອນ, ເປັນຕົ້ນແມ່ນການຮັບມື, ແກ້ໄຂຜົນຮ້າຍຢ້ອນຫຼັງຈາກໄພທຳມະຊາດ...
    |
 |
|
ກອງບັນຊາການທະຫານແຂວງດ້ຽນບຽນ ພົບປະສອງຝ່າຍກັບກອງບັນຊາການທະຫານແຂວງຫຼວງພະບາງ. ພາບ: qdnd.vn |
ໃນໄລຍະຈະມາເຖິງ, ກອງບັນຊາການທະຫານແຂວງດ້ຽນບຽນ ກັບກອງບັນຊາການທະຫານແຂວງຫຼວງພະບາງ ແລະແຂວງຜົ້ງສາລີ ກໍານົດເພີ່ມທະວີວຽກງານສຶກສາອົບຮົມ, ໂຄສະນາໃຫ້ແກ່ປະຊາຊົນສອງຟາກຊາຍແດນປະຕິບັດກົດລະບຽບຊາຍແດນໃຫ້ເປັນຢ່າງດີ; ແລກປ່ຽນຂໍ້ມູນຂ່າວສານຢ່າງເປັນປະຈຳ, ຕັ້ງໜ້າເປັນເຈົ້າການກໍາແໜ້ນສະພາບການ, ສົມທົບກັນແກ້ໄຂບັນຫາເກີດຂຶ້ນທີ່ກ່ຽວຂ້ອງເປັນຢ່າງດີ, ປະກອບສ່ວນຮັກສາສາຍພົວພັນມິດຕະພາບທີ່ເປັນມູນເຊື້ອ, ນໍ້າໃຈສາມັກຄີໃນການກໍ່ສ້າງເສັ້ນຊາຍແດນສັນຕິພາບ, ມິດຕະພາບ ແລະພັດທະນາ.
ພ້ອມກັນນັ້ນ, ປຸລະດົມຂົນຂວາຍພະນັກງານ, ນັກຮົບກຳລັງປະກອບອາວຸດ ແລະປະຊາຊົນຍົກສູງສະຕິລະວັງຕົວປະຕິວັດ, ເພີ່ມທະວີການຮ່ວມມືໃນການຕໍ່ສູ້ຕ້ານກົນອຸບາຍຂອງອິດທິກໍາລັງປໍລະປັກຢ່າງມີປະສິດທິຜົນ, ບໍ່ປະໃຫ້ກຸ່ມຄົນບໍ່ຫວັງດີສວຍໂອກາດບັນຫາຊົນຊາດ, ສາສະໜາ, ບັນຫາອະທິປະໄຕຜືນແຜ່ນດິນ, ຊາຍແດນເພື່ອຜູກມັດ, ປຸກປັ່ນເຮັດໃຫ້ສະພາບການເມືອງ, ຄວາມໝັ້ນຄົງ ແລະຄວາມເປັນລະບຽບຮຽບຮ້ອຍຢູ່ເຂດຊາຍແດນສອງປະເທດ ຂາດສະຖຽນລະພາບ.
|
|
 |
|
ທ່ານພັນເອກພິເສດ ຈິ້ງດຶກທຽມ ຫົວໜ້າການທະຫານກອງບັນຊາການທະຫານແຂວງດ້ຽມບຽນ ມອບຂອງຂວັນໃຫ້ກອງບັນຊາການທະຫານແຂວງຜົ້ງສາລີ. ພາບ: qdnd.vn |
ດ້ວຍຈິດໃຈສາມັກຄີມິດຕະພາບແບບພິເສດ, ກອງບັນຊາການທະຫານແຂວງດ້ຽນບຽນ ພ້ອມກັບກອງບັນຊາການທະຫານແຂວງຫຼວງພະບາງ ແລະແຂວງຜົ້ງສາລີ ໄດ້ເປັນເອກະພາບນໍາກັນລົງນາມບັນດາເນື້ອໃນລວມທີ່ຕ້ອງໄດ້ຜັນຂະຫຍາຍປະຕິບັດ.
ເນື່ອງໃນໂອກາດສະເຫຼີມສະຫຼອງວັນຊາດ ສາທາລະນະລັດ ປະຊາທິປະໄຕ ປະຊາຊົນລາວ ຄົບຮອບ 50 ປີ, ການນຳກອງບັນຊາການທະຫານແຂວງດ້ຽນບຽນ ໄດ້ສົ່ງຄຳອວຍພອນອັນດີງາມມາຍັງອົງຄະນະພັກ, ອໍານາດການປົກຄອງ, ກໍາລັງປະກອບອາວຸດແຂວງຫຼວງພະບາງ ແລະແຂວງຜົ້ງສາລີ.
* ໃນຂອບເຂດການຢ້ຽມຢາມ ແລະເຮັດວຽກຢູ່ລາວ, ຄະນະຜູ້ແທນກອງບັນຊາການທະຫານແຂວງດ້ຽນບຽນ ໄດ້ໄປຖະຫວາຍທູບທຽນອາໄລຫາວິລະຊົນນັກຮົບເສຍສະຫຼະຊີວິດເພື່ອຊາດ ຢູ່ຫ້ອງຝັງສົບຂອງກອງຊອກຫາ, ທ້ອນໂຮມອັດຖິນັກຮົບເສຍສະຫຼະຊີວິດເພື່ອຊາດ, (ຫ້ອງການເມືອງທະຫານເຂດ 2) ຢູ່ແຂວງອຸດົມໄຊ (ລາວ).
ໂດຍ: ທູຈາງ