ວັນບຸນ “ສາຍຈິດມິດໃຈຊາຍແດນ, ທະເລ, ໝູ່ເກາະ” ປີ 2025 ແມ່ນໂອກາດເພື່ອໃຫ້ຊາວໜຸ່ມກອງທັບເວົ້າສະເພາະ ແລະຊາວໜຸ່ມທົ່ວປະເທດເວົ້າລວມ ພ້ອມແລ້ວທີ່ຈະປະຈັນບານໃນທຸກໜ້າທີ່, ພ້ອມທັງເພີ່ມທະວີຄວາມຮັກທະເລ, ໝູ່ເກາະ, ສະຕິເຄົາລົບກົດໝາຍ, ລະບຽບວິໄນໃຫ້ລຸ້ນໜຸ່ມ ແລະພວກຫຼານນັກຮຽນ.

leftcenterrightdel
ທ່ານພົນໂທ ເລກວາງມິງ ແລະບັນດາຜູ້ແທນເຂົ້າຮ່ວມວັນບຸນ “ສາຍຈິດມິດໃຈຊາຍແດນ, ທະເລ, ໝູ່ເກາະ” ປີ 2025. ພາບ: ຫວູ໋ຕູ໊

ວັນບຸນໄດ້ຮັບການຈັດຕັ້ງດ້ວຍຫຼາຍການເຄື່ອນໄຫວທີ່ມີຄວາມໝາຍດ້ານມະນຸດສະທຳຢ່າງເລິກເຊິ່ງເຊັ່ນ: ໂຄສະນາໃຫ້ເປົ້າໝາຍປະຊາຊົນກ່ຽວກັບສະພາບການທະເລ, ໝູ່ເກາະໃນປະຈຸບັນ; ກົດໝາຍວ່າດ້ວຍຕໍາຫຼວດທະເລຫວຽດນາມ ແລະບັນດາເອກະສານນິຕິກຳທີ່ກ່ຽວຂ້ອງ, ວຽກງານປ້ອງກັນ, ຕ້ານການຂຸດຄົ້ນສິນທະເລທີ່ຜິດກົດໝາຍ, ບໍ່ລາຍງານ, ບໍ່ປະຕິບັດຕາມຂໍ້ກໍານົດ (IUU); ວາງສະແດງຮູບພາບກ່ຽວກັບບ້ານເກີດເມືອງນອນ, ປະເທດ ແລະການເຄື່ອນໄຫວຂອງຕໍາຫຼວດທະເລຫວຽດນາມ; ຢ້ຽມຢາມຖາມຂ່າວ, ມອບຂອງຂວັນໃຫ້ແມ່ຫວຽດນາມວິລະຊົນ, ຄອບຄົວນະໂຍບາຍ, ຄອບຄົວທຸກຍາກ, ຊາວປະມົງ; ແຈກຢາຍໃບປິວ, ປຶ້ມຄູ່ມືກົດໝາຍ, ມອບທຸງຊາດ; ມອບທຶນການສຶກສາ, ລົດຖີບ, ຂອງຂວັນໃຫ້ນັກຮຽນທຸກຍາກທີ່ຜ່ານຜ່າຄວາມຫຍຸ້ງຍາກ, ຮຽນເກັ່ງໃນບໍລິເວນແຂວງນີງບິ່ງ ດ້ວຍຍອດມູນຄ່າກວ່າ 500 ລ້ານດົ່ງ. ທີ່ວັນບຸນໄດ້ດໍາເນີນການແຂ່ງຂັນ “ນ້ອງຮັກທະເລ, ໝູ່ເກາະບ້ານເກີດເມືອງນອນ” ແນໃສ່ເພີ່ມພູນຄູນສ້າງຄວາມຮັກບ້ານເກີດເມືອງນອນ, ປະເທດຊາດໃຫ້ລຸ້ນໜຸ່ມ. ກ່ອນໜ້ານັ້ນ, ບັນດາຜູ້ແທນທີ່ເຂົ້າຮ່ວມລາຍການໄດ້ມາຖະຫວາຍທູບທຽນຢູ່ເຂດປູຊະນີຍະສະຖານລະດັບຊາດພິເສດ ກຸງເກົ່າຮວາລື.

ໂດຍ: ເຈິ່ນຮວ່ຽນ