ການລາດຕະເວນປະສົມຢູ່ເສັ້ນຊາຍແດນ ຫວຽດນາມ-ຈີນ
ກປ.ອອນໄລ - ວັນທີ 30 ມີນາ, ຢູ່ຄູ່ທາງນ້ອຍ ອາປາຈ໋າຍ-ລອງຝູ, ຄະນະຜູ້ແທນກອງບັນຊາການທະຫານຊາຍແດນແຂວງດ້ຽນບຽນຂອງຫວຽດນາມ ແລະຄະນະຜູ້ແທນທະຫານຊາຍແດນ ເຂດ Mengzi, ແຂວງຢຸນນານ, ປະເທດຈີນ ພ້ອມກັນເລີ່ມປະຕິບັດພິທີການລາດຕະເວນປະສົມ ປີ 2024.
|
|
ກໍາລັງລາດຕະເວນສອງປະເທດ ດໍາເນີນພິທີເຄົາລົບຫຼັກໝາຍຊາຍແດນ. ພາບ: ແອັງຢຸງ |
ຫຼັງຈາກນັ້ນ, ກອງລາດຕະເວນສອງຝ່າຍໄດ້ດໍາເນີນການພົບປະຢູ່ຊາຍແດນ ເພື່ອແລກປ່ຽນສະພາບການກ່ຽວຂ້ອງເຖິງຄວາມສະຫງົບຊາຍແດນຂອງແຕ່ລະປະເທດ; ພ້ອມທັງຈັດຕັ້ງການລາດຕະເວນແຕ່ຫຼັກໝາຍຊາຍແດນທີ 3 ຫາ 1 ຢູ່ເສັ້ນຊາຍແດນສອງປະເທດ.
ຜ່ານການລາດຕະເວນເຫັນວ່າລະບົບເສັ້ນຊາຍແດນ, ຫຼັກໝາຍຊາຍແດນ ຍັງຮັກສາຢູ່ໃນສະພາບເດີມ; ປະຊາຊົນທີ່ຢູ່ສອງຟາກຊາຍແດນມີຄວາມອຸ່ນອ່ຽນໃຈທຳການຜະລິດ, ພັດທະນາເສດຖະກິດ-ສັງຄົມ, ປະຕິບັດເອກະສານນິຕິກຳກ່ຽວກັບຊາຍແດນທາງບົກລະຫວ່າງຫວຽດນາມ ແລະຈີນ ເປັນຢ່າງດີ, ມີສະຕິປົກປັກຮັກສາຫຼັກໝາຍຊາຍແດນແຫ່ງຊາດ. ຂະບວນການລາດຕະເວນໄດ້ຮັບປະກັນຄວາມປອດໄພຢ່າງເດັດຂາດໃນທຸກ ດ້ານ. ຜູ້ຕາງໜ້າຂອງສອງກອງໄດ້ລົງນາມໃນບົດບັນທຶກຊ່ວຍຈຳ.
ໂດຍ: ເຈິ່ນຮວ່ຽນ