ບັນດາທ້ອງຖິ່ນຫວຽດນາມ - ລາວ ເພີ່ມທະວີການສົມທົບກັນປົກປັກຮັກສາປ່າໄມ້
ກປ.ອອນໄລ - ວັນທີ 24 ກຸມພາ, ຢູ່ນະຄອນເຫ້ວ, ກົມກວດກາປ່າໄມ້ຫວຽດນາມ ໄດ້ສົມທົບກັບກົມກວດກາປ່າໄມ້ລາວ ຈັດກອງປະຊຸມສະຫຼຸບການຕີລາຄາໝາກຜົນການປະຕິບັດບົດບັນທຶກຊ່ວຍຈຳລະຫວ່າງສອງຝ່າຍໄລຍະ 2017 – 2022 ແລະປຶກສາຫາລືກ່ຽວກັບການເຄື່ອນໄຫວສົມທົບກັນ ໄລຍະ 2023-2028.
ໃນ 5 ປີຜ່ານມາ (2017 - 2022) ການປະຕິບັດບັນດາເນື້ອໃນຂອງບົດບັນທຶກຊ່ວຍຈຳລະຫວ່າງສອງຝ່າຍໄດ້ນຳມາເຊິ່ງໝາກຜົນອັນຕັ້ງໜ້າຫຼາຍຢ່າງ. ບັນດາການເຄື່ອນໄຫວຮ່ວມມືລະຫວ່າງກົມກວດກາປ່າໄມ້ຫວຽດນາມ ແລະກົມກວດກາປ່າໄມ້ລາວ ໄດ້ຮັບການຕີລາຄາສູງ, ດຶງດູດໄດ້ຄວາມເອົາໃຈໃສ່ຂອງບັນດາສຳນັກງານ, ອົງການຈັດຕັ້ງສາກົນທີ່ກ່ຽວຂ້ອງ, ສ້າງເງື່ອນໄຂໃຫ້ການສໍາຜັດບັນດາແຫຼ່ງໜູນຊ່ວຍດ້ານການເງິນ ແລະເຕັກນິກສາກົນໃຫ້ແກ່ການເຄື່ອນໄຫວຮ່ວມມື.
![left](/image/images/left.png) ![center](/image/images/center.png) ![right](/image/images/right.png) ![del](/images/red-error_16px.gif) |
![](https://file3.qdnd.vn/data/images/26/2023/02/25/thicuc_la/7.jpg?dpi=150&quality=100&w=500) |
ບັນຍາກາດທີ່ກອງປະຊຸມ. ພາບ: ສໍານັກຂ່າວສານຫວຽດນາມ |
ຕາມນັ້ນແລ້ວ, ໃນໄລຍະ 2023 – 2028, ສອງຝ່າຍຈະເພີ່ມທະວີການແລກປ່ຽນຂໍ້ມູນຂ່າວສານ, ຄວາມຮູ້ ແລະປະສົບການ ເພື່ອຄວບຄຸມ ແລະສະກັດກັ້ນການລ່າສັດ, ການຂຸດຄົ້ນ, ຄ້າຂາຍ, ຂົນສົ່ງໄມ້ ແລະເຄື່ອງປ່າຂອງດົງ, ສັດປ່າຢູ່ເຂດຊາຍແດນລະຫວ່າງສອງປະເທດ. ແຕ່ລະຝ່າຍຈະເພີ່ມທະວີການຄວບຄຸມ, ກວດກາ, ຕິດຕາມຢ່າງເຂັ້ມງວດຕໍ່ກໍລະນີສົ່ງອອກ ແລະນຳເຂົ້າໄມ້, ເຄື່ອງປ່າຂອງດົງ ແລະສັດປ່າປະເພດຕ່າງໆຢູ່ຕາມຊາຍແດນຂອງສອງປະເທດ, ພ້ອມກັນນັ້ນກໍ່ແລກປ່ຽນຂໍ້ມູນຂ່າວສານ ແລະສົມທົບກັນແກ້ໄຂບັນດາກໍລະນີລະເມີດບົນພື້ນຖານການປະຕິບັດຕາມກົດໝາຍຂອງແຕ່ລະປະເທດເປັນປະຈຳ.
ໂດຍ: ທະນາພອນ