ຄະນະປະຕິບັດງານຂອງກອງບັນຊາການຕໍາຫຼວດທະເລ ຢ້ຽມຢາມ ແລະເຮັດວຽກຢູ່ເກາະໂທ໋ຈູ

ທີ່ການເຮັດວຽກ, ພົນຕີ ບຸ່ຍກວກອວາຍ ໄດ້ແບ່ງປັນຄວາມຫຍຸ້ງຍາກລໍາບາກ ເຊິ່ງພະນັກງານ, ນັກຮົບບັນດາກົມກອງ ໄດ້ ແລະພວມປະເຊີນໜ້າ. ພ້ອມທັງຍ້ອງຍໍຊົມເຊີຍ, ຮັບຮູ້ໝາກຜົນ, ຜົນງານ ເຊິ່ງບັນດາກົມກອງບັນລຸໄດ້ ແລະສະແດງຄວາມປາດຖະໜາວ່າໃນໄລຍະຈະມາເຖິງ, ພະນັກງານ, ນັກຮົບບັນດາກົມກອງ ຈະສືບຕໍ່ເສີມຂະຫຍາຍມູນເຊື້ອຂອງກອງທັບ, ປະກອບສ່ວນກໍ່ສ້າງກົມກອງໃຫ້ຮອບດ້ານໃນທຸກໜ້າທີ່ວຽກງານ.

ພົນຕີ ບຸ່ຍກວກອວາຍ ຫົວໜ້າການເມືອງກອງບັນຊາການຕໍາຫຼວດທະເລ ລົງກວດກາການຮັບຮູ້ດ້ານກົດໝາຍຂອງຊາວປະມົງທີ່ພວມທໍາມາຫາກິນ ຢູ່ເຂດເກາະໂທ໋ຈູ. ພາບ: ຈູແອັງ

ໃນນັ້ນ, ຈຸດສຸມແມ່ນການສ້າງລະບຽບແບບແຜນ, ຄຸ້ມຄອງ ແລະຝຶກຝົນຫຼໍ່ຫຼອມລະບຽບວິໄນ, ຮັກສາການພົວພັນຕິດຕໍ່ກັບຄະນະພັກຂັ້ນ, ອໍານາດການປົກຄອງ, ບັນດາອົງການຈັດຕັ້ງມະຫາຊົນ ແລະປະຊາຊົນ ໃນບໍລິເວນເປັນປະຈໍາ; ປະຕິບັດວຽກງານກໍາແໜ້ນ, ຄາດຄະເນສະພາບ ການ, ເປັນເສນາທິການໃຫ້ຂັ້ນເທິງໃນການຄຸ້ມຄອງ ແລະແກ້ໄຂບັນດາກໍລະນີທີ່ເກີດຂຶ້ນບົນທະເລໃຫ້ເປັນຢ່າງດີ. ສຸມໃສ່ຍົກສູງຄຸນນະພາບ, ປະສິດທິຜົນວຽກງານຂົນຂວາຍປະຊາຊົນ ໃນສະພາບການໃໝ່, ຍູ້ແຮງການໂຄສະນາເຜີຍແຜ່, ສຶກສາອົບຮົມດ້ານກົດໝາຍ, ເປັນຕົ້ນແມ່ນໃນການປະຕິບັດຕາມການຊີ້ນໍາຂອງລັດຖະບານ ໃນການຕ້ານການຫາປາຜິດກົດໝາຍ IUU, ຕັດສິນໃຈຍົກເລີກບັດເຫຼືອງຕໍ່ກັບການສົ່ງອອກສິນໃນນໍ້າຂອງຫວຽດນາມ; ພ້ອມທັງປະກອບສ່ວນສ້າງ “ທ່າຮົບໃນຈິດໃຈປະຊາຊົນ” ຢູ່ໃນເກາະໃຫ້ນັບມື້ນັບໜັກແໜ້ນ.

ພົນຕີ ບຸ່ຍກວກອວາຍ ມອບຂອງຂວັນໃຫ້ບັນດາອົງການ, ກົມກອງ ທີ່ຕັ້ງທັບຢູ່ເກາະໂທ໋ຈູ. ພາບ: ຈູແອັງ

ໃນໂອກາດນີ້, ຄະນະປະຕິບັດງານ ໄດ້ໄປຖະຫວາຍທູບທຽນ, ດອກໄມ້ອາໄລຫາປະທານໂຮ່ຈີມິນ ແລະລຸ້ນພໍ່ລຸ້ນອ້າຍທີ່ໄດ້ເສຍສະຫຼະຊີວິດໃນພາລະກິດຕໍ່ສູ້ປົກປັກຮັກສາອະທິປະໄຕທະເລ, ໝູ່ເກາະຢູ່ເກາະໂທ໋ຈູ. ຄະນະປະຕິບັດງານ ກໍ່ໄດ້ມອບຂອງຂວັນໃຫ້ບັນດາຄອບຄົວນະໂຍບາຍ; ຈັດຕັ້ງການກວດກາການປະຕິບັດຕ້ານການຫາປາຜິດກົດໝາຍ IUU ສົມທົບກັບການໂຄສະນາເຜີຍແຜ່,  ສຶກສາອົບຮົມດ້ານກົດໝາຍໃຫ້ແກ່ຊາວປະມົງ.

ໂດຍ: ທູຈາງ