ກອງປະຊຸມຕໍ່ສູ້ຕ້ານອາດຊະຍາກຳຢູ່ເຂດຊາຍແດນຫວຽດນາມ - ລາວ
ກປ.ອອນໄລ - ວັນທີ 29 ກໍລະກົດ, ຢູ່ກອງບັນຊາການຕຳຫຼວດແຂວງແທງຮວ໋າ ສສ.ຫວຽດນາມ, ກອງບັນຊາການຕຳຫຼວດແຂວງແທງຮວ໋າ ແລະກອງບັນຊາການປ້ອງກັນຄວາມສະຫງົບ (ປກສ) ແຂວງຫົວພັນ ໄດ້ຈັດຕັ້ງກອງປະຊຸມປຶກສາຫາລືກ່ຽວກັບມາດຕະການສະກັດກັ້ນ ແລະຕ້ານອາດຊະຍາກຳຢາເສບຕິດຢູ່ເຂດຊາຍແດນຫວຽດນາມ-ລາວ.
ພັນເອກພິເສດ ເຢືອງວັນຕ໊ຽນ, ຮອງຫົວໜ້າກອງບັນຊາການຕຳຫຼວດແຂວງ, ການນໍາອົງການສືບສວນ-ສອບສວນແຂວງແທງຮວ໋າ; ພັນເອກ ເພັດສອນ ອິນສຸພັນ ຮອງຫົວໜ້າກອງບັນຊາການ ປກສ ແຂວງຫົວພັນ ເປັນປະທານຮ່ວມກອງປະຊຸມ.
|
|
ພິທີລົງນາມໃນບົດບັນທຶກຊ່ວຍຈໍາການຮ່ວມມືສະກັດກັ້ນ ແລະຕ້ານອາດຊະຍາກໍາຢາເສບຕິດປີ 2022. ພາບ: cand.com.vn |
ທີ່ກອງປະຊຸມ, ສອງຝ່າຍໄດ້ປຶກສາຫາລືເຮັດແຈ້ງຄວາມຫຍຸ້ງຍາກ, ຂໍ້ຕິດຂັດ ແລະຊອກຫາມາດຕະການແກ້ໄຂເພື່ອໃຫ້ການຕໍ່ສູ້ສະກັດກັ້ນ, ຕ້ານຢາເສບຕິດບັນລຸໄດ້ໝາກຜົນດີທີ່ສຸດ. ໃນນັ້ນ, ໄດ້ຊີ້ແຈງ, ເຮັດແຈ້ງວຽກງານສົມທົບ, ວຽກງານສືບສວນສອບສວນຂັ້ນພື້ນຖານ,... ຕຳຫຼວດສອງແຂວງໄດ້ເຫັນດີເປັນເອກະພາບຕໍ່ການຕີລາຄາສູງບັນດາໝາກຜົນທີ່ບັນລຸໄດ້ໃນການຮ່ວມມືສະກັດກັ້ນ, ຕ້ານອາດຊະຍາກຳຢາເສບຕິດຢູ່ຊາຍແດນ, ປະກອບສ່ວນສຳຄັນເຂົ້າໃນການຮັບປະກັນຄວາມສະຫງົບ-ຄວາມເປັນລະບຽບຮຽບຮ້ອຍ.
ບົນພື້ນຖານນັ້ນ, ການນຳຕຳຫຼວດສອງແຂວງໄດ້ລົງນາມໃນບົດບັນທຶກຊ່ວຍຈໍາການຮ່ວມມືສະກັດກັ້ນ ແລະຕ້ານຢາເສບຕິດປີ 2022 ດ້ວຍຫຼາຍເນື້ອໃນສຳຄັນ, ຄື: ສືບຕໍ່ປະຕິບັດບັນດາເນື້ອໃນບົດບັນທຶກຊ່ວຍຈຳກ່ຽວກັບການຮ່ວມມືສະກັດກັ້ນ, ຕ້ານຢາເສບຕິດທີ່ໄດ້ລົງນາມໃນວັນທີ 31 ຕຸລາ 2021 ຢ່າງມີປະສິດທິຜົນ; ເພີ່ມທະວີການສົມທົບກັນແລກປ່ຽນຂໍ້ມູນຂ່າວສານ; ຍູ້ແຮງການສົມທົບກັນດຳເນີນການກວດກາຂັ້ນພື້ນຖານຢູ່ບໍລິເວນເຂດຊາຍແດນ; ໂຄສະນາ, ໂຈມຕີປາບປາມອາດຊະຍາກຳຢາເສບຕິດແຕ່ນີ້ຮອດທ້າຍປີ 2022;...
ໂດຍ: ທະນາພອນ