ຫວຽດນາມ ມອບວັດຖຸອຸປະກອນການແພດປ້ອງກັນ, ຕ້ານພະຍາດໂຄວິດ-19 ແລະກິດຈະກຳສຸກສາລາທະຫານ ແລະປະຊາຊົນໃຫ້ແຂວງບໍລິຄໍາໄຊ, ລາວ
ກປ.ອອນໄລ - ວັນທີ 14 ມິຖຸນາ, ຢູ່ດ່ານສາກົນເກົ່າແຈວ (ແຂວງຮ່າຕີ໋ງ), ຄະນະກໍາມະການປະຊາຊົນແຂວງເງະອານ ໄດ້ຈັດຕັ້ງພິທີມອບຮັບກິດຈະກຳສຸກສາລາທະຫານ ແລະປະຊາຊົນນໍ້າອອນ ແລະສະບຽງອາຫານ, ວັດຖຸອຸປະກອນການແພດປ້ອງກັນ, ຕ້ານພະຍາດໂຄວິດ-19 ໃຫ້ອໍານາດການປົກຄອງ, ກໍາລັງປະກອບອາວຸດແຂວງບໍລິຄໍາໄຊ, ລາວ.
ເຂົ້າຮ່ວມພິທີມອບຮັບມີທ່ານ ທ່ານ ຄຳແຫວນ ປັນຍານຸວົງ ຮອງເຈົ້າແຂວງບໍລິຄໍາໄຊ; ທ່ານ ບຸ່ຍດີ່ງລອງ ຮອງປະທານຄະນະກໍາມະການປະຊາຊົນແຂວງເງະອານ.
|
|
ຜູ້ຕາງໜ້າການນໍາສອງແຂວງເງະອານ ແລະບໍລິຄໍາໄຊ ລົງນາມໃນບົດບັນທຶກມອບຮັບກິດຈະກຳສຸກສາລາທະຫານ ແລະປະຊາຊົນນໍ້າອອນ. ພາບ: ຮຸ່ງຟອງ. |
ຄະນະກໍາມະການປະຊາຊົນແຂວງເງະອານ ໄດ້ມອບກິດຈະກຳສຸກສາລາທະຫານ ແລະປະຊາຊົນນໍ້າອອນ ດ້ວຍມູນຄ່າ 15 ຕື້ດົ່ງ ໃຫ້ເມືອງໄຊຈໍາພອນ, ແຂວງບໍລິຄໍາໄຊ ເພື່ອປະກອບສ່ວນສົ່ງເສີມສຸຂະພາບໃຫ້ພໍ່ແມ່ປະຊາຊົນໃນບໍລິເວນ, ຄວບຄຸມພະຍາດໂຄວິດ-19 ຢ່າງທັນການ, ມີປະສິດທິຜົນ; ພ້ອມທັງໜູນຊ່ວຍດ້ານສະບຽງອາຫານ, ວັດຖຸອຸປະກອນການແພດປ້ອງກັນ, ຕ້ານພະຍາດໂຄວິດ-19 ດ້ວຍມູນຄ່າ 250 ລ້ານດົ່ງ ໃຫ້ອໍານາດການປົກຄອງ ແລະກໍາລັງປະກອບອາວຸດແຂວງບໍລິຄໍາໄຊ.
|
|
ແຂວງເງະອານ ມອບສະບຽງອາຫານ, ວັດຖຸອຸປະກອນການແພດປ້ອງກັນ, ຕ້ານພະຍາດໂຄວິດ-19 ດ້ວຍມູນຄ່າ 250 ລ້ານດົ່ງ ໃຫ້ແຂວງບໍລິຄໍາໄຊ. ພາບ: ຮຸ່ງຟອງ. |
|
|
ການນໍາອຳນາດການປົກຄອງແຂວງບໍລິຄໍາໄຊ ມອບໃບຍ້ອງຍໍໃຫ້ກອງບັນຊາການທະຫານຊາຍແດນແຂວງເງະອານ. ພາບ: ຮຸ່ງຟອງ. |
ໃນໂອກາດນີ້, ອຳນາດການປົກຄອງແຂວງບໍລິຄໍາໄຊ ໄດ້ມອບໃບຍ້ອງຍໍໃຫ້ຄະນະກໍາມະການປະຊາຊົນແຂວງເງະອານ ແລະກອງບັນຊາການທະຫານຊາຍແດນແຂວງເງະອານ.
ກໍ່ເນື່ອງໃນໂອກາດນີ້, ຄະນະປະຕິບັດງານຂອງຄະນະກໍາມະການປະຊາຊົນແຂວງເງະອານ ກໍ່ໄດ້ໄປຢ້ຽມຢາມ, ລະດົມກໍາລັງໃຈພະນັກງານ, ນັກຮົບຢູ່ປ້ອມຄຸ້ມຄອງ, ປົກປັກຮັກສາຊາຍແດນ ແລະປ້ອງກັນ, ຕ້ານພະຍາດໂຄວິດ-19 ຢູ່ບໍລິເວນຕິດກັບສອງແຂວງ ເງະອານ ແລະຮ່າຕີ໋ງ; ພະນັກງານ, ນັກຮົບຄ້າຍທະຫານຊາຍແດນແທັງທຸ໋ຍ ແລະຄ້າຍທະຫານຊາຍແດນງອັກເລິມ ແລະທະຫານຊາຍແດນແຂວງເງະອານ.
ໂດຍ: ເຈິ່ນຮວ່ຽນ