ຮຽກຮ້ອງໃຫ້ບັນດາວິສາຫະກິດເຄົາລົບອະທິປະໄຕຂອງຫວຽດນາມ ສຳລັບໝູ່ເກາະຮວ່າງຊາ ແລະເຈື່ອງຊາ
ກປ.ອອນໄລ - ທີ່ກອງປະຊຸມຂ່າວນັດສາມັນໄດ້ຈັດຂຶ້ນໃນຕອນບ່າຍວັນທີ 8 ເມສາ, ເມື່ອຕອບຄຳຖາມຂອງນັກຂ່າວທີ່ສະເໜີໃຫ້ຮູ້ກ່ຽວກັບການສະແດງຄຳຄິດເຫັນຂອງຫວຽດນາມ ຕໍ່ເລື່ອງບາງກາໝາຍຕ່າງປະເທດໄດ້ນໍາໃຊ້ແຜນທີ່ເສັ້ນ 9 ຕອນທີ່ຜິດກົດໝາຍໃນເວັບໄຊທີ່ເປັນພາສາຈີນ...
ທ່ານນາງ ເລທິທູຮັ່ງ ໂຄສົກກະຊວງການຕ່າງປະເທດຫວຽດນາມ ຢັ້ງຢືນວ່າ “ຄືດັ່ງໄດ້ຢັ້ງຢືນມາຫຼາຍຄັ້ງແລ້ວ, ຫວຽດນາມ ມີພະຍານຫຼັກຖານປະຫວັດສາດ ແລະພື້ນຖານນິຕິກໍາຢ່າງພຽງພໍເພື່ອຢັ້ງຢືນອະທິປະໄຕສໍາລັບໝູ່ເກາະຮວ່າງຊາ ແລະເຈື່ອງຊາ ແມ່ນສອດຄ່ອງກັບກົດໝາຍສາກົນກໍ່ຄືອະທິປະໄຕ, ສິດອະທິປະໄຕ, ສິດອຳນາດສານສໍາລັບເຂດທະເລທີ່ກ່ຽວຂ້ອງຢູ່ທະເລຕາເວັນອອກ ໄດ້ກໍານົດຢ່າງສອດຄ່ອງກັບສົນທິສັນຍາຂອງສະຫະປະຊາຊາດກ່ຽວກັບກົດໝາຍວ່າດ້ວຍທະເລປີ 1982 (UNCLOS).
    |
 |
|
ທ່ານນາງ ເລທິທູຮັ່ງ ໂຄສົກກະຊວງການຕ່າງປະເທດຫວຽດນາມ. ພາບ: ສໍານັກຂ່າວສານຫວຽດນາມ. |
ທຸກຮູບການໂຄສະນາ, ເຜີຍແຜ່ບັນດາເນື້ອໃນທີ່ຜິດກັບຄວາມຈິງຂອງປະຫວັດສາດ ແລະກົດໝາຍສາກົນລ້ວນແຕ່ບໍ່ມີຄຸນຄ່າ, ບໍ່ສາມາດປ່ຽນແປງໄດ້ຄວາມຈິງທີ່ວ່າແມ່ນອະທິປະໄຕຂອງຫວຽດນາມ ສຳລັບໝູ່ເກາະຮວ່າງຊາ ແລະເຈື່ອງຊາ ກໍ່ຄືຄວາມຈິງກ່ຽວກັບບັນຫາຢູ່ທະເລຕາເວັນອອກ.
ຫວຽດນາມ ຮຽກຮ້ອງໃຫ້ບັນດາວິສາຫະກິດຈົ່ງເຄົາລົບອະທິປະໄຕຂອງຫວຽດນາມ ສຳລັບໝູ່ເກາະຮວ່າງຊາ ແລະເຈື່ອງຊາ ກໍ່ຄືອະທິປະໄຕ, ສິດອະທິປະໄຕ, ສິດອຳນາດສານສໍາລັບເຂດທະເລທີ່ກ່ຽວຂ້ອງຢູ່ທະເລຕາເວັນອອກ”.
ໂດຍ: ເຈິ່ນຮວ່ຽນ