ຊຸກຍູ້ການຮ່ວມມືເພື່ອຮັບມືກັບບັນດາສິ່ງທ້າທາຍຄວາມໝັ້ນຄົງຢູ່ທະເລ
ກປ.ອອນໄລ - ວັນທີ 13 ພະຈິກ, ກອງປະຊຸມສຳມະນາເວທີປາໄສພາກພື້ນອາຊຽນ (ARF) ຄັ້ງທີ 2 ກ່ຽວກັບການປະຕິບັດສົນທິສັນຍາຂອງສະຫະປະຊາຊາດກ່ຽວກັບກົດໝາຍວ່າດ້ວຍທະເລປີ 1982 (UNCLOS 1982) ແລະບັນດາເອກະສານນິຕິກຳສາກົນອື່ນໆໃນການຮັບມືກັບສິ່ງທ້າທາຍ, ໂດຍຫວຽດນາມ, ການາດາ ແລະສະຫະພາບເອີຣົບ (EU) ເປັນປະທານຮ່ວມ, ໄດ້ໄຂຂຶ້ນຢູ່ຮ່າໂນ້ຍ.
ກ່າວຄໍາເຫັນທີ່ພິທີໄຂ, ທ່ານນາງ ເລທິຕວຽດມາຍ, ຫົວໜ້າກົມກົດໝາຍ ແລະສົນທິສັນຍາສາກົນ; ທ່ານນາງ Deborah Paul, ເອກອັກຄະລັດຖະທູດວິສາມັນຜູ້ມີອຳນາດເຕັມແຫ່ງການາດາ ປະຈຳ ຫວຽດນາມ ແລະທ່ານ Giorgo Aloberti ເອກອັກຄະລັດຖະທູດສະຫະພາບເອີຣົບ ປະຈຳ ຫວຽດນາມ, ໄດ້ຢັ້ງຢືນເຖິງບົດບາດສຳຄັນຂອງ UNCLOS 1982 ໃນການຄຸ້ມຄອງການເຄື່ອນໄຫວຂອງບັນດາປະເທດຢູ່ທະເລໃນຕະຫຼອດໄລຍະ 25 ປີທີ່ຜ່ານມາ.
|
|
ບັນຍາກາດທີ່ກອງປະຊຸມສໍາມະນາ. ພາບ: ຈູງຮ່ຽວ. |
ເປົ້າໝາຍຕົ້ນຕໍຂອງກອງປະຊຸມສຳມະນາແມ່ນແນໃສ່ສ້າງເວທີປາໄສ ເພື່ອໃຫ້ບັນດາຊ່ຽວຊານ, ນັກຮຽນຮູ້ ແລະເຈົ້າໜ້າທີ່ບັນດາປະເທດສະມາຊິກ ARF ແລກປ່ຽນກ່ຽວກັບບັນດາວິທີການໝູນໃຊ້ບັນດາເອກະສານນິຕິກຳສາກົນກ່ຽວກັບທະເລຢ່າງມີປະສິດທິຜົນ, ພິເສດແມ່ນສົນທິສັນຍາຂອງສະຫະປະຊາຊາດກ່ຽວກັບກົດໝາຍວ່າດ້ວຍທະເລ ເພື່ອແນໃສ່ແກ້ໄຂບັນດາສິ່ງທ້າທາຍໃນການຄຸ້ມຄອງທະເລໃນປະຈຸບັນ, ປະກອບສ່ວນຍົກສູງຄວາມຮັບຮູ້ກ່ຽວກັບບັນດາສິ່ງທ້າທາຍເຖິງຄວາມໝັ້ນຄົງຢູ່ທະເລທີ່ພວມປະກົດຂຶ້ນ; ແບ່ງປັນຄວາມຮັບຮູ້ ແລະບົດຮຽນຕົວຈິງ, ກໍານົດກາລະໂອກາດ, ວິທີການຊຸກຍູ້ການຮ່ວມມືກ່ຽວກັບທະເລລະຫວ່າງບັນດາປະເທດສະມາຊິກ ARF.
ໂດຍ: ກວຽດເຕິມ