ຮ່ວມແຮງຮ່ວມໃຈຮັກສາສະພາບແວດລ້ອມແຫ່ງສັນຕິພາບ, ສະຖຽນລະພາບເພື່ອການຮ່ວມມື, ພັດທະນາຢູ່ ສ. ອາຟະລິກາກາງ

ໃນຂອບເຂດການຢ້ຽມຢາມ, ຄະນະປະຕິບັດງານໄດ້ເຂົ້າຢ້ຽມຂໍ່ານັບທ່ານ Amadou Fofana, ຮັກສາການຜູ້ບັນຊາການຕໍາຫຼວດ ແລະທ່ານພົນຈັດຕະວາ Maychel Asmi, ຮອງຜູ້ບັນຊາການກອງທັບຄະນະປະຕິບັດງານ MINUSCA.

ຕາງໜ້າໃຫ້ຄະນະປະຕິບັດງານ, ທ່ານຮອງລັດຖະມົນຕີ ຟ້າມເຖຕຸ່ງ ອວຍພອນບັນດາກົມກອງຄະນະປະຕິບັດງານໄດ້ສົມທົບກັບ ສ. ອາຟະລິກາກາງ ຮັບປະກັນຄວາມໝັ້ນຄົງ, ຄວາມປອດໄພ, ໄດ້ຈັດຕັ້ງການເລືອກຕັ້ງປະທານາທິບໍດີ, ສະພາແຫ່ງຊາດ ແລະອຳນາດການປົກຄອງຕົວເມືອງທ້ອງຖິ່ນຮອບທໍາອິດຢ່າງສໍາເລັດຜົນ. ນີ້ແມ່ນຂີດໝາຍສໍາຄັນໃຫ້ຄວາມສະຖຽນລະພາບໃນພາກພື້ນ.

ບັນຍາກາດທີ່ການຕ້ອນຮັບ. ພາບ: qdnd.vn

ທ່ານຮອງລັດຖະມົນຕີ ຟ້າມເຖຕຸ່ງ ຢືນຢັນວ່າ ກ່ຽວກັບແຜນນະໂຍບາຍ, ຫວຽດນາມ ຍາມໃດກໍ່ກຳນົດວ່າການເຂົ້າຮ່ວມກໍາລັງຮັກສາສັນຕິພາບ ສປຊ ແມ່ນໜ້າທີ່ການເມືອງສຳຄັນ, ຢືນຢັນຄໍາໝັ້ນສັນຍາຂອງຫວຽດນາມ ເປັນສະມາຊິກທີ່ມີຄວາມຮັບຜິດຊອບສໍາລັບສັນຕິພາບ ແລະຄວາມໝັ້ນຄົງສາກົນ.  ບັນດາກຳລັງທີ່ສົ່ງໄປລ້ວນແຕ່ປະຕິບັດສໍາເລັດໜ້າທີ່ເປັນຢ່າງດີ, ຮັກສາລະບຽບວິໄນ ແລະໄດ້ຮັບການຕີລາຄາສູງ. ທ່ານຮອງລັດຖະມົນຕີ ຟ້າມເຖຕຸ່ງ ຢືນຢັນວ່າ: “ໝາກຜົນດັ່ງກ່າວໄດ້ສະແດງໃຫ້ເຫັນຄວາມຮັບຜິດຊອບຂອງຫວຽດນາມ ສໍາລັບສັນຕິພາບ, ຄວາມໝັ້ນຄົງສາກົນແບບຍືນຍົງ ແລະຍາມໃດກໍ່ພ້ອມແລ້ວທີ່ຈະເຂົ້າຮ່ວມການແກ້ໄຂສິ່ງທ້າທາຍທົ່ວໂລກໃນໄລຍະຈະມາເຖິງ”.

ທ່ານພົນໂທ ຟ້າມເຖຕຸ່ງ ຮອງລັດຖະມົນຕີກະຊວງຕໍາຫຼວດ ຢ້ຽມຢາມ ແລະເຮັດວຽກກັບກົມກອງຕໍາຫຼວດອິນໂດເນເຊຍ (FTU). ພາບ: qdnd.vn

ຕີລາຄາສູງການໜູນຊ່ວຍຂອງອົງການຢູ່ຄະນະປະຕິບັດງານ MINUSCA ໃນການຜັນຂະຫຍາຍກໍາລັງຕໍາຫຼວດຫວຽດນາມ ຢູ່ຄະນະປະຕິບັດງານໃນໄລຍະຜ່ານມາ, ທ່ານຮອງລັດຖະມົນຕີ ຟ້າມເຖຕຸ່ງ ສະເໜີວ່າ ໃນໄລຍະຈະມາເຖິງ, ການນຳຄະນະປະຕິບັດງານ MINUSCA ສະໜັບສະໜູນ ແລະສະເໜີໃຫ້ ສປຊ ເຊີນຫວຽດນາມ ສືບຕໍ່ຜັນຂະຫຍາຍບັນດາຕໍາແໜ່ງນາຍຕຳຫຼວດ ແລະກົມກອງຕໍາຫຼວດຮັກສາສັນຕິພາບເລກ 1 ຢູ່ຄະນະປະຕິບັດງານ.

ເພື່ອປະກອບສ່ວນໃຫ້ການເຄື່ອນໄຫວຮັກສາສັນຕິພາບ ສປຊ, ໃນການຢ້ຽມຢາມຄັ້ງນີ້, ທ່ານຮອງລັດຖະມົນຕີ ສະເໜີບັນດາກົມກອງສ້າງເງື່ອນໄຂເພື່ອຄະນະປະຕິບັດງານມາຢ້ຽມຢາມ ແລະຖອດຖອນບົດຮຽນຈາກບັນດາປະເທດພວມຜັນຂະຫຍາຍບັນດາກົມກອງຕໍາຫຼວດຢູ່ ຄະນະປະຕິບັດງານ.

ໂດຍ: ເຈິ່ນຮວ່ຽນ