ປະກອບສ່ວນຊຸກຍູ້ການຮ່ວມມືດ້ານການແພດທະຫານລະຫວ່າງ ຫວຽດນາມ-ກໍາປູເຈຍ
ກປ.ອອນໄລ - ຕອນບ່າຍວັນທີ 8 ຕຸລາ, ທ່ີຮ່າໂນ້ຍ, ທ່ານພົນຕີ, ສຈ, ປອ ເຈິ່ນຫວ໊ຽດຕ໊ຽນ, ຫົວໜ້າວິທະຍາຄານການແພດ ໄດ້ຕ້ອນຮັບ ແລະເຮັດວຽກກັບທ່ານພົນເອກ Nim Mealea ຫົວໜ້າວິທະຍາຄານການແພດ, ກອງທັບ ແຫ່ງ ລາຊະອານາຈັກກໍາປູເຈຍ.
    |
 |
|
ບັນຍາກາດທີ່ການຕ້ອນຮັບ. ພາບ: qdnd.vn |
ທີ່ການເຮັດວຽກ, ທ່ານພົນເອກ Nim Mealea ຂອບໃຈວິທະຍາຄານການແພດຫວຽດນາມ ໃນໄລຍະຜ່ານມາໄດ້ໜູນຊ່ວຍບໍາລຸງສ້າງຊັບພະຍາກອນມະນຸດດ້ານການແພດທະຫານໃຫ້ແກ່ກໍາປູເຈຍ. ທີ່ການເຮັດວຽກ, ສອງຝ່າຍເນັ້ນໜັກວ່າ ການຮ່ວມມືດ້ານການແພດທະຫານລະຫວ່າງ ຫວຽດນາມ-ກໍາປູເຈຍ ປະຈຸບັນມີລັກສະນະເນື້ອແທ້, ມຸ່ງໄປເຖິງການບໍາລຸງສ້າງຊັບພະຍາກອນມະນຸດ. ສອງຝ່າຍພ້ອມກັນແລກປ່ຽນ, ຊອກຮູ້ກ່ຽວກັບຄວາມສາມາດ, ຄວາມຕ້ອງການ ເພື່ອເປັນພື້ນຖານຊຸກຍູ້ການຮ່ວມມືລະຫວ່າງສອງວິທະຍາຄານ, ປະກອບສ່ວນຊຸກຍູ້ການຮ່ວມມືດ້ານການແພດທະຫານລະຫວ່າງກະຊວງປ້ອງກັນປະເທດສອງປະເທດ ຫວຽດນາມ-ກໍາປູເຈຍ.
ສ່ວນທ່ານພົນຕີ, ສຈ, ປອ ເຈິ່ນຫວ໊ຽດຕ໊ຽນ ສະແດງຄວາມປາດຖະໜາວ່າ ການພົວພັນຮ່ວມມືລະຫວ່າງວິທະຍາຄານການແພດຫວຽດນາມ ແລະວິທະຍາຄານການແພດ, ກອງທັບແຫ່ງລາຊະອານາຈັກກໍາປູເຈຍ ຈະນັບມື້ນັບພັດທະນາ, ປະກອບສ່ວນເພີ່ມທະວີການພົວພັນອັນສະໜິດແໜ້ນລະຫວ່າງປະຊາຊົນ, ກອງທັບສອງປະເທດ ເວົ້າລວມ, ຂະແໜງການແພດທະຫານສອງປະເທດ ເວົ້າສະເພາະ.
ໂດຍ: ໄຊນີດາ