ທີ່ການຕ້ອນຮັບ, ທ່ານພົນໂທ ຫງວຽນເຈື່ອງຖັ໊ງ ອວຍພອນທ່ານພັນເອກ Roman Osvaldo Jimenez Ortega ທີ່ໄດ້ປະຕິບັດສຳເລັດອາຍຸການປະຕິບັດງານຢູ່ຫວຽດນາມ; ສະແດງຄວາມປິຕິຊົມຊື່ນເມື່ອເຫັນວ່າ ໃນໄລຍະຜ່ານມາ, ດ້ວຍການປະກອບສ່ວນຢ່າງຕັ້ງໜ້າຂອງທ່ານພັນເອກ Roman Osvaldo Jimenez Ortega, ການພົວພັນຮ່ວມມືດ້ານປ້ອງກັນຊາດ ຫວຽດນາມ-ກູບາ ໄດ້ຮັບການປັບປຸງ ແລະພັດທະນາຢ່າງບໍ່ຢຸດຢັ້ງ, ແມ່ນຈຸດພົ້ນເດັ່ນໃນການພົວພັນຮ່ວມມືລະຫວ່າງສອງປະເທດ.

leftcenterrightdel
ທ່ານພົນໂທ ຫງວຽນເຈື່ອງຖັ໊ງ ແລກປ່ຽນກັບທ່ານພັນເອກ Roman Osvaldo Jimenez Ortega. ພາບ: ງອັກທື

ອວຍພອນທ່ານພັນເອກ Angel Luis Cruz Garcia ໄດ້ຮັບການແຕ່ງຕັ້ງດໍາລົງຕໍາແໜ່ງເປັນທູດທະຫານ, ທະຫານເຮືອ ແລະທະຫານອາກາດກູບາ ປະຈຳ ຫວຽດນາມ, ທ່ານພົນໂທ ຫງວຽນເຈື່ອງຖັ໊ງ ປາດຖະໜາວ່າ, ທ່ານພັນເອກ Angel Luis Cruz Garcia ໃນຖານະຕຳແໜ່ງໃໝ່, ສືບຕໍ່ສົມທົບຢ່າງແໜ້ນແຟ້ນເພື່ອເສີມຂະຫຍາຍບັນດາໝາກຜົນບັນລຸໄດ້, ເຮັດໃຫ້ການພົວພັນຮ່ວມມືດ້ານປ້ອງກັນຊາດລະຫວ່າງສອງປະເທດເລິກເຊິ່ງກວ່າອີກ, ສຸມໃສ່ເຂົ້າໃນບາງເນື້ອໃນ, ຄື: ຜັນຂະຫຍາຍໝາກຜົນແຫ່ງການຢ້ຽມຢາມຫວຽດນາມ ຢ່າງເປັນທາງການເມື່ອບໍ່ດົນມານີ້ຂອງທ່ານລັດຖະມົນຕີກະຊວງບັນດາກໍາລັງປະກອບອາວຸດປະຕິວັດ ກູບາ ຢ່າງມີປະສິດທິຜົນ; ຮັກສາການແລກປ່ຽນຄະນະຜູ້ແທນທຸກຂັ້ນ, ເປັນຕົ້ນແມ່ນຄະນະຜູ້ແທນຂັ້ນສູງ; ຍູ້ແຮງການຮ່ວມມືວຽກງານພັກ, ວຽກງານການເມືອງ...

leftcenterrightdel
ບັນດາຜູ້ແທນຖ່າຍຮູບລວມ. ພາບ: ງອັກທື

ສ່ວນທ່ານພັນເອກ Roman Osvaldo Jimenez Ortega ຂອບອົກຂອບໃຈການນໍາກະຊວງປ້ອງກັນປະເທດຫວຽດນາມ ແລະອົງການທີ່ກ່ຽວຂ້ອງຂອງກະຊວງປ້ອງກັນປະເທດຫວຽດນາມ ທີ່ໄດ້ເອົາໃຈໃສ່, ໜູນຊ່ວຍ, ສ້າງເງື່ອນໄຂເພື່ອໃຫ້ສະຫາຍປະຕິບັດສໍາເລັດອາຍຸການປະຕິບັດງານຢູ່ຫວຽດນາມ. ພ້ອມທັງ ຢືນຢັນວ່າ ບໍ່ວ່າຈະຢູ່ໃນຕໍາແໜ່ງໃດກໍຕາມ, ທ່ານ ກໍ່ຈະສືບຕໍ່ປະກອບສ່ວນຢ່າງຕັ້ງໜ້າເຂົ້າໃນການຊຸກຍູ້ການພົວພັນລະຫວ່າງສອງປະເທດ, ສອງກອງທັບ.

ໃນຂະນະນັ້ນ, ທ່ານພັນເອກ Angel Luis Cruz Garcia ຢືນຢັນຈະເສີມຂະຫຍາຍບັນດາໝາກຜົນທີ່ບັນລຸໄດ້ຂອງຜູ້ເກົ່າ, ສົມທົບຢ່າງແໜ້ນແຟ້ນເພື່ອຜັນຂະຫຍາຍບັນດາເນື້ອໃນການຮ່ວມມືດ້ານປ້ອງກັນຊາດສອງຝ່າຍຢ່າງມີປະສິດທິຜົນ.

ໂດຍ: ເຈິ່ນຮວ່ຽນ