ກຳປັ່ນທະຫານເຮືອ ສະຫະພັນລັດເຊຍ ຢ້ຽມຢາມແຂວງແຄ໋ງຮວ່າ

6 ກັນຍາ 2025 19:14

ກປ.ອອນໄລ - ຕອນບ່າຍວັນທີ 5 ກັນຍາ, ກຳປັ່ນຝຶກແອບ Smolny ໃນກອງເຮືອ Baltic, ທະຫານເຮືອ ສະຫະພັນລັດເຊຍ ໂດຍທ່ານພົນຈັດຕະວາ Semenov Oleg Alekseevich ເປັນຜູ້ບັນຊາການ ໄດ້ເຂົ້າທຽບທ່າກຳປັ່ນສາກົນກາມແຣງ, ແຂວງແຄ໋ງຮວ່າ, ເລີ່ມຕົ້ນການຢ້ຽມຢາມແຂວງ ແຄ໋ງຮວ່າ ໃນລະຫວ່າງວັນທີ 5-8 ກັນຍາ.

ທ່ານພັນເອກພິເສດ ຫງວຽນມິງແລ່ັງ, ຮອງຫົວໜ້າເສນາທິການທະຫານເຮືອປະຊາຊົນຫວຽດນາມ ເຂດ 4 ໄດ້ເປັນເຈົ້າພາບພິທີຕ້ອນຮັບຄະນະ. ໃນຂອບເຂດການຢ້ຽມຢາມ, ຄະນະບັນຊາການກໍາປັ່ນຈະເຂົ້າຢ້ຽມຂໍ່ານັບກອງບັນຊາທະຫານເຮືອ ເຂດ 4, ຢ້ຽມຢາມ ແລະແຂ່ງຂັນກິລາມິດຕະພາບກັບວິທະຍາຄານທະຫານເຮືອ ແລະໄປຢ້ຽມຢາມປູຊະນີຍະສະຖານປະຫວັດສາດວັດທະນະທໍາບາງແຫ່ງຢູ່ນະຄອນຍາຈາງ.

ການຢ້ຽມຢາມຂອງກຳປັ່ນຝຶກແອບ Smolny ປະກອບສ່ວນເພີ່ມທະວີການພົວພັນຮ່ວມມື, ຄວາມເຂົ້າໃຈ, ຄວາມໄວ້ເນື້ອເຊື່ອໃຈ ເຊິ່ງກັນ ແລະກັນລະຫວ່າງກອງທັບສອງປະເທດ ຫວຽດນາມ ແລະສະຫະພັນລັດເຊຍ ເວົ້າລວມ, ທະຫານເຮືອສອງປະເທດ ເວົ້າສະເພາະ.

ໜັງສືພິມກອງທັບປະຊາຊົນ ແນະນໍາບາງຮູບພາບຂອງກຳປັ່ນຝຶກແອບ Smolny ເມື່ອເຂົ້າທຽບທ່າກໍາປັ່ນສາກົນ ກາມແຣງ: