ພົນເອກ ຫງວຽນເຕິນເກືອງ ເຂົ້າຮ່ວມກອງປະຊຸມ ACDFM-22 ຢູ່ມາເລເຊຍ
ກປ.ອອນໄລ - ໂດຍໄດ້ຮັບຄຳເຊີນຂອງຜູ້ບັນຊາການທະຫານສູງສຸມາເລເຊຍ, ວັນທີ 9 ກັນຍາ, ທ່ານພົນເອກ ຫງວຽນເຕິນເກືອງ, ກໍາມະການສູນກາງພັກ, ຄະນະປະຈໍາຄະນະພັກການທະຫານສູນກາງ, ຫົວໜ້າກົມໃຫຍ່ເສນາທິການ ກອງທັບປະຊາຊົນຫວຽດນາມ, ຮອງລັດຖະມົນຕີກະຊວງປ້ອງກັນປະເທດ ໄດ້ນໍາໜ້າຄະນະຜູ້ແທນການທະຫານຂັ້ນສູງກອງທັບປະຊາຊົນຫວຽດນາມ ເດີນທາງເຂົ້າຮ່ວມກອງປະຊຸມຜູ້ບັນຊາການທະຫານສູງສຸດອາຊຽນ ຄັ້ງທີ 22 (ACDFM-22) ຢູ່ນະຄອນຫຼວງກົວລາລໍາເປີ, ປະເທດມາເລເຊຍ.
    |
 |
|
ທ່ານພົນເອກ ຫງວຽນເຕິນເກືອງ. ພາບ: qdnd.vn |
ການເຄື່ອນໄຫວດັ່ງກ່າວເພື່ອແນໃສ່ສືບຕໍ່ຢັ້ງຢືນຄວາມຕັ້ງໜ້າ ແລະເປັນເຈົ້າການຂອງຫວຽດນາມ ດ້ວຍບົດບາດເປັນສະມາຊິກທີ່ມີຄວາມຮັບຜິດຊອບໃນອາຊຽນ ເວົ້າລວມ ແລະການຮ່ວມມືດ້ານການທະຫານ-ການປ້ອງກັນຊາດອາຊຽນ ເວົ້າສະເພາະ, ບົນຈິດໃຈໃຫ້ການສະໜັບສະໜູນສູງສຸດແກ່ມາເລເຊຍ, ປະເທດປະທານອາຊຽນ ປີ 2025. ພ້ອມກັນນັ້ນ, ຊຸກຍູ້ການຮ່ວມມືດ້ານການທະຫານ - ການປ້ອງກັນຊາດ ທີ່ແທດຈິງລະຫວ່າງບັນດາປະເທດອາຊຽນ, ແບ່ງປັນທັດສະນະກ່ຽວກັບບັນດາບັນຫາສາກົນ ແລະພາກພື້ນ.
ຕາມແຜນການແລ້ວ, ພ້ອມດ້ວຍການເຂົ້າຮ່ວມກອງປະຊຸມ ACDFM-22, ທ່ານພົນເອກ ຫງວຽນເຕິນເກືອງ ຈະມີການພົບປະສອງຝ່າຍກັບຫົວໜ້າຄະນະບາງປະເທດ.
ໂດຍ: ທູຈາງ