ກວດກາກຳປັ່ນ 016-ກວາງຈູງ ກະກຽມປະຕິບັດໜ້າທີ່ການທູດປ້ອງກັນຊາດ

9 ສິງຫາ 2025 19:15

ກປ.ອອນໄລ - ຕອນບ່າຍວັນທີ 8 ສິງຫາ, ຢູ່ແຂວງແຄ໋ງຮ່ວາ, ທ່ານພົນຈັດຕະວາ ຫງວຽນແອັງຕ໋ວນ, ຜູ້ບັນຊາການທະຫານເຮືອເຂດ 4 ພ້ອມດ້ວຍຄະນະປະຕິບັດງານ ໄດ້ລົງກວດກາ, ກໍາແໜ້ນສະພາບການ, ລະດົມກໍາລັງໃຈພະນັກງານ, ນັກຮົບກໍາປັ່ນ 016-ກວາງຈູງ (ກອງພົນນ້ອຍ 162) ກະກຽມປະຕິບັດໜ້າທີ່ການທູດປ້ອງກັນຊາດ.

ທ່ານພົນຈັດຕະວາ ຫງວຽນແອັງຕ໋ວນ ຕີລາຄາສູງວຽກງານຊີ້ນຳນໍາພາຂອງຄະນະພັກ, ຜູ້ບັນຊາການກອງພົນນ້ອຍ 162 ສໍາລັບກໍາປັ່ນ 016-ກວາງຈູງ ໃນວິວັດການກະກຽມ. ອຸປະກອນດ້ານເຕັກນິກຂອງກໍາປັ່ນໄດ້ຮັບປະກັນເປັນຢ່າງດີ, ການຕິດຕໍ່ສື່ສານທະລຸລ່ວງ; ແຜນການໃນໄລຍະປະຕິບັດໜ້າທີ່ແມ່ນລະອຽດ ແລະລະມັດລະວັງ, ຮັບປະກັນຄວາມປອດໄພໃນການເດີນທະເລ; ການເຄື່ອນໄຫວຢູ່ປະເທດບ້ານໄດ້ຂຶ້ນແຜນຢ່າງລະອຽດ, ຈັດຕັ້ງການຝຶກແອບຢ່າງເຂັ້ມງວດ... ທ່ານພົນຈັດຕະວາ ຫງວຽນແອັງຕ໋ວນ ໄດ້ລະດົມກໍາລັງໃຈ ແລະຮຽກຮ້ອງໃຫ້ພະນັກງານ ແລະນັກຮົບກຳປັ່ນ 016-ກວາງຈູງ ຜ່ານຜ່າຄວາມຫຍຸ້ງຍາກ, ຮັກສາລະບຽບວິໄນການທູດຢ່າງເຂັ້ມງວດ, ປະຕິບັສໍາເລັດໜ້າທີ່ເປັນຢ່າງດີ.

ໜ້າທີ່ນໍາສົ່ງຄະນະປະຕິບັດງານທະຫານເຮືອປະຊາຊົນຫວຽດນາມ ເຂົ້າຮ່ວມພິທີສວນສະໜາມກໍາປັ່ນອາຊຽນ ແລະການຝຶກຊ້ອມຫຼາຍຝ່າຍລະຫວ່າງທະຫານເຮືອອາຊຽນ ຄັ້ງທີ 3 ຢູ່ມາເລເຊຍ ມີຄວາມໝາຍສຳຄັນພິເສດ. ຜ່ານນັ້ນ, ສືບຕໍ່ເພີ່ມທະວີການພົວພັນຮ່ວມມື, ຄວາມເຂົ້າໃຈ ແລະຄວາມໄວ້ເນື້ອເຊື່ອໃຈເຊິ່ງກັນ ແລະກັນລະຫວ່າງທະຫານເຮືອຂອງບັນດາປະເທດໃນພາກພື້ນ, ປະກອບສ່ວນເຮັດໃຫ້ການພົວພັນຮ່ວມມືດ້ານປ້ອງກັນຊາດສອງຝ່າຍລະຫວ່າງ ຫວຽດນາມ-ມາເລເຊຍ ເວົ້າສະເພາະ ແລະທະຫານເຮືອບັນດາປະເທດທີ່ເຂົ້າຮ່ວມເວົ້າລວມ ເລິກເຊິ່ງກວ່າອີກໃນໄລຍະຈະມາເຖິງ.