ພົນເອກ ຟານວັນຢາງ ເປັນປະທານພິທີຕ້ອນຮັບລັດຖະມົນຕີກະຊວງປ້ອງກັນປະເທດສິງກະໂປ

22 ກໍລະກົດ 2025 19:26

ກປ.ອອນໄລ - ຕອນເຊົ້າວັນທີ 22 ກໍລະກົດ, ຢູ່ສໍານັກງານກະຊວງປ້ອງກັນປະເທດ, ທ່ານພົນເອກ ຟານວັນຢາງ, ກໍາມະການກົມການເມືອງ, ຮອງເລຂາຄະນະພັກການທະຫານສູນກາງ, ລັດຖະມົນຕີກະຊວງປ້ອງກັນປະເທດຫວຽດນາມ ໄດ້ເປັນປະທານພິທີຕ້ອນຮັບທ່ານ Chan Chun Sing ລັດຖະມົນຕີກະຊວງປ້ອງກັນປະເທດສິງກະໂປ ມາຢ້ຽມຢາມກະຊວງປ້ອງກັນປະເທດຫວຽດນາມ.

ເຂົ້າຮ່ວມພິທີຕ້ອນຮັບມີທ່ານພົນໂທ ຫງວຽນຮົ່ງທ໊າຍ, ກໍາມະການສູນກາງພັກ, ຮອງລັດຖະມົນຕີກະຊວງປ້ອງກັນປະເທດ.

ການຢ້ຽມຢາມຂອງທ່ານ Chan Chun Sing ເພື່ອແນໃສ່ຮັກສາການພົບປະຂັ້ນສູງ, ປະກອບສ່ວນເພີ່ມທະວີສາຍພົວພັນມິດຕະພາບອັນດີງາມ, ຄວາມໄວ້ເນື້ອເຊື່ອໃຈລະຫວ່າງສອງປະເທດ, ສອງກອງທັບ; ແມ່ນກາລະໂອກາດເພື່ອສອງຝ່າຍແລກປ່ຽນກໍານົດທິດການຮ່ວມມືດ້ານປ້ອງກັນຊາດສອງຝ່າຍໃນໄລຍະຈະມາເຖິງ.

ໃນໄລຍະຜ່ານມາ, ພ້ອມກັບການພັດທະນາອັນດີງາມຂອງການພົວພັນສອງຝ່າຍ, ການຮ່ວມມືດ້ານປ້ອງກັນຊາດ ຫວຽດນາມ-ສິງກະໂປ ບັນລຸໄດ້ບັນດາໝາກຜົນສຳຄັນໃນຫຼາຍຂົງເຂດ. ການນຳກະຊວງປ້ອງກັນປະເທດ ແລະກອງທັບສອງປະເທດຢ້ຽມຢາມກັນເປັນປະຈຳ ແລະພົບປະຢູ່ນອກບັນດາເຫດການຫຼາຍຝ່າຍ. ສອງຝ່າຍຮັກສາກົນໄກປຶກສາຫາລື, ເຈລະຈາ, ບຳລຸງສ້າງຊັບພະຍາກອນມະນຸດ, ພົບປະແລກປ່ຽນນາຍທະຫານໜຸ່ມ, ສົມທົບກັນຢ່າງແໜ້ນແຟ້ນ ແລະມີປະສິດທິຜົນຢູ່ເວທີປາໄສຫຼາຍຝ່າຍໂດຍອາຊຽນ ນໍາພາ...

ເລື່ອງສອງປະເທດຍົກລະດັບການພົວພັນຂຶ້ນເປັນຄູ່ຮ່ວມມືຍຸດທະສາດຮອບດ້ານ ໃນເດືອນມີນາ 2025 ໄດ້ເປີດໜ້າໃໝ່ໃນການພົວພັນລະຫວ່າງສອງປະເທດ, ໃນນັ້ນການຮ່ວມມືດ້ານປ້ອງກັນຊາດ ໄດ້ຮັບຄວາມຄອງຄອຍຈະມີບາດກ້າວໃໝ່, ເຂັ້ມແຂງກວ່າ, ແທດຈິງ ແລະມີປະສິດທິຜົນກວ່າ, ສືບຕໍ່ແມ່ນໜຶ່ງໃນບັນດາເສົາຄໍ້າສຳຄັນຂອງການພົວພັນ ຫວຽດນາມ-ສິງກະໂປ, ເພື່ອຜົນປະໂຫຍດຂອງປະຊາຊົນແຕ່ລະປະເທດ, ເພື່ອສັນຕິພາບ, ສະຖຽນລະພາບ, ການຮ່ວມມື ແລະການພັດທະນາວັດທະນາຖາວອນຂອງພາກພື້ນ ແລະໂລກ.