ນະຄອນເຫວ້ ອວຍພອນຄະນະກອງທັບປະຊາຊົນລາວ ປະຕິບັດສຳເລັດໜ້າທີ່ເຂົ້າຮ່ວມການສວນສະໜາມ, ເດີນຂະບວນ
ກປ.ອອນໄລ - ວັນທີ 1 ພຶດສະພາ, ຢູ່ທ່າອາກາດສະຍານສາກົນຟູບ່າຍ, ກອງບັນຊາການທະຫານນະຄອນເຫວ້ ໄດ້ສົມທົບກັບບັນດາກົມກອງຈັດຕັ້ງການຕ້ອນຮັບ, ອວຍພອນ, ສົ່ງຄະນະກອງທັບປະຊາຊົນລາວ ກັບຄືນປະເທດພາຍຫຼັງປະຕິບັດສຳເລັດໜ້າທີ່ເຂົ້າຮ່ວມການສວນສະໜາມ, ເດີນຂະບວນທີ່ພິທີສະເຫຼີມສະຫຼອງ 50 ປີແຫ່ງວັນປົດປ່ອຍພາກໃຕ້, ທ້ອນໂຮມປະເທດຊາດເປັນເອກະພາບ (30-4-1975 / 30-4-2025).
ເມື່ອຍົນບັນທຸກຄະນະກອງທັບປະຊາຊົນລາວ ມາຮອດທ່າອາກາດສະຍານສາກົນຟູບ່າຍ, ການນຳກອງບັນຊາການທະຫານນະຄອນເຫວ້, ຄະນະກໍາມະການແນວໂຮມປະເທດຊາດຫວຽດນາມ ນະຄອນເຫວ້, ກອງພົນ 968 (ທະຫານເຂດ 4) ພ້ອມດ້ວຍພະນັກງານ, ນັກຮົບເປັນຈຳນວນຫຼວງຫຼາຍໄດ້ໃຫ້ການຕ້ອນຮັບ. ການນຳກອງບັນຊາການທະຫານນະຄອນເຫວ້ ແລະບັນດາກົມກອງໄດ້ມອບດອກໄມ້ອວຍພອນ, ພ້ອມທັງສົ່ງຄຳຂອບໃຈຢ່າງຈິງໃຈມາຍັງພະນັກງານ, ນັກຮົບຄະນະກອງທັບປະຊາຊົນລາວ ໄດ້ແກ້ໄຂທຸກຄວາມຫຍຸ້ງຍາກ, ເຂົ້າຮ່ວມການຝຶກຊ້ອມ ແລະປະຕິບັດສຳເລັດໜ້າທີ່ເຂົ້າຮ່ວມການສວນສະໜາມ, ເດີນຂະບວນທີ່ພິທີສະເຫຼີມສະຫຼອງ 50 ປີແຫ່ງວັນປົດປ່ອຍພາກໃຕ້, ທ້ອນໂຮມປະເທດຊາດເປັນເອກະພາບ.
    |
 |
|
ການນຳກອງບັນຊາການທະຫານນະຄອນເຫວ້ ແລະກົມກອງ ຕ້ອນຮັບ, ມອບດອກໄມ້ອວຍພອນຄະນະກອງທັບປະຊາຊົນລາວ. ພາບ: ເລເສ໊າ |
|
|
 |
|
ສົ່ງຄະນະກອງທັບປະຊາຊົນລາວ ກັບຄືນປະເທດ. ພາບ: ເລເສ໊າ |
ການນຳກອງບັນຊາການທະຫານນະຄອນເຫວ້ ເນັ້ນໜັກວ່າ ພິທີສະເຫຼີມສະຫຼອງ 50 ປີແຫ່ງວັນປົດປ່ອຍພາກໃຕ້, ທ້ອນໂຮມປະເທດຊາດເປັນເອກະພາບ ໄດ້ຈັດຕັ້ງໃນຕອນເຊົ້າວັນທີ 30 ເມສາ ແມ່ນເຫດການການເມືອງສຳຄັນຂອງຫວຽດນາມ. ທີ່ພິທີ, ກອງນາຍ ແລະພົນທະຫານກອງທັບປະຊາຊົນລາວ ທີ່ເຂົ້າຮ່ວມການສວນສະໜາມ, ເດີນຂະບວນປະໄວ້ປະທັບໃຈຢ່າງແຮງ, ຜ່ານນັ້ນປະກອບສ່ວນສຳຄັນເຂົ້າໃນສໍາເລັດຜົນລວມຂອງພິທີສະເຫຼີມສະຫຼອງ.
ໂດຍ: ເຈິ່ນຮວ່ຽນ