ຄະນະປະຕິບັດງານຕໍາຫຼວດທະເລຫວຽດນາມ ສິ້ນສຸດການຢ້ຽມຢາມ ແລະພົບປະແລກປ່ຽນຢູ່ ອິນເດຍ
ກປ.ອອນໄລ - ຕອນບ່າຍວັນທີ 31 ທັນວາ, ກໍາປັ່ນຕໍາຫຼວດທະເລ 8005 ພ້ອມກັບຄະນະປະຕິບັດງານ ນໍາໂດຍທ່ານພັນເອກພິເສດ ຫງວຽນມິງແຄ໊ງ, ຮອງຜູ້ບັນຊາການ, ຫົວໜ້າເສນາທິການກອງບັນຊາການຕໍາຫຼວດທະເລເຂດ 3 ໄດ້ເຂົ້າທຽບທ່າກໍາປັ່ນກອງເຮືອ 301 (ກອງບັນຊາການຕຳຫຼວດທະເລເຂດ 3) ສິ້ນສຸດການຢ້ຽມຢາມ ແລະພົບປະແລກປ່ຽນກັບກໍາລັງປ້ອງກັນຝັ່ງທະເລອິນເດຍ ປະສົບຜົນສຳເລັດຢ່າງຈົບງາມ.
    |
 |
|
ທ່ານພັນເອກພິເສດ ຫງວຽນມິງແຄ໊ງ ຖ່າຍຮູບກັບບັນດາຜູ້ແທນ. ພາບ: ເລິມແທງຮຸ່ງ |
ໃນໄລຍະຢ້ຽມຢາມ ແລະພົບປະແລກປ່ຽນຢູ່ ອິນເດຍ, ຄະນະປະຕິບັດງານໄດ້ຮັກສາແບບແຜນຕາມລະບຽບຫຼວງຢ່າງເຂັ້ມງວດ, ຈັດຕັ້ງການປະຕິບັດເນື້ອໃນພົບປະແລກປ່ຽນ, ແລກປ່ຽນປະສົບການກັບກໍາລັງປ້ອງກັນຝັ່ງທະເລອິນເດຍ ຕາມເວລາ ແລະແຜນການທີ່ໄດ້ວາງອອກ, ຮັບປະກັນຄວາມປອດໄພຢ່າງເດັດຂາດກ່ຽວກັບມະນຸດ ແລະອາວຸດຍຸດໂທປະກອນ.
ການຢ້ຽມຢາມ, ພົບປະແລກປ່ຽນ ແລະແບ່ງປັນປະສົບການກັບກໍາລັງປ້ອງກັນຝັ່ງທະເລອິນເດຍ ບໍ່ພຽງແຕ່ແມ່ນກາລະໂອກາດເພື່ອໃຫ້ສອງຝ່າຍເພີ່ມທະວີຄວາມເຂົ້າໃຈເຊິ່ງກັນ ແລະກັນ, ຍົກສູງຄວາມສາມາດສົມທົບ, ຜັນຂະຫຍາຍກຳລັງ ແລະຮັບມືກັບສະພາບການສຸກເສີນຢູ່ທະເລເທົ່ານັ້ນ ຫາກຍັງສະແດງໃຫ້ເຫັນບົດບາດຂອງຕໍາຫຼວດທະເລຫວຽດນາມ ໃນການປັບປຸງ ແລະຊຸກຍູ້ການພົວພັນຮ່ວມມືມິດຕະພາບກັບກຳລັງປະຕິບັດກົດໝາຍທາງທະເລຂອງບັນດາປະເທດຢູ່ພາກພື້ນ ແລະໃນໂລກ ອີກດ້ວຍ.
ໂດຍ: ເຈິ່ນຮວ່ຽນ