ມອບຂໍ້ຕົກລົງຂອງປະທານປະເທດ ໃຫ້ນາຍທະຫານໄປປະຕິບັດໜ້າທີ່ຮັກສາສັນຕິພາບ ຢູ່ Abyei

ຕາມນັ້ນແລ້ວ, ທ່ານພັນຕີ ຮວ່າງດີ່ງກົງ ໄດ້ສົ່ງໄປປ່ຽນແທນທ່ານຮ້ອຍເອກພິເສດ ເລເຄືອງຢຸຍ ດຳລົງຕຳແໜ່ງເປັນນາຍທະຫານເສນາທິການກິດຈະກຳເບົາຢູ່ຄະນະປະຕິບັດງານ UNISFA.

ທ່ານພົນໂທ ຟຸ່ງສີເຕິ໊ນ ກ່າວຄຳເຫັນທີ່ພິທີ. ພາບ: ແຄ໊ງເງິນ

ກ່າວຄຳເຫັນທີ່ພິທີ, ທ່ານພົນໂທ ຟຸ່ງສີເຕິ໊ນ ຮຽກຮ້ອງມາຍັງທ່ານພັນຕີ ຮວ່າງດີ່ງກົງ ຊາບຊຶມ ແລະປະຕິບັດທັດສະນະ, ແນວທາງພົວພັນຕ່າງປະເທດຂອງພັກ, ລັດ ແລະກອງທັບຢ່າງເຂັ້ມງວດ; ປະຕິບັດລະບຽບວິໄນກອງທັບ, ຂໍ້ກຳນົດຂອງ ສປຊ, ກົດໝາຍຂອງປະເທດປະຈຳຖິ່ນ, ຄຳແນະນໍາຂອງອົງການທີ່ກ່ຽວຂ້ອງ ແລະກົມຮັກສາສັນຕິພາບຫວຽດນາມ. ໂດຍເນັ້ນໜັກວ່າ ເລື່ອງທ່ານພັນຕີ ຮວ່າງດີ່ງກົງ ກະກຽມໄປປະຕິບັດໜ້າທີ່ຢູ່ຄະນະປະຕິບັດງານດັ່ງກ່າວເນື່ອງໃນໂອກາດສະເຫຼີມສະຫຼອງ 80 ປີແຫ່ງວັນສ້າງຕັ້ງກອງທັບປະຊາຊົນຫວຽດນາມ, 35 ປີແຫ່ງວັນບຸນປ້ອງກັນຊາດທົ່ວປວງຊົນ; ທ່ານພົນໂທ ຟຸ່ງສີເຕິ໊ນ ສະເໜີໃຫ້ສະຫາຍເສີມຂະຫຍາຍມູນເຊື້ອຂອງກອງທັບ, ກໍາລັງໝວກເບເລສີຟ້າຂອງຫວຽດນາມ, ສະແດງໃຫ້ເຫັນຄຸນທາດ, ກໍາລັງຄວາມສາມາດ, ແຜ່ຂະຫຍາຍຮູບພາບອັນດີງາມຂອງປະເທດຊາດ ແລະຊາວຫວຽດນາມ, ກອງທັບປະຊາຊົນຫວຽດນາມ ໃນເວທີສາກົນ; ຮັບປະກັນຄວາມປອດໄພຢ່າງເດັດຂາດກ່ຽວກັບຊີວິດ ແລະເຄື່ອງອຸປະກອນ. ເມື່ອເຄື່ອນໄຫວໃນສະພາບແວດລ້ອມນາໆຊາດ, ສະຫາຍຄວນເຊື່ອມຕົວຢ່າງວ່ອງໄວ, ມີກິລິຍາການປະພຶດສີວິໄລ, ມີບັນທັດຖານເພື່ອໃຫ້ເພື່ອນມິດສາກົນເຫັນໄດ້ກໍາລັງຄວາມສາມາດຂອງພະນັກງານ, ນາຍທະຫານຫວຽດນາມ ໃນການເປັນເຈົ້າຂອງພາສາ, ວຽກງານຈັດຕັ້ງ, ແກ້ໄຂກໍລະນີຕ່າງໆ ແລະລັກສະນະເປັນມືອາຊີບສູງໃນວຽກງານຕ່າງໆ.

ທ່ານພົນໂທ ຟຸ່ງສີເຕິ໊ນ ແລະບັນດາຜູ້ແທນອວຍພອນທ່ານພັນຕີ ຮວ່າງດີ່ງກົງ. ພາບ: ແຄ໊ງເງິນ

ຄຽງຄູ່ກັນນັ້ນ, ທ່ານພົນໂທ ຟຸ່ງສີເຕິ໊ນ ຊີ້ນໍາກົມຮັກສາສັນຕິພາບຫວຽດນາມ ສືບຕໍ່ເພີ່ມທະວີວຽກງານຄັດເລືອກບຸກຄະລາກອນ ແລະກະກຽມກໍາລັງປ່ຽນແທນເພື່ອເປັນຜູ້ສືບທອດໃນຊຸມປີຕໍ່ໄປ, ຮັບປະກັນບັນດາຂັ້ນຕອນເພື່ອຄັດເລືອກເອົາພະນັກງານທີ່ມີກໍາລັງຄວາມສາມາດຢ່າງພຽງພໍເພື່ອຕອບສະໜອງຄວາມຮຽກຮ້ອງຕ້ອງການຂອງໜ້າທີ່; ຄົ້ນຄວ້າຄວາມສາມາດຜັນຂະຫຍາຍກໍາລັງເຂົ້າຮັບຕໍາແໜ່ງບັນຊາການຂອງບັນດາຄະນະປະຕິບັດງານ.

ໂດຍ: ເຈິ່ນຮວ່ຽນ