ຫວຽດນາມ ມີກາລະໂອກາດຮ່ວມມືດ້ວຍຫຼາຍຮູບແບບກັບຫຼາຍປະເທດ

ໃນຕະຫຼອດໄລຍະດຳເນີນງານວາງສະແດງ, ຄຽງຂ້າງບັນດາເຂດວາງສະແດງພາຫະນະອາວຸດຍຸດໂທປະກອນທັນສະໄໝ, ກອງປະຊຸມສຳມະນາລະຫວ່າງບັນດາກົມກອງເຂົ້າຮ່ວມງານວາງສະແດງກໍ່ໄດ້ຈັດຂຶ້ນ. ສື່ມວນຊົນພາຍໃນປະເທດ ແລະສາກົນ ໄດ້ອັບເດດ, ລົງຂ່າວກ່ຽວກັບພິທີໄຂຢ່າງສະຫງ່າງາມ, ປະທັບໃຈ, ກ່ຽວກັບອາວຸດຍຸດໂທປະກອນ, ເຕັກໂນໂລຢີໃໝ່ ຫຼືການພົບປະລະຫວ່າງບັນດາຄູ່ຮ່ວມມື. ບັນດາກອງປະຊຸມຂ່າວຂອງເອກອັກຄະລັດຖະທູດ, ເຈົ້າໜ້າທີ່ອາວຸໂສປ້ອງກັນຊາດບັນດາປະເທດ ໄດ້ດຳເນີນຢູ່ງານວາງສະແດງລ້ວນແຕ່ມີການເຂົ້າຮ່ວມ, ໃຫ້ຂ່າວຂອງນັກຂ່າວທີ່ມາຈາກ Reuters, AFP, CNA… 

ນັກຂ່າວພາຍໃນປະເທດ ແລະສາກົນທີ່ພິທີໄຂງານວາງສະແດງປ້ອງກັນຊາດສາກົນຫວຽດນາມ 2024. ພາບ: ຈ້ອງຫາຍ

ນັກຂ່າວ Halna du Fretay Erwan ຂອງ Army Recognition ໃຫ້ຂໍ້ສັງເກດວ່າ:   ມີໜ້າຢູ່ງານວາງສະແດງຕົ້ນຫົວທີ, ແມ່ນກຸ່ມນັກຂ່າວ, ນັກຊ່ຽວຊານວິໄຈການທະຫານຂອງກຸ່ມບໍລິສັດສື່ມວນຊົນ Army Recognition ມີສໍານັກງານຢູ່ແບນຊິກ. “ຂ້າພະເຈົ້າ ຮູ້ສຶກປະຫຼາດໃຈເມື່ອຮູ້ວ່າ ນີ້ແມ່ນຄັ້ງທີສອງທີ່ຫວຽດນາມ ຈັດຕັ້ງງານວາງສະແດງປ້ອງກັນຊາດ. ພວກເພື່ອນເຮັດວຽກດີທີ່ສຸດ. ພວກຂ້າພະເຈົ້າເຄີຍເຂົ້າຮ່ວມງານວາງສະແດງປ້ອງກັນຊາດຫຼາຍເທື່ອແລ້ວ, ບໍ່ແມ່ນປະເທດໃດກໍ່ປະຕິບັດວຽກງານຈັດຕັ້ງຢ່າງລອບຄອບຖີຖ້ວນ, ລະອຽດລະອໍໄດ້ຄືຊ່ຳນີ້”.

ກຸ່ມນັກຂ່າວ, ນັກຊ່ຽວຊານວິໄຈການທະຫານຂອງກຸ່ມບໍລິສັດສື່ມວນຊົນ Army Recognition ແລກປ່ຽນກັບນັກຂ່າວໜັງສືພິມກອງທັບປະຊາຊົນຫວຽດນາມ ທີ່ງານວາງສະແດງ. ພາບ: ຫວຽດຈູງ.

ນັກຂ່າວ Michael Chaussee ໃຫ້ຂໍ້ສັງເກດວ່າ ເຂດວາງສະແດງກາງແຈ້ງມີຂະໜາດໃຫຍ່ ແລະສວຍງາມ. ບັນດານັກຂ່າວແນມເຫັນກັບຕາລົດສູ້ຮົບທາງບົກ “ຂອງແທ້”, ບໍ່ແມ່ນຮູບຈຳລອງ. ປະເພດອາວຸດຍຸດໂທປະກອນມີຫຼາຍຮູບຫຼາຍແບບ. “ມັນສະແດງໃຫ້ເຫັນການພັດທະນາຢ່າງແຮງຂອງຂະແໜງອຸດສາຫະກຳປ້ອງກັນຊາດຫວຽດນາມ, ກໍ່ຄືຄວາມດຶງດູດຂອງງານວາງສະແດງດ້ວຍການເຂົ້າຮ່ວມຂອງວິສາຫະກິດຫຼາຍຮ້ອຍແຫ່ງທີ່ມາຈາກນັບສີບປະເທດໃນໂລກ”.

ຢ້ຽມຊົມເຂດວາງສະແດງກາງແຈ້ງເຕັມມື້ທໍາອິດ, ມື້ທີສອງກຸ່ມຈຶ່ງຢ້ຽມຊົມບັນດາຮ້ານວາງສະແດງຢູ່ໃນຮົ່ມ, ຊອກຮູ້, ຄົ້ນຄວ້າບັນດາຜະລິດຕະພັນ, ເຕັກໂນໂລຢີຫຼາຍຮູບແບບ ເຊິ່ງວິສາຫະກິດສາກົນເອົາມາງານວາງສະແດງ. ນັກຂ່າວ Halna du Fretay Erwan ແບ່ງປັນດ້ວຍຄວາມປະທັບໃຈວ່າ “ຂ້າພະເຈົ້າ ບໍ່ນຶກວ່າຈະໄດ້ເຫັນບັນດາອາວຸດຍຸດໂທປະກອນຂອງອາເມລິກາ, ລັດເຊຍ, ຝລັ່ງ, ຈີນ, ຍີ່ປຸ່ນ... ຢູ່ທີ່ນີ້. ການອອກແບບ, ປະດັບປະດາ, ຈັດວາງຮ້ານວາງສະແດງສວຍງາມ. ການມີໜ້າຂອງບັນດາປະເທດມະຫາອຳນາດດ້ານການທະຫານແມ່ນຫຼັກຖານສະແດງໃຫ້ເຫັນວ່າ ຫວຽດນາມ ມີຫຼາຍກາລະໂອກາດຮ່ວມມືກັບປະເທດຕ່າງໆດ້ວຍຫຼາຍຮູບຫຼາຍແບບ.

ໂດຍ: ແສງເດືອນ