ທ່ານພົນເອກ ຟານວັນຢາງ ໄດ້ແຈ້ງໃຫ້ທ່ານ ສອນໄຊ ສີພັນດອນ ຮັບຊາບກ່ຽວກັບໝາກຜົນການຮ່ວມມືລະຫວ່າງສອງກະຊວງປ້ອງກັນປະເທດໃນໄລຍະຜ່ານມາ, ໃນນັ້ນພົ້ນເດັ່ນແມ່ນຜົນສໍາເລັດຂອງງານພົບປະແລກປ່ຽນມິດຕະພາບປ້ອງກັນຊາດເຂດຊາຍແດນ ຫວຽດນາມ-ລາວ ຄັ້ງທີ 2 ເຊິ່ງໄດ້ຈັດຂຶ້ນໃນເດືອນຕຸລາຜ່ານມາ.
    |
 |
|
ທ່ານ ສອນໄຊ ສີພັນດອນ ນາຍົກລັດຖະມົນຕີລາວ ຕ້ອນຮັບທ່ານພົນເອກ ຟານວັນຢາງ. ພາບ: qdnd.vn |
|
|
 |
|
ທ່ານພົນເອກ ຟານວັນຢາງ ແລະທ່ານ ສອນໄຊ ສີພັນດອນ ນາຍົກລັດຖະມົນຕີລາວ. ພາບ: qdnd.vn |
ພ້ອມກັນນັ້ນ, ທ່ານພົນເອກ ຟານວັນຢາງ ຫວັງວ່າ ທ່ານສອນໄຊ ສີພັນດອນ ຈະເອົາໃຈໃສ່, ຊີ້ນໍາອົງການທີ່ກ່ຽວຂ້ອງສ້າງເງື່ອນໄຂ, ສົມທົບກັນຢ່າງແໜ້ນແຟ້ນກັບກະຊວງປ້ອງກັນປະເທດສອງປະເທດເພື່ອຜັນຂະຫຍາຍເນື້ອໃນການຮ່ວມມືດ້ານປ້ອງກັນຊາດຢ່າງຮອບດ້ານ, ມີປະສິດທິຜົນ, ແທດຈິງ, ສົມກັບຄວາມຫວັງຂອງການນຳຂັ້ນສູງຂອງສອງປະເທດ.
|
|
 |
|
ບັນຍາກາດທີ່ການເຂົ້າຢ້ຽມຂໍ່ານັບ. ພາບ: qdnd.vn |
ສ່ວນທ່ານ ສອນໄຊ ສີພັນດອນ ເນັ້ນໜັກວ່າ ການຮ່ວມມືດ້ານປ້ອງກັນຊາດ ຍາມໃດກໍ່ແມ່ນໜຶ່ງໃນບັນດາເສົາຄ້ຳສຳຄັນໃນການພົວພັນ ລາວ-ຫວຽດນາມ; ຢືນຢັນວ່າ ການຊຸກຍູ້ການຮ່ວມມືດ້ານປ້ອງກັນຊາດກັບຫວຽດນາມ ແມ່ນໜຶ່ງໃນບັນດາບຸລິມະສິດແຖວໜ້າຂອງລາວ.
* ທ່ານພົນເອກ ຟານວັນຢາງ ເຂົ້າຮ່ວມພິທີສະເຫຼີມສະຫຼອງ 15 ປີແຫ່ງວັນເປີດນໍາໃຊ້ເຄືອຂ່າຍໂທລະສັບມືຖື Unitel
ຕອນຄໍ່າວັນທີ 19 ພະຈິກ, ທີ່ນະຄອນຫຼວງວຽງຈັນ ໄດ້ດໍາເນີນພິທີສະເຫຼີມສະຫຼອງ 15 ປີແຫ່ງວັນດໍາເນີນທຸລະກິດຂອງບໍລິສັດ Star Telecom ຢ່າງເປັນທາງການດ້ວຍເຄື່ອງໝາຍການຄ້າແມ່ນ Unitel, ເຊິ່ງແມ່ນບໍລິສັດຮ່ວມທຸລະກິດລະຫວ່າງກຸ່ມບໍລິສັດອຸດສາຫະກຳ-ໂທລະຄົມມະນາຄົມກອງທັບ (Viettel) ຂຶ້ນກັບກະຊວງປ້ອງກັນປະເທດຫວຽດນາມ ແລະ Lao Asia Telecom ຂຶ້ນກັບກະຊວງປ້ອງກັນປະເທດລາວ.
ຕາງໜ້າການນໍາພັກ, ລັດ, ລັດຖະບານ, ຄະນະພັກການທະຫານສູນກາງ, ກະຊວງປ້ອງກັນປະເທດຫວຽດນາມ, ທ່ານພົນເອກ ຟານວັນຢາງ ໄດ້ຮັບຮູ້, ຍ້ອງຍໍຊົມເຊີຍບັນດາຜົນງານເຊິ່ງ Unitel ບັນລຸໄດ້ໃນໄລຍະຜ່ານມາ; ຢືນຢັນວ່າ ໃນຕະຫຼອດວິວັດການເຄື່ອນໄຫວຂອງຕົນ, Unitel ຍາມໃດກໍ່ໄດ້ຮັບຄວາມເອົາໃຈໃສ່ຈາກການນໍາທຸກຂັ້ນຫຼາຍລຸ້ນຄົນ, ສະແດງໃຫ້ເຫັນຜ່ານການຢ້ຽມຢາມ ແລະເຮັດວຽກຂອງການນຳຂັ້ນສູງສຸດຂອງພັກ, ລັດ, ລັດຖະບານ ແລະກະຊວງປ້ອງກັນປະເທດຫວຽດນາມ.
|
|
 |
|
ທ່ານພົນເອກ ຈັນສະໝອນ ຈັນຍາລາດ ປະດັບຫຼຽນໄຊແຮງງານ ຊັ້ນ I ໃຫ້ແກ່ Unitel. ພາບ: qdnd.vn |
ເນື່ອງໃນໂອກາດນີ້, ທ່ານພົນເອກ ຟານວັນຢາງ ສະແດງຄວາມຂອບໃຈບັນດາອົງການຂຶ້ນກັບລັດຖະບານ, ຄະນະ, ກະຊວງ, ຂະແໜງການ ແລະພິເສດແມ່ນກະຊວງປ້ອງກັນປະເທດລາວ ຍາມໃດກໍ່ເອົາໃຈໃສ່ຊີ້ນຳນໍາພາ ແລະສ້າງເງື່ອນໄຂສະດວກໃຫ້ບັນດາວິສາຫະກິດປ້ອງກັນຊາດ ຫວຽດນາມ ເວົ້າລວມ ແລະບໍລິສັດຮ່ວມທຸລະກິດ Unitel ເວົ້າສະເພາະ ພັດທະນາຢ່າງບໍ່ຢຸດຢັ້ງ, ຜ່ານນັ້ນປະກອບສ່ວນຢ່າງຕັ້ງໜ້າເຂົ້າໃນການພັດທະນາລວມຂອງສາຍພົວພັນມິດຕະພາບອັນຍິ່ງໃຫຍ່, ຄວາມສາມັກຄີແບບພິເສດຫວຽດນາມ- ລາວ.
|
|
 |
|
ທ່ານ ພົນເອກ ຟານວັນຢາງ ປະດັບຫຼຽນໄຊແຮງງານ ຊັ້ນ II ໃຫ້ແກ່ Unitel. ພາບ: qdnd.vn |
ທ່ານພົນເອກ ຟານວັນຢາງ ສະເໜີວ່າ ໃນໄລຍະຈະມາເຖິງ, Unitel ຍູ້ແຮງການພັດທະນາໃຫ້ຫຼາຍກວ່າອີກ, ມີຫົວຄິດປະດິດສ້າງຢ່າງບໍ່ຢຸດຢັ້ງ, ນໍາໜ້າສະໜອງການບໍລິການດ້ານໂທລະຄົມມະນາຄົມ ແລະເຕັກໂນໂລຢີດີຈີຕອນທີ່ທັນສະໄໝ, ເຂົ້າຮ່ວມໃນທຸກຂົງເຂດຂອງເສດຖະກິດ-ສັງຄົມຢູ່ ລາວ, ຈາກນັ້ນສືບຕໍ່ປະກອບສ່ວນປັບປຸງການດໍາລົງຊີວິດດ້ານວັດຖຸ ແລະຈິດໃຈຂອງປະຊາຊົນ, ກໍຄືປະກອບສ່ວນເຂົ້າໃນການພັດທະນາລວມຂອງປະເທດລາວ.
ທີ່ພິທີ, ໂດຍໄດ້ຮັບການມອບສິດຈາກປະທານປະເທດ ແຫ່ງ ສປປ ລາວ, ທ່ານພົນເອກ ຈັນສະໝອນ ຈັນຍາລາດ, ຮອງນາຍົກລັດຖະມົນຕີ, ລັດຖະມົນຕີກະຊວງປ້ອງກັນປະເທດລາວ ໄດ້ປະດັບຫຼຽນໄຊແຮງງານ ຊັ້ນ I ໃຫ້ແກ່ Unitel; ໂດຍໄດ້ຮັບການມອບສິດຈາກປະທານປະເທດ ແຫ່ງ ສສ ຫວຽດນາມ, ທ່ານພົນເອກ ຟານວັນຢາງ ໄດ້ປະດັບຫຼຽນໄຊແຮງງານ ຊັ້ນ II ໃຫ້ແກ່ Unitel.
ໂດຍ: ທູຈາງ