ທ່ານພັນໂທ ຫງວຽນຊວນຈິງ, ຮອງຫົວໜ້າກອງພັນໃຫຍ່ 930 ໄດ້ເປັນປະທານການຕ້ອນຮັບ ແລະເຮັດວຽກກັບຄະນະ. ເຂົ້າຮ່ວມມີຜູ້ຕາງໜ້າຫ້ອງການພົວພັນຕ່າງປະເທດ (ກົມເສນາທິການ ເຫຼົ່າທັບປ້ອງກັນອາກາດ-ທະຫານອາກາດ), ຜູ້ຕາງໜ້າກອງພົນ 372 ແລະການນຳກອງພັນໃຫຍ່ 930.

leftcenterrightdel
ທ່ານພັນໂທ ຫງວຽນຊວນຈິງ, ຮອງຫົວໜ້າກອງພັນໃຫຍ່ 930, ກອງພົນ 372 ມອບຂອງຂວັນເປັນທີ່ລະນຶກໃຫ້ຄະນະຜູ້ແທນທະຫານອາກາດຟີລິບປິນ. ພາບ: qdnd.vn

ທີ່ການພົບປະແລກປ່ຽນ, ຄະນະຜູ້ແທນທະຫານອາກາດຟີລິບປີນ ໄດ້ຮັບຟັງການນຳກອງພັນໃຫຍ່ 930 ແນະນຳກ່ຽວກັບມູນເຊື້ອ, ວິວັດການກໍ່ສ້າງ ແລະພັດທະນາຂອງກົມກອງໃນຕະຫຼອດ 47 ປີຜ່ານມາ ແລະບັນດາໜ້າທີ່ຕົ້ນຕໍຂອງກົມກອງໃນປະຈຸບັນ. ສອງຝ່າຍໄດ້ດໍາເນີນແລກປ່ຽນບັນດາເນື້ອໃນທີ່ຕ່າງຝ່າຍຕ່າງມີຄວາມສົນໃຈກ່ຽວກັບການບຳລຸງກໍ່ສ້າງນັກບິນ, ປະຕິບັດວຽກງານກູ້ຊີບ-ກູ້ໄພ, ປ້ອງກັນ, ຕ້ານໄພທຳມະຊາດ.

ທ່ານພັນເອກ Marvin D Suficienca ໄດ້ກ່າວຄໍາຂອບໃຈຜູ້ບັນຊາການກອງພັນໃຫຍ່ 930 ທີ່ໄດ້ໃຫ້ການຕ້ອນຮັບຢ່າງສົມກຽດ ແລະສະແດງຄວາມປາດຖະໜາຢາກສືບຕໍ່ຊຸກຍູ້ການຮ່ວມມືຢ່າງແໜ້ນແຟ້ນກັບເຫຼົ່າທັບປ້ອງກັນອາກາດ-ທະຫານອາກາດ, ໃນນັ້ນມີກອງພັນໃຫຍ່ 930, ກອງພົນ 372 ເພື່ອໃຫ້ສອງຝ່າຍພ້ອມກັນພັດທະນາ, ເພີ່ມທະວີການແລກປ່ຽນຂໍ້ມູນຂ່າວສານ, ປະກອບສ່ວນເພື່ອນໍາການພົວພັນລະຫວ່າງສອງປະເທດ, ສອງກອງທັບໃຫ້ມີປະສິດທິຜົນ ແລະເລິກເຊິ່ງກ່ວາອີກໃນໄລຍະຈະມາເຖິງ.

ໂດຍ: ຈາງຫງວຽນ