ຕາງໜ້າການນໍາພັກ, ລັດຫວຽດນາມ, ທ່ານພົນເອກ ຟານວັນຢາງ, ກໍາມະການກົມການເມືອງ, ຮອງເລຂາຄະນະພັກການທະຫານສູນກາງ, ລັດຖະມົນຕີກະຊວງປ້ອງກັນປະເທດຫວຽດນາມ ເຂົ້າຮ່ວມ. ຕາງໜ້າການນຳພັກ, ລັດລາວ, ທ່ານພົນເອກ ຈັນສະໝອນ ຈັນຍາລາດ, ກໍາມະການກົມການເມືອງພັກປະຊາຊົນປະຕິວັດລາວ, ຮອງນາຍົກລັດຖະມົນຕີ, ລັດຖະມົນຕີກະຊວງປ້ອງກັນປະເທດລາວ ເຂົ້າຮ່ວມ.
    |
 |
|
ທ່ານພົນເອກ ຟານວັນຢາງ ກ່າວຄຳເຫັນທີ່ການພົບປະສັງສັນ. ພາບ: ຟູເຊີນ |
ກ່າວຄຳເຫັນທີ່ການພົບປະສັງສັນ, ທ່ານພົນເອກ ຟານວັນຢາງ ຊີ້ແຈ້ງວ່າ ພາຍຫຼັງທີ່ຫວຽດນາມ ຍາດໄດ້ເອກະລາດໃນປີ 1945, ລັດຖະບານສອງປະເທດ ໄດ້ລົງນາມ ໃນສົນທິສັນຍາຊ່ວຍເຫຼືອເຊິ່ງກັນ ແລະກັນ ຫວຽດນາມ-ລາວ ແລະສັນຍາວ່າດ້ວຍການຈັດຕັ້ງທະຫານປະສົມ ລາວ-ຫວຽດນາມ. ພິເສດ, ວັນທີ 30 ຕຸລາ 1949, ຄະນະປະຈຳພັກກອມມູນິດອິນດູຈີນ ໄດ້ຕົກລົງ “ກຳລັງການທະຫານຂອງຫວຽດນາມ ສູ້ຮົບ ແລະປະຕິບັດງານຊ່ວຍເພື່ອນລາວ ໃຫ້ຈັດຕັ້ງເປັນລະບົບຕ່າງຫາກ ແລະໃສ່ຊື່ວ່າທະຫານອາສາສະໝັກ”.
ຕາມທ່ານພົນເອກ ຟານວັນຢາງ ແລ້ວ, ໃນໄລຍະປະມານ 4 ທົດສະວັດການປະຕິບັດໜ້າທີ່ສາກົນອັນສູງສົ່ງຢູ່ລາວ, ທະຫານອາສາສະໝັກ ແລະນັກຊ່ຽວຊານການທະຫານຫວຽດນາມ ໄດ້ຍົກສູງຈິດໃຈສາກົນບໍລິສຸດຜຸດຜ່ອງ, ສັດຊື່, ປະຕິບັດສຳເລັດໜ້າທີ່ທີ່ພັກ, ປະທານໂຮ່ຈີມິນ ໄດ້ເຊື່ອໝັ້ນມອບໝາຍໃຫ້, ພ້ອມກັບກຳລັງປະກອບອາວຸດ ແລະປະຊາຊົນລາວບັນດາເຜົ່າ ສ້າງວິລະກຳອັນລືຊື່, ປະກອບສ່ວນເຂົ້າໃນພາລະກິດປະຕິວັດອັນສະຫງ່າລາສີຂອງສອງພັກ, ສອງລັດ, ສອງກອງທັບ ແລະປະຊາຊົນສອງປະເທດ, ປະກອບສ່ວນເພີ່ມພູນຄູນສ້າງນໍ້າໃຈສາມັກຄີແບບພິເສດ ຫວຽດນາມ-ລາວ, ສຳພັນທະມິດສູ້ຮົບໜຶ່ງບໍ່ມີສອງໃນໂລກ.
|
|
 |
|
ທ່ານພົນເອກ ຟານວັນຢາງ, ທ່ານພົນເອກ ຈັນສະໝອນ ຈັນຍາລາດ, ບັນດາຜູ້ແທນກັບອະດີດທະຫານອາສາສະໝັກ ແລະນັກຊ່ຽວຊານທະຫານຫວຽດນາມ ຢູ່ລາວ. ພາບ: ຟູເຊີນ |
ທ່ານພົນເອກ ຟານວັນຢາງ ເນັ້ນໜັກວ່າ: “ບັນດາວິລະກຳ, ຜົນງານ ແລະການເສຍສະຫຼະຂອງທະຫານອາສາສະໝັກ ແລະນັກຊ່ຽວຊານການທະຫານຫວຽດນາມ ໄດ້ສ້າງອາລົມຈິດຄວາມຮັກແພງຢ່າງເລິກເຊິ່ງ ແລະຄວາມເຄົາລົບນັບຖືໄວ້ໃນດວງໃຈປະຊາຊົນລາວ ບັນດາເຜົ່າ, ຄືດັ່ງຄຳສັນລະເສີນຂອງການນຳພັກ, ລັດ ແລະປະຊາຊົນລາວ ທີ່ວ່າ: “ຢູ່ລາວ, ບໍ່ມີບ່ອນໃດທີ່ບໍ່ມີຮອຍຕີນຂອງທະຫານອາສາສະໝັກຫວຽດນາມ, ບໍ່ມີໄຊຊະນະໃດທີ່ບໍ່ມີການເສຍສະຫຼະ ແລະການປະກອບສ່ວນຂອງທະຫານອາສາສະໝັກຫວຽດນາມ”.
|
|
 |
|
ທ່ານພົນເອກ ຈັນສະໝອນ ຈັນຍາລາດ ກ່າວຄຳເຫັນທີ່ການພົບປະສັງສັນ. ພາບ: ຟູເຊີນ |
ສ່ວນທ່ານພົນເອກ ຈັນສະໝອນ ຈັນຍາລາດ ເນັ້ນໜັກວ່າ, ບໍ່ວ່າໃນໄລຍະໃດ, ສະພາບການໃດ, ພັກ, ລັດຖະບານ, ບັນດາກໍາລັງປະກອບອາວຸດ ແລະປະຊາຊົນລາວບັນດາເຜົ່າຈະຮັກສາ ແລະເສີມຂະຫຍາຍສາຍພົວພັນທີ່ຫາຍາກກັບຫວຽດນາມ ໃຫ້ຍືນຍົງຄົງຕົວ, ສົມກັບການເສຍສະຫຼະອັນໃຫຍ່ຫຼວງຂອງທະຫານອາສາສະໝັກ, ນັກຊ່ຽວຊານຫວຽດນາມ ທີ່ປະຕິບັດໜ້າທີ່ສາກົນຢູ່ລາວ.
ໂດຍ: ເຈິ່ນຮວ່ຽນ