ພົນເອກ ຟານວັນຢາງ ຕ້ອນຮັບລັດຖະມົນຕີກະຊວງກໍ່ສ້າງກູບາ
ກປ.ອອນໄລ - ຕອນເຊົ້າວັນທີ 24 ກໍລະກົດ, ຢູ່ສໍານັກງານກະຊວງປ້ອງກັນປະເທດ, ທ່ານພົນເອກ ຟານວັນຢາງ, ກໍາມະການກົມການເມືອງ, ຮອງເລຂາຄະນະພັກການທະຫານສູນກາງ, ລັດຖະມົນຕີກະຊວງປ້ອງກັນປະເທດຫວຽດນາມ ໄດ້ໃຫ້ການຕ້ອນຮັບທ່ານ René Antonio Mesa Villafana ລັດຖະມົນຕີກະຊວງກໍ່ສ້າງກູບາ ເນື່ອງໃນໂອກາດທີ່ທ່ານມາຢ້ຽມຢາມຫວຽດນາມ. ເຂົ້າຮ່ວມການຕ້ອນຮັບຍັງມີທ່ານພົນໂທ ຟຸ່ງສີເຕິ໊ນ, ຮອງຫົວໜ້າກົມໃຫຍ່ເສນາທິການ ກອງທັບປະຊາຊົນຫວຽດນາມ.
![left](/image/images/left.png) ![center](/image/images/center.png) ![right](/image/images/right.png) ![del](/images/red-error_16px.gif) |
![](https://file3.qdnd.vn/data/images/26/2024/07/25/upload_2122/25072024_th_000.jpg?dpi=150&quality=100&w=500) |
ທ່ານພົນເອກ ຟານວັນຢາງ ລັດຖະມົນຕີກະຊວງປ້ອງກັນປະເທດຫວຽດນາມ ຕ້ອນຮັບທ່ານ René Antonio Mesa Villafana ລັດຖະມົນຕີກະຊວງກໍ່ສ້າງກູບາ. ພາບ: ມີ໋ແຮ້ງ |
ທີ່ການຕ້ອນຮັບ, ທ່ານ ຟານວັນຢາງ ຢັ້ງຢືນວ່າ ໃນສະພາບການພົວພັນອັນດີງາມລະຫວ່າງ ຫວຽດນາມ-ກູບາ, ການພົວພັນດ້ານປ້ອງກັນຊາດສອງປະເທດສືບຕໍ່ໄດ້ຮັບການປັບປຸງ ແລະພັດທະນາ, ກາຍເປັນເສົາຄ້ຳ, ເປັນແບບຢ່າງໃນການຊຸກຍູ້ບັນດາຂົງເຂດຮ່ວມມືຕ່າງໆ. ກ່ຽວກັບການຮ່ວມມືໃນຂົງເຂດກໍ່ສ້າງ, ທ່ານ ຟານວັນຢາງ ຕີລາຄາສູງຕໍ່ອິດທິພົນຊື່ສຽງ, ບົດຮຽນ ແລະທ່າແຮງຂອງກູບາ ໃນຂົງເຂດນີ້. ທ່ານ ຟານວັນຢາງ ກໍ່ຕີລາຄາສູງຕໍ່ຄວາມມານະພະຍາຍາມ ແລະຈິດໃຈຄວາມຮັບຜິດຊອບຂອງບັນດານັກຊ່ຽວຊານກູບາ ໃນໂຄງການກໍ່ສ້າງເສັ້ນທາງເຈື່ອງເຊີນດົງ ໂດຍກູບາ ເປັນທີ່ປຶກສາໃນການຕິດຕາມກວດກາທີ່ພວມຜັນຂະຫຍາຍຢູ່ຫວຽດນາມ. ການປະມູນລ້ວນແຕ່ຮັບປະກັນຄຸນນະພາບຢ່າງສົມບູນຕາມຄວາມຕ້ອງການ ແລະເປົ້າໝາຍທີ່ໄດ້ວາງອອກ.
ທ່ານ ຟານວັນຢາງ ສະເໜີວ່າ ສອງຝ່າຍຄວນສືບຕໍ່ສົມທົບກັນ, ສຸມໃສ່ເຮັດສໍາເລັດໂຄງການທີ່ພວມຜັນຂະຫຍາຍຢ່າງຖືກຕ້ອງຕາມກໍານົດເວລາ; ຄົ້ນຄວ້າ ແລະພິຈາລະນາເປີດກວ້າງການເຄື່ອນໄຫວຮ່ວມມືໃນຂົງເຂດກໍ່ສ້າງ, ເໝາະສົມກັບຄວາມສາມາດຂອງສອງຝ່າຍ, ກໍ່ຄືຂໍ້ກໍານົດ, ກົດໝາຍທີ່ກຳລັງປະກາດໃຊ້, ທຳນຽມສາກົນກ່ຽວກັບການຮ່ວມມືກໍ່ສ້າງ, ປະມູນການກໍ່ສ້າງ.
![left](/image/images/left.png) ![center](/image/images/center.png) ![right](/image/images/right.png) ![del](/images/red-error_16px.gif) |
![](https://file3.qdnd.vn/data/images/26/2024/07/25/upload_2122/25072024_th_011.jpg?dpi=150&quality=100&w=500) |
ທ່ານພົນເອກ ຟານວັນຢາງ ລັດຖະມົນຕີກະຊວງປ້ອງກັນປະເທດຫວຽດນາມ ແລະທ່ານ René Antonio Mesa Villafana ລັດຖະມົນຕີກະຊວງກໍ່ສ້າງກູບາ ຖ່າຍຮູບລວມກັບບັນດາຜູ້ແທນ. ພາບ: ມີ໋ແຮ້ງ |
ສ່ວນທ່ານ René Antonio Mesa Villafana ໄດ້ສົ່ງຄຳແບ່ງເບົາຄວາມເສົ້າສະຫຼົດໃຈຢ່າງສຸດຊື້ງເຖິງຫວຽດນາມ ຕໍ່ການຈາກໄປຂອງທ່ານ ຫງວຽນຝູຈ້ອງ ເລຂາທິການໃຫຍ່ພັກກອມມູນິດຫວຽດນາມ; ສະແດງຄວາມປາດຖະໜາຢາກເຮັດວຽກກັບກະຊວງປ້ອງກັນປະເທດຫວຽດນາມ ເພື່ອແລກປ່ຽນກ່ຽວກັບໝາກຜົນການຮ່ວມມືໃນໄລຍະຜ່ານມາ ແລະຊອກຫາເນື້ອໃນການຮ່ວມມືໃໝ່ໃນຂົງເຂດກໍ່ສ້າງເຊິ່ງສອງຝ່າຍມີຄວາມຕ້ອງການ ແລະຄວາມສາມາດບົ່ມຊ້ອນ. ທ່ານ René Antonio Mesa Villafana ຂອບອົກຂອບໃຈຕໍ່ການໜູນຊ່ວຍ ແລະການຮ່ວມມືຢ່າງຕັ້ງໜ້າ, ມີປະສິດທິຜົນຂອງກະຊວງປ້ອງກັນປະເທດຫວຽດນາມ, ຜ່ານນັ້ນສອງຝ່າຍໄດ້ມີກາລະໂອກາດແບ່ງປັນ ແລະແລກປ່ຽນບົດຮຽນທີ່ເປັນປະໂຫຍດໃນຂົງເຂດກໍ່ສ້າງ; ຫວັງວ່າ ຈະສືບຕໍ່ໄດ້ຮັບການສະໜັບສະໜູນ ແລະເນື້ອໃນຮ່ວມມືກັບກະຊວງປ້ອງກັນປະເທດຫວຽດນາມ ໃນໄລຍະຈະມາເຖິງ.
ໂດຍ: ເຈິ່ນຮວ່ຽນ