ກອງປະຊຸມປະສົມລະຫວ່າງທະຫານເຂດ 2 ກັບກອງບັນຊາການທະຫານ 8 ແຂວງພາກເໜືອຂອງລາວ
ກປ.ອອນໄລ - ຕອນບ່າຍວັນທີ 8 ກໍລະກົດ, ຢູ່ນະຄອນຫວຽດຈີ, ແຂວງຝູເຖາະ, ກອງບັນຊາການທະຫານເຂດ 2 ໄດ້ຈັດຕັ້ງກອງປະຊຸມປະສົມລະຫວ່າງທະຫານເຂດ 2 (ກະຊວງປ້ອງກັນປະເທດຫວຽດນາມ) ແລະກອງພົນທີ 2, ກອງພົນທີ 3, ໂຮງຮຽນນາຍສິບເລກ 1 ແລະກອງບັນຊາການທະຫານ 8 ແຂວງພາກເໜືອຂອງລາວ.
ທ່ານພົນຕີ ຟ້າມຮົ່ງເຈືອງ ຜູ້ບັນຊາການທະຫານເຂດ 2 ແລະທ່ານພົນຈັດຕະວາ ໄຊຍະວົງ ໄຊນາມທິລາດ ຫົວໜ້າການທະຫານກອງພົນທີ 3, ຫົວໜ້າຄະນະຜູ້ແທນກອງບັນຊາການທະຫານ 8 ແຂວງພາກເໜືອຂອງລາວ ເປັນປະທານກອງປະຊຸມ.
![left](/image/images/left.png) ![center](/image/images/center.png) ![right](/image/images/right.png) ![del](/images/red-error_16px.gif) |
![](https://file3.qdnd.vn/data/images/26/2024/07/09/upload_2123/31.jpg?dpi=150&quality=100&w=500) |
ບັນຍາກາດທີ່ກອງປະຊຸມ. ພາບ: ດ່າວຢຸຍຕວນ |
ສອງຝ່າຍໄດ້ແລກປ່ຽນກ່ຽວກັບສະພາບຄວາມໝັ້ນຄົງດ້ານການເມືອງ, ເສດຖະກິດໂລກ, ພາກພື້ນ ແລະຂອງລາວ-ຫວຽດນາມ. ຕາມທ່ານພົນຈັດຕະວາ ດິງແມ້ງຟາກ ຮອງຜູ້ບັນຊາການທະຫານເຂດ 2 ແລ້ວ, ນັບແຕ່ປີ 2023 ມາຮອດປະຈຸບັນ, ກອງບັນຊາການທະຫານເຂດ 2 ແລະບັນດາກົມກອງທີ່ຂຶ້ນກັບໄດ້ຈັດຕັ້ງ 12 ເທື່ອ ດ້ວຍພະນັກງານ 91 ຄົນໄປຢ້ຽມຢາມ ແລະເຮັດວຽກຢູ່ບັນດາກົມກອງໃນກອງທັບປະຊາຊົນລາວ. ກອງບັນຊາການທະຫານເຂດ 2 ໄດ້ຊີ້ນໍາກອງບັນຊາການທະຫານແຂວງ ແລະທະຫານຊາຍແດນ 2 ແຂວງ: ດ້ຽນບຽນ, ເຊີນລາ ສົມທົບກັບກໍາລັງປ້ອງກັນຄວາມສະຫງົບ ປົກປັກຮັກສາຊາຍແດນເພີ່ມທະວີການຄຸ້ມຄອງສະພາບຄວາມໝັ້ນຄົງດ້ານການເມືອງ, ຄວາມເປັນລະບຽບຮຽບຮ້ອຍທາງສັງຄົມຢູ່ເຂດຊາຍແດນຢ່າງແໜ້ນແຟ້ນ... ປະກອບສ່ວນກໍ່ສ້າງເສັ້ນຊາຍແດນຫວຽດນາມ-ລາວ ສັນຕິພາບ, ມິດຕະພາບ, ສະຖຽນລະພາບ ແລະພັດທະນາຮອບດ້ານ.
ກອງບັນຊາການທະຫານເຂດ 2 ແລະບັນດາກົມກອງ ທີ່ຂຶ້ນກັບໄດ້ມີການພົວພັນສະໜິດແໜ້ນສາມັກຄີ, ສົມທົບກັນຢ່າງມີປະສິດທິຜົນໃນການບໍາລຸງສ້າງລະບົບພົນລະເຮືອນ, ຝຶກອົບຮົມສະເພາະຂະແໜງການທະຫານ, ບໍາລຸງສ້າງພາສາຫວຽດ, ພາສາລາວ.
![left](/image/images/left.png) ![center](/image/images/center.png) ![right](/image/images/right.png) ![del](/images/red-error_16px.gif) |
![](https://file3.qdnd.vn/data/images/26/2024/07/09/upload_2123/32.jpg?dpi=150&quality=100&w=500) |
ທ່ານພົນຈັດຕະວາ ດິງແມ້ງຟາກ ແລະທ່ານພົນຈັດຕະວາ ໄຊຍະວົງ ໄຊນາມທິລາດ ລົງນາມໃນບົດບັນທຶກຊ່ວຍຈໍາ. ພາບ: ດ່າວຢຸຍຕວນ |
ຕາມທ່ານພົນຈັດຕະວາ ໄຊຍະວົງ ໄຊນາມທິລາດ ແລ້ວ, ວຽກງານສົມທົບ, ຮ່ວມມືໃນບັນດາຂົງເຂດຂອງກົມກອງກອງທັບບັນດາແຂວງພາກເໜືອລາວ ກັບທະຫານເຂດ 2 ໄດ້ນຳເອົາປະສິດທິຜົນຢ່າງແທດຈິງມາໃຫ້ດ້ວຍວຽກງານ, ໜ້າທີ່ລະອຽດ. ບັນດາກົມກອງກອງທັບ ຂຶ້ນກັບທະຫານເຂດ 2 ໄດ້ເຮັດວຽກງານທີ່ມີຄວາມໝາຍຫຼາຍຢ່າງ...
ສະຫຼຸບກອງປະຊຸມ, ສອງຝ່າຍໄດ້ກ້າວໄປເຖິງການເຫັນດີເປັນເອກະພາບລົງນາມບົດບັນທຶກປະສົມດ້ວຍການວາງອອກ 9 ໜ້າທີ່ ຕ້ອງໄດ້ສົ່ງເສີມ, ຜັນຂະຫຍາຍປະຕິບັດໃນໄລຍະຈະມາເຖິງ.
ກ່ອນໜ້ານັ້ນ, ຄະນະຜູ້ແທນກອງທັບລາວ ພ້ອມດ້ວຍຫົວໜ້າກອງບັນຊາການທະຫານເຂດ 2 ໄດ້ໄປຖະຫວາຍທູບທຽນ, ວາງພວງມາລາຢູ່ ຫໍບູຊາ ລຸງໂຮ່ ໃນບໍລິເວນທະຫານເຂດ 2.
ໂດຍ: ໄຊນີດາ