ຫວຽດນາມ ຖືເປັນສຳຄັນການພັດທະນາການຮ່ວມມືດ້ານປ້ອງກັນຊາດ ກັບສິງກະໂປ ຢ່າງມີປະສິດທິຜົນ ແລະແທດຈິງ
ກປ.ອອນໄລ - ຕອນຄໍ່າວັນທີ 3 ກໍລະກົດ, ຢູ່ຮ່າໂນ້ຍ, ສະຖານທູດສິງກະໂປ ໄດ້ຈັດຕັ້ງງານລ້ຽງເນື່ອງໃນໂອກາດສະເຫຼີມສະຫຼອງ 59 ປີແຫ່ງວັນມູນເຊື້ອຂອງກຳລັງປະກອບອາວຸດ ສິງກະໂປ (1-7-1965 / 1-7-2024). ທ່ານພົນຕີ ຫງວຽນຈ້ອງບີ່ງ, ຮອງຫົວໜ້າກົມໃຫຍ່ເສນາທິການກອງທັບປະຊາຊົນຫວຽດນາມ ເຂົ້າຮ່ວມ.
ກ່າວຄຳເຫັນທີ່ງານລ້ຽງ, ທ່ານ Jaya Ratnam ເອກອັກຄະລັດຖະທູດສິງກະໂປ ປະຈຳ ຫວຽດນາມ ຢືນຢັນວ່າ: ສິງກະໂປ ຖື ຫວຽດນາມ ແມ່ນເພື່ອນມິດທີ່ສະໜິດສະໜົມ ແລະຄູ່ຮ່ວມມືສຳຄັນ. ເນັ້ນໜັກວ່າ ສອງປະເທດໄດ້ຮັກສາການພົວພັນຄູ່ຮ່ວມມືແບບຍືນຍົງ ແລະແທດຈິງໃນເຄິ່ງກວ່າສະຕະວັດຜ່ານມາ, ທ່ານເອກອັກຄະລັດຖະທູດ Jaya Ratnam ໄດ້ສະແດງຄວາມເຊື່ອໝັ້ນຕໍ່ອະນາຄົດທີ່ສົດໃສ, ໝັ້ນຄົງຂອງການພົວພັນ ສິງກະໂປ-ຫວຽດນາມ.
![left](/image/images/left.png) ![center](/image/images/center.png) ![right](/image/images/right.png) ![del](/images/red-error_16px.gif) |
![](https://file3.qdnd.vn/data/images/26/2024/07/04/upload_2123/dsc_0992.jpg?dpi=150&quality=100&w=500) |
ທ່ານ Jaya Ratnam ເອກອັກຄະລັດຖະທູດສິງກະໂປ ປະຈຳ ຫວຽດນາມ ກ່າວຄໍາເຫັນທີ່ພິທີ. ພາບ: qdnd.vn |
ໃນຂະນະນັ້ນ, ທ່ານພັນເອກ Bernard Ng Yu Long, ທີ່ປຶກສາທູດປ້ອງກັນຊາດສິງກະໂປ ປະຈຳ ຫວຽດນາມ ຢືນຢັນວ່າ ສິງກະໂປ ຕີລາຄາສູງການຮ່ວມມືດ້ານປ້ອງກັນຊາດອັນແໜ້ນແຟ້ນກັບຫວຽດນາມ; ປາດຖະໜາຢາກສືບຕໍ່ນຳການຮ່ວມມືດ້ານປ້ອງກັນຊາດສອງຝ່າຍຂຶ້ນສູ່ລະດັບສູງໃໝ່ໃນໄລຍະຈະມາເຖິງ.
ສ່ວນທ່ານພົນຕີ ຫງວຽນຈ້ອງບີ່ງ ເນັ້ນໜັກວ່າ, ພ້ອມກັບການພັດທະນາອັນດີງາມຂອງການພົວພັນສອງຝ່າຍ ຫວຽດນາມ-ສິງກະໂປ, ການຮ່ວມມືດ້ານປ້ອງກັນຊາດ ຫວຽດນາມ-ສິງກະໂປ ໃນໄລຍະຜ່ານມາບັນລຸໄດ້ບັນດາໝາກຜົນສຳຄັນໃນຫຼາຍຂົງເຂດ; ຢືນຢັນວ່າ ກະຊວງປ້ອງກັນປະເທດ ແລະກອງທັບປະຊາຊົນຫວຽດນາມ ຍາມໃດກໍ່ຖືເປັນສໍາຄັນການພັດທະນາສາຍພົວພັນທີ່ໄວ້ເນື້ອເຊື່ອໃຈ, ມີປະສິດທິຜົນ, ແທດຈິງກັບກະຊວງປ້ອງກັນປະເທດ ແລະກໍາລັງປະກອບອາວຸດສິງກະໂປ, ປະກອບສ່ວນສໍາຄັນເຂົ້າໃນການພັດທະນາການພົວພັນຄູ່ຮ່ວມມືຍຸດທະສາດລະຫວ່າງສອງປະເທດ.
![left](/image/images/left.png) ![center](/image/images/center.png) ![right](/image/images/right.png) ![del](/images/red-error_16px.gif) |
![](https://file3.qdnd.vn/data/images/26/2024/07/04/upload_2123/dsc_1008 1.jpg?dpi=150&quality=100&w=500) |
ຜູ້ແທນເຂົ້າຮ່ວມງານລ້ຽງ. ພາບ: qdnd.vn |
ທ່ານພົນຕີ ຫງວຽນຈ້ອງບີ່ງ ເຊື່ອໝັ້ນວ່າ ດ້ວຍຄວາມຕັດສິນໃຈທາງດ້ານການເມືອງ, ເຈດຕະນາດີ ແລະຄວາມມານະພະຍາຍາມຂອງທັງສອງຝ່າຍ, ການຮ່ວມມືດ້ານປ້ອງກັນຊາດ ຫວຽດນາມ-ສິງກະໂປ ຈະສືບຕໍ່ບັນລຸໄດ້ບັນດາຜົນງານອັນໃຫຍ່ຫຼວງກວ່າອີກ, ເພື່ອຜົນປະໂຫຍດຂອງປະຊາຊົນແຕ່ລະປະເທດ, ເພື່ອສັນຕິພາບ, ສະຖຽນລະພາບ, ການຮ່ວມມື, ການພັດທະນາຈະເລີນຮຸ່ງເຮືອງຂອງພາກພື້ນ ແລະໂລກ.
ໂດຍ: ໄຊນີດາ