ກອງຊ່າງແສງຫວຽດນາມ ກໍ່ສ້າງຄ້າຍທະຫານໃຫ້ກອງພັນທະຫານບົກ ການາ
ກປ.ອອນໄລ - ຕອນຄ່ຳວັນທີ 31 ມີນາ, ຂໍ້ມູນຈາກກອງຊ່າງແສງຫວຽດນາມ ທີ່ພວມປະຕິບັດໜ້າທີ່ຮັກສາສັນຕິພາບຂອງສະຫະປະຊາຊາດຢູ່ UNISFA ໃຫ້ຮູ້ວ່າ: ໂດຍໄດ້ຮັບໜ້າທີ່ຈາກ UNISFA, ກອງຊ່າງແສງຫວຽດນາມ ຫາກໍ່ລົງມືກໍ່ສ້າງຄ້າຍທະຫານໃຫ້ກອງພັນທະຫານບົກ ການາ (ກົມກອງຮັບຜິດຊອບເຂດພາກໃຕ້ຂອງ UNISFA) ຢູ່ Rumamier, ສະຖານທີ່ໄດ້ຮັບການຕີລາຄາວ່າ ເປັນຈຸດຮ້ອນກ່ຽວກັບຄວາມສ່ຽງຈະຂາດຄວາມໝັ້ນຄົງ ແລະຄວາມປອດໄພຢູ່ UNISFA, ເຂດ Abyei.
ໂດຍຕັ້ງຢູ່ຫ່າງຈາກຖານທັບ Highway ໄປທາງທິດໃຕ້ເຂດ Abyei 35 ກິໂລແມັດ, ໃນໄລຍະຜ່ານມາ, ບໍລິເວນ Rumamier ແມ່ນສະຖານທີ່ເກີດຫຼາຍບັນຫາຂາດຄວາມໝັ້ນຄົງໃນເຂດ. ກ່ອນໜ້ານັ້ນ, ນີ້ແມ່ນສະຖານີຕັ້ງທັບຊົ່ວຄາວຂອງກົມກອງການາ.
![left](/image/images/left.png) ![center](/image/images/center.png) ![right](/image/images/right.png) ![del](/images/red-error_16px.gif) |
![](https://file3.qdnd.vn/data/images/26/2024/04/01/upload_2126/3.jpg?dpi=150&quality=100&w=500) |
ພະນັກງານ, ພາລະກອນຂອງກອງຊ່າງແສງຫວຽດນາມ ໄດ້ປະກອບ ແລະຈັດຕູບຜ້າເຕັ້ນ ເພື່ອຮັບປະກັນບ່ອນກິນ ແລະບ່ອນຢູ່ ເພື່ອກະກຽມໃຫ້ແກ່ການກໍ່ສ້າງຄ້າຍທະຫານໃຫ້ກອງພັນທະຫານບົກ ການາ. ພາບ: ກອງຊ່າງແສງຫວຽດນາມ |
ຕໍ່ໜ້າສະພາບການຂ້າງເທິງ, ເພື່ອຮັບປະກັນຄວາມໝັ້ນຄົງ ແລະຄວາມປອດໄພໃຫ້ແກ່ເຂດ Rumamier, ຄະນະປະຕິບັດງານ UNISFA ໄດ້ຮຽກຮ້ອງໃຫ້ເພີ່ມທະວີການມີໜ້າທະຫານຢູ່ເຂດ; ຈັດຕັ້ງກໍາລັງດ້ວຍຈໍານວນ 55 ຄົນປະຈໍາການ; ພ້ອມກັນນັ້ນ, ກໍ່ຜັນຂະຫຍາຍໃຫ້ກອງຊ່າງແສງຫວຽດນາມ ໄປກໍ່ສ້າງຖານທີ່ໝັ້ນໃຫ້ກົມກອງການາ.
ທ່ານພັນເອກພິເສດ ຫງວຽນຫວຽດຮືງ, ຫົວໜ້າກອງຊ່າງແສງຫວຽດນາມ ໃຫ້ຮູ້ວ່າ: ພໍແຕ່ຮັບໜ້າທີ່ພວກຂ້າພະເຈົ້າໄດ້ ກຳນົດ 2 ວຽກງານຕົ້ນຕໍ: ທີໜຶ່ງ, ກ່ຽວກັບວິຊາການຊ່າງແສງ ແມ່ນຕ້ອງຍົກລະດັບພື້ນຖານ ໂຄງລ່າງພື້ນດິນ; ນີ້ແມ່ນປັດໄຈພື້ນຖານ ເພື່ອຮັບປະກັນໃຫ້ການຜັນຂະຫຍາຍວຽກງານຕໍ່ໄປຢ່າງມີປະສິດທິຜົນ ຄື: ກໍ່ສ້າງບ່ອນຈອດເຮລິຄອບເຕີ້, ກໍ່ສ້າງຄ້າຍທະຫານ... ພ້ອມນັ້ນນັ້ນ, ສົມທົບກັນຢ່າງຕັ້ງໜ້າກັບບັນດາກົມກອງເພື່ອນເພື່ອຮັບປະກັນຄວາມໝັ້ນຄົງ, ຄວາມປອດໄພ ໃຫ້ແກ່ພະນັກງານ-ລັດຖະກອນ ຂອງກອງເມື່ອປະຕິບັດໜ້າທີ່ຢູ່ຫ່າງໄກຈາກຖານທັບ".
ໃນອາກາດຮ້ອນເອົ້າກວ່າ 40 ອົງສາເຊ, ໂດຍບໍ່ມີຮົ່ມເຢັນ, ແຕ່ດ້ວຍຄວາມຕັດສິນໃຈສູງ, ພະນັກງານ, ລັດຖະກອນຂອງກອງຊ່າງແສງຫວຽດນາມ ໄດ້ປະກອບ ແລະຈັດຕູບຜ້າເຕັ້ນຢ່າງວ່ອງໄວ, ຮັບປະກັນບ່ອນກິນ, ບ່ອນຢູ່, ກະກຽມດີທີ່ສຸດ ເພື່ອປະຕິບັດໜ້າທີ່ຢູ່ເຂດທີ່ຫ່າງໄກຈາກຖານທັບ.
ນີ້ໄດ້ຮັບຖືວ່າແມ່ນໜຶ່ງໃນບັນດາໂຄງການຈຸດສຸມຂອງຄະນະປະຕິບັດງານ UNISFA. ຕາມການຄາດຄະເນ, ລະບົບຄ້າຍທະຫານຄົງທີທັງໝົດຈະໄດ້ຮັບການກໍ່ສ້າງພາຍໃນ 45 ວັນ. ກອງຊ່າງແສງຫວຽດນາມ ໄດ້ວາງເປົ້າໝາຍກໍ່ສ້າງສຳເລັດໃນຕົ້ນເດືອນພຶດສະພານີ້, ກຽມພ້ອມເປີດນຳໃຊ້ກິດຈະກໍາກ່ອນລະດູຝົນ.
ໂດຍ: ທະນາພອນ