ທະຫານເຂດ 5 ຢ້ຽມຢາມ ແລະອວຍພອນປີໃໝ່ Chol Chnam Thmay ຢູ່ກໍາປູເຈຍ
ກປ.ອອນໄລ - ເນື່ອງໃນໂອກາດກະກຽມຕ້ອນຮັບປີໃໝ່ Chol Chnam Thmay - ປີໃໝ່ປະຈໍາຊາດຂອງຊາວເຜົ່າຂະແມ, ແຕ່ວັນທີ 28-30 ມີນາ, ຄະນະປະຕິບັດງານຂອງທະຫານເຂດ 5 ນໍາໂດຍທ່ານພົນຕີ ຈີ້ງດີ່ງແທັກ, ຫົວໜ້າການເມືອງທະຫານເຂດ 5 ໄດ້ໄປຢ້ຽມຢາມ ແລະອວຍພອນປີໃໝ່ບັນດາກົມກອງກອງທັບ ແລະທ້ອງຖິ່ນຂອງລາຊະອານາຈັກ ກໍາປູເຈຍ.
![left](/image/images/left.png) ![center](/image/images/center.png) ![right](/image/images/right.png) ![del](/images/red-error_16px.gif) |
![](https://file3.qdnd.vn/data/images/26/2024/03/31/upload_2122/31032024_th_06.jpg?dpi=150&quality=100&w=500) |
ຄະນະປະຕິບັດງານທະຫານເຂດ 5 ໄປຢ້ຽມຢາມ ແລະອວຍພອນປີໃໝ່ Chol Chnam Thmay ຢູ່ຄະນະກໍາມະການແຂວງ Rattanakiri, ກໍາປູເຈຍ. ພາບ: ຟານດີ້ງ |
ຄະນະປະຕິບັດງານໄດ້ໄປຢ້ຽມຢາມ ແລະອວຍພອນປີໃໝ່ຄະນະກໍາມະການແຂວງ Rattanakiri, ກອງບັນຊາການທະຫານ Rattanakiri; ຄະນະກໍາມະການແຂວງ Stung Treng, ກອງບັນຊາການທະຫານ Stung Treng; ຄະນະກໍາມະການແຂວງ Mundulkiri; ກອງບັນຊາການທະຫານ Mundulkiri; ກອງພົນນ້ອຍ 128, ກອງບັນຊາການທະຫານເຂດ 1 ແລະກອງບັນຊາການທະຫານເຂດ 4 (ກອງທັບ ລາດຊະວົງກໍາປູເຈຍ); ຢ້ຽມຢາມ, ລະດົມກໍາລັງໃຈກອງທ້ອນໂຮມອັດຖິນັກຮົບເສຍສະຫຼະຊີວິດເພື່ອຊາດ K52 (ກອງບັນຊາການທະຫານແຂວງຢາລາຍ) ແລະກອງທ້ອນໂຮມອັດຖິນັກຮົບເສຍສະຫຼະຊີວິດເພື່ອຊາດ K51 (ກອງບັນຊາການທະຫານແຂວງດັກລັກ) ທີ່ພວມປະຕິບັດໜ້າທີ່ໃນບໍລິເວນ. ທີ່ການຢ້ຽມຢາມ, ຕາງໜ້າຄະນະປະຕິບັດງານ, ທ່ານພົນຕີ ຈີ້ງດີ່ງແທັກ ໄດ້ຫວນຄືນບາງໝາກຜົນການຮ່ວມມືທີ່ພົ້ນເດັ່ນລະຫວ່າງທະຫານເຂດ 5 ກັບບັນດາກົມກອງ, ທ້ອງຖິ່ນຂອງເພື່ອນມິດໃນໄລຍະຜ່ານມາ.
![left](/image/images/left.png) ![center](/image/images/center.png) ![right](/image/images/right.png) ![del](/images/red-error_16px.gif) |
![](https://file3.qdnd.vn/data/images/26/2024/03/31/upload_2122/31032024_th_07.jpg?dpi=150&quality=100&w=500) |
ທ່ານພົນຕີ ຈີ້ງດີ່ງແທັກ ໄປຢ້ຽມຢາມ, ອວຍພອນ ແລະມອບຂອງຂວັນເນື່ອງໃນໂອກາດປີໃໝ່ Chol Chnam Thmay ຢູ່ກອງບັນຊາການທະຫານເຂດ 4, ກອງທັບລາດຊະວົງກໍາປູເຈຍ. ພາບ: ຟານດີ້ງ |
ທ່ານພົນຕີ ຈີ້ງດີ່ງແທັກ ຫວັງວ່າໃນໄລຍະຈະມາເຖິງ, ບັນດາຝ່າຍຈະສືບຕໍ່ເພີ່ມທະວີການພົວພັນຮ່ວມມືໃນຫຼາຍຂົງເຂດກວ່າອີກ, ຄື: ການພົວພັນຕ່າງປະເທດ, ການປ້ອງກັນຊາດ-ປ້ອງກັນຄວາມສະຫງົບ, ຊາຍແດນ… ພິເສດແມ່ນການຈັດຕັ້ງແຮກສ່ຽວຢູ່ທຸກຂັ້ນນັບແຕ່ຂັ້ນບ້ານ, ຕາແສງ, ເມືອງຕິດກັບການພັດທະນາເສດຖະກິດ ແລະປ້ອງກັນຊາດ-ປ້ອງກັນຄວາມສະຫງົບ... ປະກອບສ່ວນສ້າງສາຍພົວພັນ “ບ້ານໃກ້ເຮືອນຄຽງທີ່ດີ, ມິດຕະພາບທີ່ເປັນມູນເຊື້ອ, ການຮ່ວມມືຮອບດ້ານ, ຍືນຍົງຍາວນານ” ລະຫວ່າງຫວຽດນາມ ແລະກໍາປູເຈຍ, ລະຫວ່າງທະຫານເຂດ 5 ກັບບັນດາກົມກອງ, ທ້ອງຖິ່ນຂອງກໍາປູເຈຍ ນັບມື້ນັບພັດທະນາອັນດີງາມ.
ໂດຍ: ເຈິ່ນຮວ່ຽນ