ເຂົ້າຮ່ວມກອງປະຊຸມ ຍັງມີຜູ້ຕາງໜ້າທີ່ມາຈາກຄະນະກຳມະການອຸທົກກະສາດອາຊີຕາເວັນອອກ ຄື: ບຣູໄນ, ຮົງກົງ (ຈີນ), ອິນໂດເນເຊຍ, ຍີ່ປຸ່ນ, ສິງກະໂປ, ສ.ເກົາຫຼີ, ຫວຽດນາມ ແລະແຂກຖືກເຊີນຈາກອັງກິດ.

leftcenterrightdel
ບັນຍາກາດທີ່ກອງປະຊຸມ. ພາບ: qdnd.vn

ກ່າວຄຳເຫັນເປີດກອງປະຊຸມ, ທ່ານພົນຈັດຕະວາ ເຈິ່ນຫງອກກວຽດ ຢືນຢັນວ່າ: ເລື່ອງ EAHC ມອບສິດໃຫ້ຫວຽດນາມ ເປັນເຈົ້າພາບຈັດຕັ້ງກອງປະຊຸມ MSDIWG ແລະ STAR TG ໃນຂະນະທີ່ ຫວຽດນາມ ຍັງບໍ່ທັນເຂົ້າເປັນສະມາຊິກຢ່າງເປັນທາງການຂອງ EAHC ນັ້ນແມ່ນຄວາມເປັນກຽດ, ຄວາມພາກພູມໃຈ ແລະທັງແມ່ນໜ້າທີ່ຮັບຜິດຊອບຂອງຫວຽດນາມ ໃນການປະກອບສ່ວນ ແລະຜັນຂະຫຍາຍບັນດາໂຄງການ ແລະການເຄື່ອນໄຫວຂອງ EAHC. ຫວຽດນາມ ກໍານົດວ່າແມ່ນສະມາຊິກທີ່ຕັ້ງໜ້າຂອງອົງການອຸທົກກະສາດສາກົນ (IHO) ແລະປາດຖະໜາຢາກປະກອບສ່ວນເຂົ້າໃນການພັດທະນາລວມຂອງ IHO ແລະ EAHC ຫຼາຍກວ່າອີກ; ທ່ານພົນຈັດຕະວາ ເຈິ່ນຫງອກກວຽດ ສະແດງຄວາມຂອບໃຈຢ່າງຈິງໃຈຕໍ່ປະເທດສະມາຊິກ EAHC ທີ່ໄດ້ໜູນຊ່ວຍຫວຽດນາມ ໃນໄລຍະຜ່ານມາ.

leftcenterrightdel
ທ່ານພົນຈັດຕະວາ ເຈິ່ນຫງອກກວຽດ (ຜູ້ທີສອງຈາກເບື້ອງຂວາໄປ) ກ່າວຄໍາເຫັນທີ່ກອງປະຊຸມ. ພາບ: qdnd.vn

ທ່ານພົນຈັດຕະວາ ເຈິ່ນຫງອກກວຽດ ປາດຖະໜາວ່າ ບັນດາສະມາຊິກຂອງ EAHC ຈະສືບຕໍ່ສະໜັບສະໜູນການຮັບຮອງເອົາລະບຽບການສະມາຊິກ EAHC ສຳລັບຫວຽດນາມ ໂດຍໄວ.

leftcenterrightdel
ບັນດາຜູ້ແທນເຂົ້າຮ່ວມກອງປະຊຸມ. ພາບ: qdnd.vn

ກອງປະຊຸມຂອງ EAHC ຄັ້ງນີ້ຈະປະກາດ ແລະປຶກສາຫາລືກ່ຽວກັບເນື້ອໃນຄື: ພິຈາລະນາຂໍ້ຕົກລົງທີ່ກອງປະຊຸມ ຄະນະກໍາມະການປະສານງານ ຄັ້ງທີ 8 ແລະ 9 ຂອງ EAHC; ພິຈາລະນາແຜນຍຸດທະສາດຂອງ IHO; ບົດລາຍງານກ່ຽວກັບຄວາມຄືບໜ້າການກໍ່ສ້າງພື້ນຖານໂຄງລ່າງເຂດທະເລ ຂອງ IHO, EAHC ແລະບັນດາປະເທດສະມາຊິກ EAHC; ບົດລາຍງານກ່ຽວກັບໂຄງການພື້ນຖານໂຄງລ່າງເຂດທະເລຂອງ IHO (ໂດຍສິງກະໂປ ເປັນປະເທດຮັບຜິດຊອບ); ສະເໜີໂຄງການໃໝ່ກ່ຽວກັບຖານຂໍ້ມູນເຂດທະເລຂອງ EAHC; ເລືອກຕັ້ງປະທານ ແລະຮອງປະທານຂອງ MSDIWG.

ໂດຍ: ທູຈາງ