ເປີດຊຸດຝຶກອົບຮົມວິຊາການດ້ານສິ່ງແວດລ້ອມ ແລະຂໍ້ມູນຂ່າວສານວິທະຍາສາດການທະຫານ ໃຫ້ແກ່ພະນັກງານກະຊວງປ້ອງກັນປະເທດລາວ ປີ 2023
ກປ.ອອນໄລ - ວັນທີ 2 ມິຖຸນາ, ຢູ່ຮ່າໂນ້ຍ, ກົມວິທະຍາສາດການທະຫານ, ກະຊວງປ້ອງກັນປະເທດຫວຽດນາມ ໄດ້ສົມທົບກັບວິທະຍາຄານເຕັກນິກການທະຫານ ຈັດຕັ້ງພິທີເປີດຊຸດຝຶກອົບຮົມວິຊາການດ້ານສິ່ງແວດລ້ອມ ແລະຂໍ້ມູນຂ່າວສານວິທະຍາສາດການທະຫານ ໃຫ້ແກ່ພະນັກງານກອງທັບປະຊາຊົນລາວ ປີ 2023.
    |
 |
ທ່ານພັນເອກພິເສດ ເລດິ່ງຫວູ໊, ຮອງຫົວໜ້າກົມວິທະຍາສາດການທະຫານ, ກະຊວງປ້ອງກັນປະເທດຫວຽດນາມ ກ່າວຄໍາເຫັນເປີດຊຸດຝຶກອົບຮົມ. ພາບ: qdnd.vn |
ຕາມແຜນການແລ້ວ, ໃນໄລຍະການຝຶກອົບຮົມ, ພະນັກງານກອງທັບປະຊາຊົນລາວ 25 ຄົນ ຈະໄດ້ຮັບການແນະນຳຫົວເລື່ອງສະເພາະກ່ຽວກັບວິຊາການຄຸ້ມຄອງສິ່ງແວດລ້ອມ, ວິທີການແກ້ໄຂຜົນສະທ້ອນຈາກມົນລະພິດສິ່ງແວດລ້ອມທີ່ເກີດຈາກທາດພິດເຄມີ ແລະລະເບີດບໍ່ທັນແຕກຫຼັງສົງຄາມ, ຫົວເລື່ອງສະເພາະດ້ານຂໍ້ມູນຂ່າວສານວິທະຍາສາດການທະຫານ; ຄົ້ນຄວ້າ ແລະຝຶກຫັດກ່ຽວກັບວຽກງານສື່ມວນຊົນ ແລະທັກສະໃນການຂຽນຂ່າວ, ຮຽບຮຽງວາລະສານ; ວິທີການຂຽນ ແລະຈໍາໜ່າຍຂ່າວເພື່ອຮັບໃຊ້ໃຫ້ການນໍາ; ວິທີການຖ່າຍທຳ ແລະຈັດສ້າງຮູບເງົາ...
    |
 |
ບັນດາຜູ້ແທນເຂົ້າຮ່ວມຊຸດຝຶກອົບຮົມ. ພາບ: qdnd.vn |
ກ່າວຄຳເຫັນທີ່ພິທີເປີດຊຸດຝຶກອົບຮົມ, ທ່ານພັນເອກພິເສດ ເລດິ່ງຫວູ໊, ຮອງຫົວໜ້າກົມວິທະຍາສາດການທະຫານ, ກະຊວງປ້ອງກັນປະເທດຫວຽດນາມ ເນັ້ນໜັກວ່າ: ຊຸດຝຶກອົບຮົມແມ່ນພື້ນຖານເພື່ອໃຫ້ບັນດາພະນັກງານຂອງກອງທັບປະຊາຊົນລາວ ຍົກສູງຄຸນນະພາບ, ປະສິດທິຜົນຂອງໜ້າທີ່ວຽກງານສື່ສານວິທະຍາສາດການທະຫານ, ວຽກງານຄຸ້ມຄອງສິ່ງແວດລ້ອມ, ຮັບມືກັບການປ່ຽນແປງຂອງດິນຟ້າອາກາດ, ແກ້ໄຂມົນລະພິດສິ່ງແວດລ້ອມ... ຈາກນັ້ນຮັບໃຊ້ວຽກງານເປັນເສນາທິການ, ບັນຊາການ, ຄຸ້ມຄອງ, ບໍລິຫານ ແລະຜັນຂະຫຍາຍປະຕິບັດຢູ່ໃນອົງການ ແລະກົມກອງໃນກອງທັບຂອງລາວ.
    |
 |
ພະນັກງານຊຸດຝຶກອົບຮົມຖ່າຍຮູບທີ່ລະນຶກກັບການນໍາຂອງກົມວິທະຍາສາດການທະຫານ, ກະຊວງປ້ອງກັນປະເທດ ແລະວິທະຍາຄານເຕັກນິກການທະຫານ. ພາບ: qdnd.vn |
ທ່ານພັນເອກພິເສດ ເລດິ່ງຫວູ໊ ສະເໜີໃຫ້ບັນດານັກຮຽນການທະຫານຂອງລາວ ຄວນຍົກສູງຈິດໃຈຄວາມຮັບຜິດຊອບ, ຜ່ານຜ່າຄວາມຫຍຸ້ງຍາກ, ເພີ່ມທະວີການແລກປ່ຽນ ເພື່ອແນໃສ່ກໍາແໜ້ນເນື້ອໃນຂອງບົດຮຽນ; ປະຕິບັດຕາມກົດລະບຽບຂອງຫ້ອງຝຶກອົບຮົມຢ່າງເຂັ້ມງວດ, ຮັບປະກັນຄວາມປອດໄພໃນທຸກດ້ານ.
ໂດຍ: ທູຈາງ