ກວດຜ່ານການຝຶກຊ້ອມໜູນຊ່ວຍມະນຸດສະທໍາ ແລະກູ້ຊ່ວຍດ້ານການແພດລະຫວ່າງກອງທັບຫວຽດນາມ-ຈີນ
ກປ.ອອນໄລ - ວັນທີ 9 ທັນວາ, ບັນດາກົມກອງການແພດທະຫານຂອງຫວຽດນາມ ແລະຈີນ ໄດ້ຈັດຕັ້ງການຝຶກຊ້ອມ ແລະກວດຜ່ານເນື້ອໃນຂອງການຝຶກຊ້ອມໜູນຊ່ວຍມະນຸດສະທໍາ ແລະກູ້ຊ່ວຍດ້ານການແພດລະຫວ່າງກອງທັບສອງປະເທດ ທີ່ດໍາເນີນຢູ່ນະຄອນມ໊ອງກ໊າຍ (ແຂວງກວ໋າງນິງ).
ບັນດາກົມກອງໄດ້ຝຶກຊ້ອມ ແລະກວດຜ່ານເນື້ອໃນ ຄື: ຜັນຂະຫຍາຍສໍານັກບັນຊາຂອງກໍາລັງໜູນຊ່ວຍມະນຸດສະທໍາ ແລະກູ້ຊ່ວຍດ້ານການແພດ; ຝຶກແອບການສົມທົບກັນລະຫວ່າງກໍາລັງແພດທະຫານສອງປະເທດ; ຝຶກຊ້ອມໃນຕົວຈິງ.
    |
 |
|
ກໍາລັງແພດທະຫານຂອງສອງປະເທດ ເຂົ້າຮ່ວມການກວດຜ່ານເນື້ອໃນຝຶກຊ້ອມ. ພາບ:qdnd.vn. |
ການຝຶກຊ້ອມໜູນຊ່ວຍມະນຸດສະທໍາ ແລະກູ້ຊ່ວຍດ້ານການແພດລະຫວ່າງກອງທັບສອງປະເທດ ຫວຽດນາມ-ຈີນ ເພື່ອແນໃສ່ຍູ້ແຮງການຮ່ວມມືຢ່າງເລິກເຊິ່ງ ແລະແທດຈິງກວ່າອີກ ລະຫວ່າງກອງທັບສອງປະເທດ; ພ້ອມທັງຍົກສູງກໍາລັງຄວາມສາມາດໃນການບັນຊາ, ສົມທົບກັນໃນວຽກງານກູ້ຊ່ວຍດ້ານການແພດ ແລະປ້ອງກັນ, ຕ້ານພະຍາດ; ວຽກງານປະສານງານ ແລະຜັນຂະຫຍາຍໜູນຊ່ວຍມະນຸດສະທໍາສາກົນລະຫວ່າງກໍາລັງແພດທະຫານຂອງສອງປະເທດ.
ໂດຍ: ທູຈາງ