ລັດເຊຍ ເຊີດຊູບັນດານັກຮົບຫວຽດນາມ ເຂົ້າຮ່ວມສົງຄາມປົກປັກຮັກສາປະເທດຊາດທີ່ຍິ່ງໃຫຍ່
ກປ.ອອນໄລ - ເນື່ອງໃນໂອກາດສະເຫຼີມສະຫຼອງ 75 ປີແຫ່ງໄຊຊະນະໃນສົງຄາມປົກປັກຮັກສາປະເທດຊາດທີ່ຍິ່ງໃຫຍ່ (1945-2020), ກະຊວງປ້ອງກັນປະເທດສະຫະພັນ ລັດເຊຍ ໄດ້ເຊີນທ່ານ ໂງດຶກແມັ້ງ ເອກອັກຄະລັດຖະທູດວິສາມັນຜູ້ມີອຳນາດເຕັມແຫ່ງ ສສ ຫວຽດນາມ ປະຈຳສະຫະພັນລັດເຊຍ ແລະຫ້ອງການທີ່ປຶກສາທູດປ້ອງກັນຊາດຫວຽດນາມ ປະຈຳສະຫະພັນລັດເຊຍ ມາຢ້ຽມຢາມໂບດໃຫຍ່ຂອງກຳລັງປະກອບອາວຸດລັດເຊຍ ແລະຫໍພິພິທະພັນ “ເສັ້ນທາງອາໄລຫາ” ທີ່ໃກ້ຈະເປີດສະຫຼອງຢູ່ສວນສາທາລະນະຮັກຊາດຢູ່ Kubinka, ຊານນະຄອນມົດສະກູ.