ໃນແຕ່ລະຄັ້ງທີ່ມີການແຈ້ງເຕືອນກ່ຽວກັບພາຍຸ, ພະນັກງານ, ນັກຮົບຕໍາຫຼວດທະເລ ໄດ້ຈັດຕັ້ງ, ແນະນໍາ ແລະຊ່ວຍພວກຂ້າພະເຈົ້າ ນຳເອົາກໍາປັ່ນທີ່ຢູ່ນອກຝັ່ງທະເລໄປຍັງບ່ອນຫຼີກລ້ຽງພາຍຸທີ່ປອດໄພໂດຍກົງ. ສະນັ້ນ, ຄວາມເສຍຫາຍທີ່ ພາຍຸກໍ່ຂຶ້ນໃຫ້ຊາວປະມົງຄືພວກຂ້າພະເຈົ້າ ຈຶ່ງຖືກຫຼຸດຜ່ອນຫຼາຍທີ່ສຸດ. ພວກຂ້າພະເຈົ້າ ຜູ້ໃດກໍ່ລ້ວນແຕ່ຮູ້ບຸນຄຸນທະຫານ…” ນັ້ນແມ່ນການແບ່ງປັນຂອງທ່ານ ຫງວຽນວັນຕື, ອາໄສຢູ່ເຂດ ຫວູງດຶກ, ຕາແສງເກິມຝາ (ແຂວງກວາງນິງ).
ຕາມທ່ານພັນເອກ ເລແອັງເຊີນ, ຫົວໜ້າການເມືອງ ກອງພັນເຮືອ 11, ຕໍາຫຼວດທະເລເຂດ 1 ໃຫ້ຮູ້ວ່າ: ເພື່ອຮັບປະກັນຄວາມປອດໄພໃຫ້ແກ່ປະຊາຊົນ ແລະ ພາຫະນະ ຄື: ເຮືອ, ກໍາປັ່ນ, ກ່ອນທີ່ພາຍຸຈະພັດເຂົ້າ, ກອງພັນເຮືອ ໄດ້ຈັດກໍາລັງເປັນເຈົ້າການໜູນຊ່ວຍຊາວປະມົງ ເພື່ອແນໃສ່ຫຼຸດຜ່ອນຄວາມເສຍຫາຍຈາກ ພາຍຸໃຫ້ໄດ້ຢ່າງສຸດຂີດ. ກອງພັນເຮືອ ຍັງໄດ້ຮັກສາກຳລັງ ແລະພາຫະນະເພື່ອປະຈໍາການກຽມພ້ອມປະຕິບັດໜ້າທີ່ຊອກຫາ, ກູ້ໄພກູ້ຊີບ, ຊ່ວຍເຫຼືອປະຊາຊົນເມື່ອເກີດເຫດ.
    |
 |
|
ພະນັກງານກອງພັນເຮືອ 11 ໂຄສະນາ, ຮຽກຮ້ອງໃຫ້ຊາວປະມົງ ປະຕິບັດຕາມຂໍ້ກໍານົດ ຢູ່ບ່ອນຫຼີກລ້ຽງພາຍຸ. ພາບ: ແມັ້ງເທື່ອງ |
ໂດຍຮັບຮູ້ມາວ່າ, ໃນລະດູຝົນ, ພາຍຸ, ກອງພັນເຮືອ 11 ໄດ້ສ້າງຕັ້ງໜ່ວຍປະຕິບັດງານ ເພື່ອດໍາເນີນການໂຄສະນາເຜີຍແຜ່, ປຸກລະດົມຂົນຂວາຍ, ໜູນຊ່ວຍເຮືອຫາປານັບພັນລຳ. ພະນັກງານ, ນັກຮົບຂອງກອງພັນເຮືອ ໄດ້ໄປຍັງບ່ອນທີ່ເຮືອ ແລະກໍາປັ່ນຫຼີກລ້ຽງພາຍຸ ເພື່ອດໍາເນີນການກວດກາຄວາມປອດໄພ ແນໃສ່ໃຫ້ຄໍາປຶກສາແກ່ຊາວປະມົງ ກ່ຽວກັບວິທີການຕ້ານພາຍຸໃຫ້ທັນການ ແລະມີປະສິດທິຜົນທີ່ສຸດ. ພ້ອມທັງແຈກໃບປິວໂຄສະນານັບໝື່ນໃບ, ເຕືອນໃຫ້ປະຊາຊົນປະຕິບັດຂໍ້ກຳນົດໃນການປ້ອງກັນ, ຕ້ານພາຍຸຂອງທຸກຂັ້ນຢ່າງເຂັ້ມງວດ, ເດັດຂາດບໍ່ໃຫ້ອອກໄປຈາກບ່ອນຫຼີກລ້ຽງພາຍຸ ເມື່ອຍັງບໍ່ທັນໄດ້ຮັບອະນຸຍາດ ເພື່ອຮັບປະກັນຄວາມປອດໄພ. ໜ່ວຍປະຕິບັດງານ ຂອງກອງພັນເຮືອ ຍັງໄດ້ຊ່ວຍຊາວປະມົງມັດເຮືອ, ມັດກໍາປັ່ນ, ກະຊັງລ້ຽງສິນໃນນ້ຳ, ກວດກາເບິ່ງເຊືອກ, ເສື້ອຊູຊີບ, ເກັບມ້ຽນແຫ, ອຸປະກອນຫາປາ; ຮຽກຮ້ອງໃຫ້ພາຫະນະ ແລະຊາວປະມົງໄປຢູ່ບ່ອນຫຼີກລ້ຽງພາຍຸທີ່ປອດໄພ... ທາງກົມກອງຍັງໄດ້ຢ້ຽມຢາມຖາມຂ່າວ ແລະມອບທຸງຊາດນັບສິບຜືນ, ເຂົ້າສານຫຼາຍສິບໂຕນ ແລະເຄື່ອງຂອງທີ່ຈໍາເປັນໃຫ້ແກ່ຊາວປະມົງ ...
ທ່ານນາງ ລ້າຍທິຮ່າ, ຜູ້ລ້ຽງສິນໃນນໍ້າໃສ່ກະຊັງ ຢູ່ຕາແສງຮ່າເລິ່ມ (ແຂວງກວາງນິງ) ແບ່ງປັນວ່າ: “ສອງສາມປີມານີ້, ພາຍຸໄດ້ພັດເຂົ້າຢ່າງລຽນຕິດ, ສະນັ້ນ, ຜູ້ທີ່ມີອາຊີບກ່ຽວກັບທະເລ ຄືພວກຂ້າພະເຈົ້າ ແມ່ນປະສົບຄວາມລຳບາກຫຼາຍ. ໃນຍາມເກີດໄພພິບັດທຳມະຊາດ, ດ້ວຍຄວາມເອົາໃຈໃສ່, ຢ້ຽມຢາມຖາມຂ່າວ, ລະດົມກໍາລັງໃຈ ແລະ ມອບຂອງຂວັນຈາກພະນັກງານ, ນັກຮົບຕໍາຫຼວດທະເລ, ຄອບຄົວຂ້າພະເຈົ້າ ແລະຊາວປະມົງ ລ້ວນແຕ່ດີໃຈ, ມີຄວາມອຸ່ນອ່ຽນໃຈກວ່າ ແລະຍາມໃດກໍ່ມີຄວາມເຊື່ອໝັ້ນ, ປະຕິບັດຕາມເນື້ອໃນທີ່ໄດ້ຮັບຈາກການໂຄສະນາຢ່າງເຂັ້ມງວດ...”.
ໂດຍ: ທູຈາງ