ທ່ານພົນໂທ ເຈືອງທຽນໂຕ ໄດ້ໄປຢ້ຽມຢາມຖາມຂ່າວ, ລະດົມກຳລັງໃຈ ແລະມອບຂອງຂວັນ 100 ພູດຂອງກົມໃຫຍ່ການເມືອງ ກອງທັບປະຊາຊົນຫວຽດນາມ (ແຕ່ລະພູດມີມູນຄ່າ 2,5 ລ້ານດົ່ງ, ລວມທັງເງິນສົດ ແລະສິ່ງທີ່ຈຳເປັນຈໍານວນໜຶ່ງ) ໃຫ້ແກ່ຄອບຄົວນະໂຍບາຍ, ຄອບຄົວທຸກຍາກ ແລະຜູ້ທີ່ມີຄວາມສ່ຽງໃນເຂດທີ່ຖືກນ້ຳຖ້ວມໜັກຂຶ້ນກັບຕາແສງດ້ຽນບານ ແລະຕາແສງ ດ້າຍໂລກ. ຕາງໜ້າການນໍາກົມໃຫຍ່ການເມືອງກອງທັບປະຊາຊົນຫວຽດນາມ, ທ່ານພົນໂທ ເຈືອງທຽນໂຕ ໄດ້ແບ່ງປັນຢ່າງເລິກເຊິ່ງຕໍ່ການສູນເສຍ, ຄວາມເຈັບປວດຂອງປະຊາຊົນບັນດາແຂວງພາກກາງໃນໄພຝົນຕົກນ້ຳຖ້ວມຄັ້ງປະຫວັດສາດ; ສະແດງຄວາມເຊື່ອໝັ້ນວ່າ ດ້ວຍຈິດໃຈສາມັກຄີ, ເຈດຈຳນົງທີ່ຜ່ານຜ່າຄວາມຫຍຸ້ງຍາກ ແລະລຸກຂຶ້ນຢ່າງອົງອາດກ້າແກ່ນ, ພ້ອມກັບຄວາມເອົາໃຈໃສ່, ການໜູນຊ່ວຍ, ການລະດົມກໍາລັງໃຈຂອງລະບົບການເມືອງທັງໝົດ, ໃນນັ້ນ ມີພະນັກງານ, ນັກຮົບກຳລັງປະກອບອາວຸດ, ປະຊາຊົນພາກກາງ ຈະຜ່ານຜ່າໄລຍະທີ່ປະສົບກັບຄວາມຫຍຸ້ງຍາກ, ສິ່ງທ້າທາຍເທື່ອລະກ້າວ ເພື່ອເຮັດໃຫ້ຊີວິດກັບຄືນສູ່ສະພາບປົກກະຕິ.

leftcenterrightdel
ທ່ານພົນໂທ ເຈືອງທຽນໂຕ ລະດົມກຳລັງໃຈບັນດາກໍາລັງທີ່ປະຕິບັດໜ້າທີ່. ພາບ: qdnd.vn

ທ່ານພົນໂທ ເຈືອງທຽນໂຕ ໄດ້ສະເໜີໃຫ້ກອງບັນຊາການທະຫານເຂດ 5 ແລະບັນດາອົງການ, ກົມກອງຂອງກອງທັບໃນບໍລິເວນ ຕ້ອງເປັນເຈົ້າການສົມທົບກັບຄະນະພັກ, ອຳນາດການປົກຄອງ, ກຳລັງທີ່ກ່ຽວຂ້ອງຂອງທ້ອງຖິ່ນລະດົມວັດຖຸ, ກໍາລັງຄົນໃຫ້ສູງສຸດ, ຍູ້ໄວຄວາມຄືບໜ້າໃນການຊ່ວຍເຫຼືອປະຊາຊົນຜ່ານຜ່າຜົນຮ້າຍຢ້ອນຫຼັງຈາກໄພພິບັດທຳມະຊາດ. ກ່ອນອື່ນໝົດ, ຄວນໃຫ້ບຸລິມະສິດຊ່ວຍເຫຼືອບັນດາໂຮງໝໍ, ໂຮງຮຽນ, ສໍານັກງານ, ຄອບຄົວນະໂຍບາຍ, ຄອບຄົວດ້ອຍໂອກາດ...

ໂດຍ: ຈາງຫງວຽນ