ກົມໃຫຍ່ພະລາທິການ-ເຕັກນິກ ກວດກາວຽກງານຮັບປະກັນໃຫ້ແກ່ໜ້າທີ່ A80

ຄະນະປະຕິບັດງານຂອງກົມໃຫຍ່ພະລາທິການ-ເຕັກນິກ ກວດກາພາຫະນະອຸປະກອນຮັບໃຊ້ໜ້າທີ່ A80 ຢູ່ສູນຝຶກແອບການທະຫານແຫ່ງຊາດ ເລກ 4. ພາບ: qdnd.vn

ຄະນະປະຕິບັດງານ ກວດກາອາວຸດຍຸດໂທປະກອນ, ພາຫະນະຮັບໃຊ້ໜ້າທີ່ A80 ຢູ່ສູນຝຶກແອບການທະຫານແຫ່ງຊາດ ເລກ 4. ພາບ: qdnd.vn

ຜ່ານການກວດກາຕົວຈິງຢູ່ຕາມສະຖານທີ່ຕ່າງໆ, ຄະນະປະຕິບັດງານຕີລາຄາວ່າ ບັນດາກົມກອງໄດ້ຊາບຊຶມຄໍາສັ່ງ, ຄໍາແນະນໍາຂອງຂັ້ນເທິງເປັນຢ່າງດີ, ປະສານສົມທົບຢ່າງແໜ້ນແຟ້ນກັບກໍາລັງທີ່ກ່ຽວຂ້ອງ ເພື່ອສ້າງແຜນການ, ສັບຊ້ອນບ່ອນເຕົ້າໂຮມພາຫະນະ,  ອຸປະກອນເຕັກນິກຖືກຕາມລະບຽບການ, ຮັບປະກັນຄວາມປອດໄພ; ເປັນເຈົ້າການໃນການຄຸ້ມຄອງຮັກສາອາວຸດຍຸດໂທປະກອນ ເພື່ອກະກຽມໃຫ້ແກ່ການຝຶກແອບປະຕິບັດໜ້າທີ່ເດີນຂະບວນ, ສວນສະໜາມ.

ທ່ານພົນຕີ ເຈິ່ນມິງດຶກ ແລກປ່ຽນກັບກຳລັງຮັບປະກັນເຕັກນິກລົດ-ເຄື່ອງຈັກ. ພາບ: qdnd.vn

ຕາງໜ້າຄະນະປະຕິບັດງານ, ທ່ານພົນຕີ ເຈິ່ນມິງດຶກ ໄດ້ຮັບຮູ້,  ຍ້ອງຍໍຊົມເຊີຍບັນດາກ້ອນກໍາລັງ ທີ່ໄດ້ມານະພະຍາຍາມ, ເປັນເຈົ້າການຜ່ານຜ່າທຸກຄວາມຫຍຸ້ງຍາກ, ຮັບປະກັນວຽກງານເຕັກນິກໃຫ້ແກ່ພາຫະນະອຸປະກອນຮັບໃຊ້ພິທີສະເຫຼີມສະຫຼອງ 80 ປີແຫ່ງການປະຕິວັດເດືອນສິງຫາ ແລະວັນຊາດ ທີ 2 ກັນຍາ.

ຄະນະປະຕິບັດງານ ກວດກາບ່ອນກິນ ໂດຍ ທະຫານເຂດ 4 ຮັບຜິດຊອບ. ພາບ: qdnd.vn

ເນັ້ນໜັກວ່າ ແຕ່ນີ້ຮອດພິທີສະເຫຼີມສະຫຼອງແມ່ນບໍ່ຫຼາຍ, ເພື່ອປະຕິບັດສຳເລັດໜ້າທີ່ວຽກງານເປັນຢ່າງດີ, ຮຽກຮ້ອງຕ້ອງມີຄວາມມານະພະຍາຍາມອັນໃຫຍ່ຫຼວງຂອງແຕ່ລະຂະແໜງການ, ແຕ່ລະບຸກຄົນ, ທ່ານພົນຕີ ເຈິ່ນມິງດຶກ ສະເໜີໃຫ້ບັນດາກົມກອງປະຕິບັດແຜນການຈັດຕັ້ງກໍາລັງ, ພາຫະນະຮັບໃຊ້ໜ້າທີ່ວຽກງານຕາມແຜນການຂອງຂັ້ນເທິງໃຫ້ເປັນຢ່າງດີ; ກວດກາຄືນສະພາບເຕັກນິກຂອງພາຫະນະ ແລະລົດ, ທັກສະການຂັດລົດ, ຊ່າງສ້ອມແປງເປັນປະຈຳ... ຮັບປະກັນບ່ອນກິນບ່ອນຢູ່ໃຫ້ແກ່ກ້ອນກຳລັງ; ຮັບປະກັນຄວາມປອດໄພສຸຂະອະນາໄມດ້ານອາຫານ; ປະຕິບັດວຽກງານຄຸ້ມຄອງສຸຂະພາບ, ສຸກເສີນ, ປິ່ນປົວພະຍາດ, ເກັບຮັກສາຢາປົວພະຍາດ, ອຸປະກອນການແພດຮັບໃຊ້ທະຫານ...

ໂດຍ: ໄຊຊະນະ