ບັນດາກໍາລັງສວນສະໜາມ, ເດີນຂະບວນໃນໜ້າທີ່ A80 ຝຶກແອບຮ່ວມຄັ້ງທີ 1

26 ມິຖຸນາ 2025 20:20

ກປ.ອອນໄລ - ວັນທີ 25 ມິຖຸນາ, ກົມອົບຮົມ-ໂຮງຮຽນ (ກົມໃຫຍ່ເສນາທິການ ກອງທັບປະຊາຊົນຫວຽດນາມ) ເປັນປະທານຈັດຕັ້ງການຝຶກແອບ ແລະກວດກາການຝຶກແອບກໍາລັງສວນສະໜາມ (ກໍາລັງຍ່າງ) ຢູ່ເຂດແຫ່ງຕ່າງໆ: ສູນຝຶກແອບການທະຫານແຫ່ງຊາດ ເລກ 4, ມະຫາວິທະຍາສາດແຫ່ງຊາດຮ່າໂນ້ຍ, ໝູ່ບ້ານວັດທະນະທໍາ ແລະທ່ອງທ່ຽວບັນດາເຜົ່າຫວຽດນາມ.

ທ່ານພົນຈັດຕະວາ ຫວູຫວຽດຮຸ່ງ, ຫົວໜ້າກົມອົບຮົມ-ໂຮງຮຽນ ເຂົ້າຮ່ວມ, ຊີ້ນໍາການຝຶກແອບຮ່ວມຢູ່ສູນຝຶກແອບການທະຫານແຫ່ງຊາດ ເລກ 4.

ທ່ານພົນຈັດຕະວາ ຫວູຫວຽດຮຸ່ງ, ຫົວໜ້າກົມອົບຮົມ-ໂຮງຮຽນ (ກົມໃຫຍ່ເສນາທິການ ກອງທັບປະຊາຊົນຫວຽດນາມ) ກ່າວຄໍາເຫັນທີ່ການຝຶກແອບຮ່ວມ. ພາບ: qdnd.vn

ພາຍຫຼັງຝຶກແອບເປັນຫຼາຍມື້ ໃນສະພາບດິນຟ້າອາກາດທີ່ຮ້າຍແຮງ, ກ້ອນກໍາລັງໄດ້ຢຶດໝັ້ນການຝຶກແອບ, ຜ່ານຜ່າຄວາມຫຍຸ້ງຍາກ, ສ້າງຂຶ້ນບັນຍາກາດທີ່ສະຫງ່າອົງອາດ, ເຄັ່ງຂຶມ.

ໃນຕະຫຼອດໄລຍະການຝຶກແອບ, ບັນດາກ້ອນກໍາລັງຈັດຕັ້ງຖອດຖອນບົດຮຽນເປັນປະຈໍາ, ຝຶກແອບເໝາະສົມກັບເງື່ອນໄຂດິນຟ້າອາກາດ ແລະຮຽກຮ້ອງຄຸນນະພາບຕາມແຕ່ລະໄລຍະ.

ນີ້ແມ່ນຄັ້ງທໍາອິດບັນດາກໍາລັງສວນສະໜາມ, ເດີນຂະບວນເນື່ອງໃນໂອກາດສະເຫຼີມສະຫຼອງ 80 ປີແຫ່ງວັນການປະຕິວັດເດືອນສິງຫາ ແລະວັນຊາດທີ 2 ກັນຍາ ດໍາເນີນການຝຶກແອບເພື່ອກວດກາໝາກຜົນການຝຶກແອບ, ຖອດຖອນບົດຮຽນການຝຶກແອບ, ເປັນພື້ນຖານໃຫ້ບັນດາກົມກອງ ສືບຕໍ່ການຝຶກແອບກໍາລັງເຂົ້າຮ່ວມສວນສະໜາມ, ເດີນຂະບວນບັນລຸໝາກຜົນສູງສຸດ.

ໜັງສືພິມກອງທັບປະຊາຊົນ ຂໍແນະນໍາບາງຮູບພາບກ່ຽວກັບການຝຶກແອບຮ່ວມຢູ່ສູນຝຶກແອບການທະຫານແຫ່ງຊາດ ເລກ 4 ດັ່ງລຸ່ມນີ້: