ບັນດາກ້ອນກຳລັງເຂົ້າຮ່ວມການສວນສະໜາມເດີນຂະບວນ ຢ້ຽມຢາມຫໍພິພິທະພັນປະຫວັດສາດກອງທັບຫວຽດນາມ

ພະນັກງານ, ນັກຮົບຂອງບັນດາກ້ອນກໍາລັງທີ່ເຂົ້າຮ່ວມການສວນສະໜາມເດີນຂະບວນຮັບຟັງການແນະນໍາທີ່ຫໍພິພິທະພັນປະຫວັດສາດກອງທັບຫວຽດນາມ. ພາບ: qdnd.vn

ນັກຮົບໜຸ່ມຢ້ຽມຊົມວັດຖຸພັນທີ່ລໍ້າຄ່າ. ພາບ: qdnd.vn

ພະນັກງານ, ນັກຮົບ 1.000 ກວ່າຄົນທີ່ມາຈາກກ້ອນກໍາລັງຕ່າງໆ, ຄື: ນາຍທະຫານຊາຍແດນ; ທະຫານຫຼາດປ້ອງກັນຕົວຊາຍ; ນັກສໍາມະນາກອນທີ່ມາຈາກວິທະຍາຄານ ແລະໂຮງຮຽນໃນກອງທັບ (ທະຫານເຂດ 1); ນາຍຕໍາຫຼວດທະເລ ແລະນັກສໍາມະນາກອນໂຮງຮຽນນາຍທະຫານອາກາດ-ປ້ອງກັນອາກາດ (ທະຫານເຂດ 2) ໄດ້ໄປຢ້ຽມຢາມຫໍພິພິທະພັນ.

ຜ່ານບັນດາວັດຖຸພັນ, ເອກະສານອັນລ້ຳຄ່າຢູ່ໃນເຂດວາງສະແດງທີ່ມີຊີວິດຊີວາ ແລະທັນສະໄໝ, ພະນັກງານ, ນັກຮົບຂອງບັນດາກ້ອນກໍາລັງໄດ້ຮັບເອົາຄວາມຮູ້ດ້ານປະຫວັດສາດຫຼາຍຢ່າງ; ຮູ້ສຶກເຖິງການເສຍສະຫຼະອັນໃຫຍ່ຫຼວງຂອງລຸ້ນພໍ່ລຸ້ນອ້າຍ ເພື່ອໃຫ້ປະເທດມີສັນຕິພາບ, ຄວາມເປັນເອກະພາບ ແລະການພັດທະນາ.

ພະນັກງານຂອງຫໍພິພິທະພັນປະຫວັດສາດກອງທັບຫວຽດນາມ ແນະນໍາກ່ຽວກັບວັດຖຸພັນ. ພາບ: qdnd.vn

ຮ້ອຍຕີ ຫວູມິງຮຽ໋ວ (ກ້ອນກໍາລັງນັກສໍາມະນາກອນຂອງວິທະຍາຄານ, ໂຮງຮຽນກອງທັບ, ທະຫານເຂດ 1) ແບ່ງປັນວ່າ: “ຢືນຢູ່ຕໍ່ໜ້າບັນດາວັດຖຸພັນອັນລໍ້າຄ່າເຊັ່ນ: ເຮືອບິນ Mig-21 5121, ລົດຕັງ 843, ປືນສັ້ນທີ່ພົນເອກ ຫວໍຫງວຽນຢາບ ໄດ້ນໍາໃຊ້ໃນບັ້ນຮົບ ຟາຍຄັດ-ນ່າເງິ່ນ, ທຸງຊາດທີ່ໄດ້ຈືດສີຕາມປີເດືອນ ຫຼືຈົດໝາຍທີ່ສົ່ງຈາກສະໜາມຮົບ, ຂ້າພະເຈົ້າປຽບເໝືອນມີຊີວິດຢູ່ໃນບັນຍາກາດອັນອົງອາດກ້າຫານຂອງລຸ້ນພໍ່ລຸ້ນອ້າຍ. ໃນເມື່ອກ່ອນ, ຂ້າພະເຈົ້າໄດ້ຮຽນປະຫວັດສາດຜ່ານປຶ້ມ, ແຕ່ເມື່ອໄດ້ຊົມບັນດາວັດຖຸພັນ ຢູ່ຫໍພິພິທະພັນໂດຍກົງ, ຂ້າພະເຈົ້າຮູ້ສຶກເຖິງຄວາມໝາຍຂອງ “ສັນຕິພາບ” ແລະຄວາມຮັບຜິດຊອບໃນການສ້າງສາ ແລະປົກປັກຮັກສາປະເທດຊາດ ຂອງນັກຮົບໜຸ່ມຄືພວກຂ້າພະເຈົ້າໃນມື້ນີ້”.

ຫຼາຍຄົນສະແດງຄວາມສະເທືອນໃຈ ເມື່ອຊົມວັດຖຸພັນຂອງລຸ້ນພໍ່ລຸ້ນອ້າຍ. ພາບ: qdnd.vn

ຕາມແຜນການແລ້ວ, ພະນັກງານ, ນັກຮົບຂອງກ້ອນກໍາລັງຕ່າງໆ ຈະສືບຕໍ່ໄປຢ້ຽມຢາມ ແລະທັດສະນະສຶກສາຢູ່ສະຖານທີ່, ຄື: ສຸສານປະທານໂຮ່ຈີມິນ, ຫໍພິພິທະພັນໂຮ່ຈີມິນ, ເຂດປູຊະນີຍະສະຖານ K9 ດ໋າຈົງ...

ໂດຍ: ທູຈາງ