ຈັດຕັ້ງການຝຶກແອບສວນສະໜາມ, ເດີນຂະບວນຢ່າງເຄັ່ງຄັດ, ມີປະສິດທິຜົນ, ປອດໄພ
ກປ.ອອນໄລ - ຕອນເຊົ້າວັນທີ 9 ມິຖຸນາ, ຢູ່ສູນອົບຮົມ-ຫັດແອບການທະຫານແຫ່ງຊາດ ເລກ 4, ທ່ານພົນໂທ ຫງວຽນວັນເຫງ້ຍ, ຮອງຫົວໜ້າກົມໃຫຍ່ເສນາທິການ ກອງທັບປະຊາຊົນຫວຽດນາມ ໄດ້ເປັນປະທານກອງປະຊຸມແລກປ່ຽນວຽກງານບັນດາກຳລັງເຂົ້າຮ່ວມສວນສະໜາມ, ເດີນຂະບວນ ທີ່ພິທີສະເຫຼີມສະຫຼອງ 80 ປີແຫ່ງການປະຕິວັດເດືອນສິງຫາ ປະສົບຜົນສຳເລັດ (19-8-1945 / 19-8-2025) ແລະວັນຊາດແຫ່ງ ສສ ຫວຽດນາມ (2-9-1945 / 2-9-2025).
ທີ່ກອງປະຊຸມ, ກົມອົບຮົມ-ໂຮງຮຽນ ລາຍງານສະພາບການຂອງບັນດາກຳລັງ, ພາຫະນະ ແລະວຽກງານຮັບປະກັນ. ຕາມນັ້ນແລ້ວ, ອົງການ ແລະບັນດາກົມກອງໄດ້ປະສານສົມທົບກັບກຳລັງກ່ຽວຂ້ອງຈັດຕັ້ງການສຳຫຼວດພື້ນທີ່ຕົວຈິງ, ສ້າງແຜນການຍົກຍ້າຍກຳລັງ, ເຂດເຕົ້າໂຮມບັນດາກຳລັງກ່ອນ ແລະຫຼັງການສວນສະໜາມ, ເດີນຂະບວນ; ສ້າງລາຍການອົມຮົມ-ຫັດແອບ, ມອບໜ້າທີ່ໃຫ້ຄູສອນ... ຈົນຮອດວັນທີ 6 ມິຖຸນາ, ບັນດາກົມກອງໄດ້ຍົກຍ້າຍກຳລັງ, ພາຫະນະມາເຂດເຕົ້າໂຮມ, ກະກຽມຈັດຕັ້ງການອົບຮົມ-ຫັດແອບ.
    |
 |
|
ທ່ານພົນໂທ ຫງວຽນວັນເຫງ້ຍ ເປັນປະທານກອງປະຊຸມ. ພາບ: ຢຸຍດົງ |
ສະຫຼຸບກອງປະຊຸມ, ທ່ານພົນໂທ ຫງວຽນວັນເຫງ້ຍ ຮຽກຮ້ອງເຫຼົ່າທັບເຮືອ ສ້າງແຜນການຈັດຕັ້ງການສວນສະໜາມບັນດາກຳລັງປະກອບອາວຸດຢູ່ທະເລ; ປັບປຸງລະບົບເອກະສານ, ແຜນການກວດຜ່ານເບື້ອງຕົ້ນ ແລະການກວດຜ່ານຄັ້ງສຸດທ້າຍ... ຖືກຕາມຂໍ້ກຳນົດ; ຈັດຕັ້ງປະຕິບັດແຜນການຮັບປະກັນການຕິດຕໍ່ສື່ສານ, ສົ່ງຮູບພາບ, ວິດີໂອ ມາຍັງສູນອົບຮົມ-ຫັດແອບການທະຫານແຫ່ງຊາດ ເລກ 4 ແລະສະໜາມຫຼວງບາດິ່ງ ໃຫ້ເປັນຢ່າງດີ...
|
|
 |
|
ຜູ້ແທນເຂົ້າຮ່ວມກອງປະຊຸມ. ພາບ: ຢຸຍດົງ |
ທ່ານພົນໂທ ຫງວຽນວັນເຫງ້ຍ ໃສ່ໃຈວ່າ ໃນການອົບຮົມ-ຫັດແອບ ຄວນເອົາໃຈໃສ່ວຽກງານປະເມີນຜົນການຫັດແອບທຸກມື້, ທຸກອາທິດຢູ່ບັນດາກຸ່ມ. ຈັດຕັ້ງປະຕິບັດວຽກງານພັກ, ວຽກງານການເມືອງ, ເອົາໃຈໃສ່ຍູ້ແຮງວຽກງານໂຄສະນາ; ຄຸ້ມຄອງ ແລະຮັກສາສຸຂະພາບທະຫານ, ສຸຂະອະນາໄມອາຫານ, ສຸຂະອະນາໄມສິ່ງແວດລ້ອມ; ປະຕິບັດວຽກງານບຳລຸງຮັກສາ, ກວດກາສະພາບການເຕັກນິກຍານພາຫະນະ, ຮັກສາສະພາບການດ້ານເຕັກນິກເປັນຢ່າງດີເພື່ອປະຕິບັດໜ້າທີ່...
ໂດຍ: ແສງເດືອນ