ກອງກໍາປັ່ນສັງກັດແມ່ທັບເຮືອປາຊີຟິກ, ທະຫານເຮືອສະຫະພັນລັດເຊຍ ຢ້ຽມຢາມດ່ານັງ
ກປ.ອອນໄລ - ວັນທີ 10 ພຶດສະພາ, ກອງກໍາປັ່ນສັງກັດກອງເຮືອປາຊີຟິກ, ທະຫານເຮືອສະຫະພັນລັດເຊຍ, ລວມມີ: ກໍາປັ່ນປົກປ້ອງ Rezkii, ກໍາປັ່ນປົກປ້ອງ ວິລະຊົນສະຫະພັນລັັດເຊຍ Aldar Cidengapov ແລະກໍາປັ່ນຂົນສົ່ງນໍ້າມັນດ້ວຍນາຍທະຫານ, ລູກເຮືອ ແລະພະນັກງານ 262 ຄົນໂດຍພັນເອກ Anciferov Alexey Vitalievich ເປັນຜູ້ບັນຊາໄດ້ເຂົ້າທຽບທ່າຕຽນຊາ, ເລິ່ມຕົ້ນການຢ້ຽມຢາມນະຄອນດ່ານັງ ແຕ່ວັນທີ 10 ຫາວັນທີ 14 ພຶດສະພາ.
ພິທີຕ້ອນຮັບທີ່ທ່າເຮືອຕຽນຊາມີຕາງໜ້າບັນດາອົງການທີ່ກ່ຽວຂ້ອງຂອງຫວຽດນາມ ແລະສະຫະພັນລັດເຊຍ.
ໃນຂອບເຂດການຢ້ຽມຢາມ, ການນຳຄະນະໄດ້ໄປວາງກະຕ່າດອກໄມ້ທີ່ອະນຸສາວະລີນັກຮົບເສຍສະຫຼະຊີວິດເພື່ອຊາດນະຄອນດ່ານັງ, ເຂົ້າຢ້ຽມຂໍ່ານັບການນໍາຄະນະກໍາມະການປະຊາຊົນນະຄອນດ່ານັງ, ກອງບັນຊາການທະຫານເຮືອເຂດ 3 ແລະກອງບັນຊາການທະຫານເຮືອເຂດ 5; ນາຍທະຫານ, ລູກເຮືອກໍາປັ່ນຢ້ຽມຢາມ, ພົບປະແລກປ່ຽນກັບພະນັກງານ, ນັກຮົບທະຫານເຮືອເຂດ 3, ຢ້ຽມຊົມເຂດທ່ອງທ່ຽວຢູ່ທ້ອງຖິ່ນ; ຝຶກແອບລວມລະຫວ່າງກໍາປັ່ນທະຫານເຮືອຫວຽດນາມ ແລະກໍາປັ່ນສັງກັດກອງເຮືອປາຊີຟິກ, ທະຫານເຮືອລັດເຊຍ.
    |
 |
|
ພິທີຕ້ອນຮັບກອງກໍາປັ່ນສັງກັດກອງເຮືອປາຊີຟິກ, ທະຫານເຮືອສະຫະພັນລັດເຊຍ ຢູ່ທ່າເຮືອຕຽນຊາ. ພາບ: ວັນຈູງ |
|
|
 |
|
ບັນດາຜູ້ແທນຖ່າຍຮູບລວມ. ພາບ: ວັນຈູງ |
|
|
 |
|
ກອງກໍາປັ່ນສັງກັດແມ່ທັບເຮືອປາຊີຟິກ, ທະຫານເຮືອສະຫະພັນລັດເຊຍ ເຂົ້າທຽບທ່າເຮືອຕຽນຊາ. ພາບ: ວັນຈູງ |
ການຢ້ຽມຢາມຂອງກອງກໍາປັ່ນສັງກັດແມ່ທັບເຮືອປາຊີຟິກ, ທະຫານເຮືອສະຫະພັນລັດເຊຍ ຢູ່ນະຄອນດ່ານັງ ຄັ້ງນີ້ຊ່ວຍເພີ່ມທະວີການພົວພັນມິດຕະພາບ, ມູນເຊື້ອ ແລະໄວ້ເນື້ອເຊື່ອໃຈເຊິ່ງກັນ ແລະກັນ, ປະກອບສ່ວນຊຸກຍູ້ການພົວພັນຄູ່ຮ່ວມມືຍຸດທະສາດຮອບດ້ານຫວຽດນາມ-ສະຫະພັນລັດເຊຍ; ພ້ອມທັງສະແດງບົດບາດ, ຮູບພາບການຕ່າງປະເທດຂອງນະຄອນດ່ານັງ, ຊ່ວຍໂຄສະນາຮູບພາບນະຄອນເຖິງເພື່ອນມິດສາກົນ.
ໂດຍ: ໄຊນີດາ