ຄະນະພັກທະຫານເຂດ 3, ຄະນະພັກທຸກຂັ້ນ ໄດ້ຊາບຊຶມ, ປະຕິບັດບັນດາມະຕິ, ຄຳສັ່ງ, ຂໍ້ສະຫຼຸບຂອງສູນກາງ, ຄະນະພັກການທະຫານສູນກາງ, ກົມໃຫຍ່ການເມືອງກອງທັບປະຊາຊົນຫວຽດນາມ ກ່ຽວກັບວຽກງານກໍ່ສ້າງພັກ. ເປັນເຈົ້າການກໍ່ສ້າງ ແລະຜັນຂະຫຍາຍບັນດາຄຳສັ່ງ, ແຜນການຂອງຄະນະປະຈຳຄະນະພັກທະຫານເຂດ 3 ກ່ຽວກັບກອງປະຊຸມໃຫຍ່ຂອງພັກທຸກຂັ້ນ ສະໄໝ 2025-2030. ເພີ່ມທະວີການກວດກາ, ກະຕຸກຊຸກຍູ້; ປັບປຸງ, ເພີ່ມເຕີມ ແລະປະຕິບັດກົດລະບຽບການເຮັດວຽກ, ກົດລະບຽບການນຳພາທຸກດ້ານຂອງວຽກງານຈຸດສຸມ, ໂຄງການດຳເນີນງານປະຕິບັດມະຕິກອງປະຊຸມໃຫຍ່ຂອງພັກທຸກຂັ້ນ. ຄະນະພັກ, ອົງການຈັດຕັ້ງພັກ ດຳເນີນການປ່ຽນແປງໃໝ່ເນື້ອໃນ, ວິທີການ, ຍົກສູງລັກສະນະສູ້ຮົບ ແລະປະສິດທິຜົນຂອງວຽກງານສຶກສາການເມືອງ, ແນວຄິດ; ເອົາໃຈໃສ່ປ່ຽນແປງໃໝ່, ຍົກສູງຄຸນນະພາບການເຄື່ອນໄຫວຂອງຄະນະຊີ້ນຳ 35 ຕໍ່ສູ້ປະຕິເສດທັດສະນະຜິດພາດ, ປໍລະປັກຢູ່ທຸກຂັ້ນ. ສືບຕໍ່ຜັນຂະຫຍາຍປະຕິບັດມະຕິ, ຂໍ້ສະຫຼຸບກອງປະຊຸມສູນກາງພັກ ຄັ້ງທີ 4 (ຊຸດທີ XII, XIII) ກ່ຽວກັບການກໍ່ສ້າງພັກ, ຕິດພັນກັບການປະຕິບັດຂໍ້ສະຫຼຸບສະບັບເລກທີ 01-KL/TW ຂອງກົມການເມືອງ ກ່ຽວກັບການສືບຕໍ່ປະຕິບັດຄໍາສັ່ງສະບັບເລກທີ 05-CT/TW ຂອງກົມການເມືອງ (ຊຸດທີ XII) ກ່ຽວກັບການຍູ້ແຮງການຮໍ່າຮຽນ ແລະປະຕິບັດຕາມແນວຄິດ, ຄຸນສົມບັດ ແລະແບບແຜນການດຳລົງຊີວິດຂອງປະທານໂຮ່ຈີມິນ; ມະຕິສະບັບເລກທີ 847 ຂອງຄະນະພັກການທະຫານສູນກາງ ກ່ຽວກັບການເສີມຂະຫຍາຍຄຸນທາດທະຫານລຸງໂຮ່, ເດັດດ່ຽວຕ້ານລັດທິສ່ວນຕົວໃນສະພາບການໃໝ່ ແລະບັ້ນຂົນຂວາຍ “ເສີມຂະຫຍາຍມູນເຊື້ອ, ອຸທິດສະຕິປັນຍາ ແລະຄວາມຮູ້ຄວາມສາມາດ, ສົມເປັນທະຫານລຸງໂຮ່” ໄລຍະໃໝ່.

leftcenterrightdel
ຜູ້ຕາງໜ້າການນຳທະຫານເຂດ 3 ມອບໃບຍ້ອງຍໍໃຫ້ແກ່ບັນດາໝູ່ຄະນະ, ບຸກຄົນທີ່ມີຜົນງາມດີເດັ່ນ ປີ 2024. 

ຄະນະພັກທະຫານເຂດ 3 ໄດ້ສຸມໃສ່ນຳພາປັບປຸງ, ບູລະນະຄະນະພັກ, ອົງການຈັດຕັ້ງພັກທຸກຂັ້ນ, ໂດຍສະເພາະແມ່ນບັນດາກົມກອງໂຮມເຂົ້າກັນ, ສ້າງຕັ້ງໃໝ່, ຈັດຕັ້ງຄືນໃໝ່ໃຫ້ຖືກຕາມຫຼັກການ, ຮັບປະກັນດ້ານຈຳນວນ, ຄຸນນະພາບ, ມີໂຄງປະກອບເໝາະສົມ; ຕິດພັນກັບການກໍ່ສ້າງ, ປັບປຸງຄະນະພັກກັບການກໍ່ສ້າງຖັນແຖວພະນັກງານຫຼັກແຫຼ່ງ. ຈັດຕັ້ງການຊາບຊຶມ, ປະຕິບັດຕາມບັນດາຂໍ້ສະຫຼຸບ, ຂໍ້ກຳນົດຂອງຄະນະບໍລິຫານງານສູນກາງພັກ, ປະຕິບັດຕາມຫຼັກການລວມສູນປະຊາທິປະໄຕ, ປຶກສາຫາລືຕົກລົງເປັນໝູ່ຄະນະ, ບຸກຄົນຮັບຜິດຊອບ; ບຸກທະລຸຍົກສູງຄຸນນະພາບການດຳເນີນຊີວິດພັກຂອງຄະນະພັກທຸກຂັ້ນ, ໜ່ວຍພັກ. ເພີ່ມທະວີວຽກງານປົກປ້ອງການເມືອງພາຍໃນ; ເຮັດວຽກງານຄຸ້ມຄອງ, ການສຶກສາ, ຝຶກຝົນຫຼໍ່ຫຼອມຖັນແຖວສະມາຊິກພັກ ແລະຂະຫຍາຍສະມາຊິກພັກເປັນຢ່າງດີ. ປະສານສົມທົບ, ແນະນໍາສ້າງຕັ້ງ ແລະຮັກສາການເຄື່ອນໄຫວຂອງໜ່ວຍພັກການທະຫານຕາແສງ, ເທດສະບານເມືອງຖືກຕາມການແນະນຳຂອງຄະນະຈັດຕັ້ງສູນກາງ. ຊີ້ນຳການສຳຫຼວດກວດກາຄືນ, ຕີລາຄາ, ຈັດປະເພດຄຸນນະພາບ ແລະຍ້ອງຍໍອົງການຈັດຕັ້ງພັກ, ສະມາຊິກພັກຮັບປະກັນລັກສະນະພາວະວິໄສ, ແທດຈິງ, ຜ່ານນັ້ນປະກອບສ່ວນຍົກສູງຄວາມສາມາດນຳພາ, ກຳລັງແຮງສູ້ຮົບຂອງອົງການຈັດຕັ້ງພັກ.

ເພື່ອຍົກສູງຄຸນນະພາບ, ປະສິດທິຜົນຂອງວຽກງານກວດກາ, ຕິດຕາມກວດກາ ແລະປະຕິບັດການລົງວິໄນຂອງພັກ ໃນທົ່ວອົງຄະນະພັກ, ຄະນະພັກການທະຫານເຂດ 3 ແລະຄະນະພັກທຸກຂັ້ນ ໄດ້ປະຕິບັດຕາມຂໍ້ກຳນົດກ່ຽວກັບການກວດກາ, ຕິດຕາມກວດກາຂອງອົງການຈັດຕັ້ງພັກຂັ້ນເທິງ; ດຳເນີນການກວດກາ, ຕິດຕາມກວດກາ ແລະການປະຕິບັດກົດລະບຽບຂອງພັກ ຖືກຕາມແຜນການ, ລະບຽບຫຼັກການ; ປະສານສົມທົບຢ່າງແໜ້ນແຟ້ນກັບວຽກງານກວດກາ. ຄະນະພັກທຸກຂັ້ນ, ຄະນະກຳມະການກວດກາທຸກຂັ້ນໄດ້ເປັນເຈົ້າການກວດກາສະມາຊິກພັກ, ອົງການຈັດຕັ້ງພັກທີ່ມີການກະທຳລະເມີດ, ຕິດຕາມກວດດາອົງການຈັດຕັ້ງພັກ, ສະມາຊິກພັກແກ້ໄຂຂໍ້ຈຳກັດ, ຈຸດອ່ອນພາຍຫຼັງກວດກາ, ຕິດຕາມກວດກາ. ພ້ອມກັນນັ້ນ, ຄະນະພັກທະຫານເຂດ 3, ຄະນະພັກທຸກຂັ້ນໄດ້ຕັ້ງໜ້າປ່ຽນແປງໃໝ່ແບບແຜນການນຳພາ, ວິທີການ, ແບບແຜນການເຮັດວຽກຢ່າງມີວິທະຍາສາດ, ປະຊາທິປະໄຕ, ເວົ້າໄປຄຽງຄູ່ກັບການ ກະທຳ, ໃກ້ຊິດຕິດແທດກັບຮາກຖານ. ເສີມຂະຫຍາຍສະຕິປັນຍາໝູ່ຄະນະ, ເຊີດຊູຈິດໃຈ “7 ກ້າ” (ກ້າຄິດ; ກ້າເວົ້າ; ກ້າເຮັດ; ກ້າຮັບຜິດຊອບ; ກ້າປ່ຽນແປງໃໝ່, ປະດິດສ້າງ; ກ້າປະເຊີນໜ້າກັບຄວາມຫຍຸ້ງຍາກ, ສິ່ງທ້າທາຍ; ກ້າກະທຳເພື່ອຜົນປະໂຫຍດລວມ); ແກ້ໄຂການພົວພັນເຮັດວຽກເປັນຢ່າງດີ, ໂດຍສະເພາະແມ່ນການພົວພັນລະຫວ່າງການນຳກັບຜູ້ບັນຊາ, ລະຫວ່າງໝູ່ຄະນະ ກັບບຸກຄົນ.

ດ້ວຍບັນດາມາດຕະການຄົບຊຸດ, ຂ້ຽວຂາດ, ຄວາມສາມາດນຳພາ, ກຳລັງແຮງສູ້ຮົບຂອງອົງຄະນະພັກທະຫານເຂດ 3 ໄດ້ຮັບການຍົກສູງຂຶ້ນຢ່າງບໍ່ຢຸດຢັ້ງ; ນຳພາກຳລັງປະກອບອາວຸດທະຫານເຂດຈັດຕັ້ງປະຕິບັດໜ້າທີ່ການທະຫານ, ການປ້ອງກັນຊາດຮອບດ້ານ, ໃນນັ້ນມີຫຼາຍໜ້າທີ່ສຳເລັດເປັນຢ່າງດີ ແລະດີເດັ່ນ, ຄື: ກໍ່ສ້າງກຳລັງປະກອບອາວຸດທະຫານເຂດ 3 ໃຫ້ມີຄວາມໝັ້ນຄົງເຂັ້ມແຂງດ້ານການເມືອງ; ວຽກງານກຽມພ້ອມສູ້ຮົບ, ຫັດແອບ, ຊ້ອມ ຮົບ, ງານແຂ່ງຂັນ, ແຂ່ງຂັນກິລາ, ປ້ອງກັນ, ຕ້ານ ແລະແກ້ໄຂຜົນຮ້າຍຢ້ອນຫຼັງຈາກພະຍຸລູກທີ 3 (Yagi); ຮັບປະກັນພະລາທິການ, ເຕັກນິກ, ການເງິນສໍາລັບທຸກໜ້າທີ່; ຮັບປະກັນຊີວິດການເປັນຢູ່, ສຸຂະພາບໃຫ້ທະຫານ... ທ່າສະໜາມຮົບປ້ອງກັນຊາດ, ປ້ອງກັນຄວາມສະຫງົບໄດ້ຮັບການປັບປຸງ, ກຳລັງແຮງສັງລວມ, ຄວາມສາມາດກຽມພ້ອມສູ້ຮົບຂອງກຳລັງປະກອບອາວຸດທະຫານເຂດ 3 ໄດ້ຮັບການຍົກສູງຂຶ້ນ, ຕອບສະໜອງຄວາມຮຽກຮ້ອງຕ້ອງການຂອງໜ້າທີ່; ປະກອບສ່ວນຮັກສາຄວາມໝັ້ນຄົງດ້ານການເມືອງ, ຄວາມເປັນລະບຽບຮຽບຮ້ອຍ, ຄວາມປອດໄພທາງສັງຄົມຢູ່ບໍລິເວນ, ສ້າງເງື່ອນໄຂເພື່ອໃຫ້ບັນດາທ້ອງຖິ່ນພັດທະນາເສດຖະກິດ-ສັງຄົມ.

ເສີມຂະຫຍາຍຜົນສຳເລັດທີ່ບັນລຸໄດ້ໃນວຽກງານຊີ້ນຳນຳພາການກໍ່ສ້າງອົງຄະນະພັກທະຫານເຂດ 3 ໃຫ້ໝັ້ນຄົງເຂັ້ມແຂງດ້ານການເມືອງ, ແນວຄິດ, ຄຸນສົມບັດ, ການຈັດຕັ້ງ ແລະພະນັກງານ, ປີ 2025, ຄະນະພັກທະຫານເຂດ 3 ຈະສຸມໃສ່ຊີ້ນຳນຳພາຄະນະພັກທຸກຂັ້ນ, ອົງການຈັດຕັ້ງພັກຕັ້ງໜ້າປ່ຽນແປງໃໝ່ແບບແຜນການນຳພາຮັບປະກັນຢ່າງມີວິທະຍາສາດ, ປະຊາທິປະໄຕ, ໃກ້ຊິດຕິດແທດກັບຮາກຖານ. ປ່ຽນແປງໃໝ່, ຍົກສູງຄວາມສາມາດໃນການຊີ້ນຳນຳພາການປະຕິບັດຂໍ້ສະຫຼຸບກອງປະຊຸມສູງກາງພັກ ຄັ້ງທີ 4 (ຊຸດທີ XIII) ຕິດພັນກັບການປະຕິບັດມະຕິສະບັບເລກທີ 847 ຂອງຄະນະພັກການທະຫານສູນກາງ; ຍູ້ແຮງການຮ່ຳຮຽນ ແລະປະຕິບັດຕາມແນວຄິດ, ຄຸນສົມບັດ, ແບບແຜນການດຳລົງຊີວິດຂອງປະທານ ໂຮ່ຈີມິນ, ບັ້ນຂົນຂວາຍ “ເສີມຂະຫຍາຍມູນເຊື້ອ, ອຸທິດສະຕິປັນຍາ, ຄວາມຮູ້ຄວາມສາມາດ, ສົມເປັນທະຫານລຸງໂຮ່” ໄລຍະໃໝ່... ຊີ້ນຳນຳພາຄະນະພັກທຸກຂັ້ນໃນການຊາບຊຶມ, ຜັນ ຂະຫຍາຍຢ່າງເຄັ່ງຄັດ, ລະອຽດ, ຖືກຕາມຂັ້ນຕອນ, ຫຼັກການໃນວຽກງານກະກຽມ ແລະຈັດຕັ້ງກອງປະຊຸມໃຫຍ່ຂອງພັກທຸກຂັ້ນ. ຊີ້ນຳອົງຄະນະພັກກອງພົນ 395, ອົງຄະນະພັກກອງພັນໃຫຍ່ 2, ອົງຄະນະພັກກອງພົນນ້ອຍ 242; ປະສານສົມທົບກັບຄະນະພັກທ້ອງຖິ່ນຊີ້ນຳອົງຄະນະພັກການທະຫານນະຄອນ ຫາຍຟ່ອງ, ອົງຄະນະພັກການທະຫານນະຄອນ ຮະລອງ (ກວາງນິງ) ຈັດຕັ້ງກອງປະຊຸມໃຫຍ່ກ່ອນ ເພື່ອຖອດຖອນບົດຮຽນໃນອົງຄະນະພັກ, ກຳລັງປະກອບອາວຸດທະຫານເຂດ 3 ແລະທົ່ວກອງທັບ. ຍົກສູງຄຸນນະພາບການດຳເນີນຊີວິດພັກ, ເຮັດວຽກງານຄຸ້ມຄອງ, ສຶກສາອົບຮົມ, ຝຶກຝົນຫຼໍ່ຫຼອມຖັນແຖວສະມາຊິກພັກ; ຕິດພັນກັບການກໍ່ສ້າງຄະນະພັກທຸກຂັ້ນກັບການກໍ່ສ້າງຖັນແຖວພະນັກງານຫຼັກແຫຼ່ງທີ່ມີເງື່ອນໄຂ, ມາດຖານ ແລະຄວາມສາມາດຢ່າງພຽງພໍ ເພື່ອຕອບສະໜອງຄວາມຮຽກຮ້ອງຂອງໜ້າທີ່ໃນສະພາບການໃໝ່.

ໂດຍ: ແສງເດືອນ