ທ່ານພົນເອກ ຟານວັນຢາງ ພົບປະສັງສັນກັບນັກຮົບກອງພົນນ້ອຍ 144 ທີ່ກຽມອອກຈາກກອງທັບ

ບັນຍາກາດທີ່ການພົບປະສັງສັນ. ພາບ: qdnd.vn

ທີ່ການພົບປະສັງສັນ, ທ່ານພົນເອກ ຟານວັນຢາງ ໄດ້ຮັບຮູ້ ແລະຍ້ອງຍໍຊົມເຊີຍຜົນງານດີເດັ່ນໃນການຮໍ່າຮຽນ-ການຝຶກຝົນຫຼໍ່ຫຼອມ, ສູ້ຊົນຂອງພະນັກງານ, ນັກຮົບກອງພົນນ້ອຍ 144; ຮັບຮູ້ຖັນແຖວທະຫານຊັ້ນນາຍສິບ, ນັກຮົບທີ່ໄດ້ປະຕິບັດສໍາເລັດໜ້າທີ່ເວນຍາມ, ປ້ອງກັນຄວາມປອດໄພຂອງສໍານັກບັນຊາ-ອົງການ ຂອງກະຊວງປ້ອງກັນປະເທດ ຢ່າງເດັດຂາດ ແລະ ໜ້າທີ່ວຽກງານສໍາຄັນອື່ນໆ, ສົມເປັນກໍາລັງເວນຍາມປ້ອງກັນ ທີ່ຈົ່ງຮັກພັກດີຂອງກອງທັບ. ສະແດງຄວາມປິຕິຊົມຊື່ນຕໍ່ໝາກຜົນທີ່ພະນັກງານ, ນັກຮົບຂອງກົມກອງບັນລຸໄດ້, ທ່ານພົນເອກ ຟານວັນຢາງ ເນັ້ນໜັກວ່າ: ກອງພົນນ້ອຍ 144 ຍາມໃດກໍ່ແມ່ນກອງພົນດີເດັ່ນໃນການຮ່ຳຮຽນ, ຝືກຝົນຫຼໍ່ຫຼອມ, ກໍ່ສ້າງກໍາລັງຫຼວງ, ຄຸ້ມຄອງຢ່າງມີລະບຽບວິໄນຂອງກົມໃຫຍ່ເສນາທິການ ກອງທັບປະຊາຊົນຫວຽດນາມ. ພະນັກງານ, ນັກຮົບຍາມໃດກໍ່ເປັນແບບຢ່າງທັງໃນຄໍາເວົ້າ ແລະ ການກະທຳ, ຮັກສາລະບຽບວິໄນຢ່າງ ເຂັ້ມງວດ, ແບບແຜນການປະຕິບັດງານເປັນແບບຢ່າງ, ມີຈິດໃຈລະວັງຕົວຕໍ່ການປະຕິວັດສູງ...

ທ່ານພົນເອກ ຟານວັນຢາງ ແລະຜູ້ແທນ ພ້ອມດ້ວຍທະຫານຊັ້ນນາຍສິບ, ນັກຮົບ ທີ່ກຽມອອກຈາກກອງທັບ ຂອງກອງພົນນ້ອຍ 144. ພາບ: qdnd.vn

ຫວນຄືນມູນເຊື້ອອັນສະຫງ່າລາສີຂອງກອງທັບ, ທ່ານລັດຖະມົນຕີ ໄດ້ແບ່ງປັນຄວາມຊົງຈຳກ່ຽວກັບຊຸມວັນທໍາອິດທີ່ເຂົ້າເປັນທະຫານຂອງຕົນ; ສະແດງຄວາມປາດຖະໜາວ່າ ບັນດານັກຮົບເມື່ອກັບຄືນທ້ອງຖິ່ນຍາມໃດກໍ່ຮັກສາ, ເສີມຂະຫຍາຍຄຸນສົມບັດອັນສູງສົ່ງຂອງທະຫານລຸງໂຮ່ ໃນວຽກງານ ແລະຊີວິດ; ເປັນແບບຢ່າງໃນການປະຕິບັດ ແລະໂຄສະນາເຜີຍແຜ່, ປຸກລະດົມຄອບຄົວ, ຍາດຕິພີ່ນ້ອງ ແລະປະຊາຊົນທ້ອງຖິ່ນໃຫ້ປະຕິບັດຕາມແນວທາງ ແລະນະໂຍບາຍຂອງພັກ, ນະໂຍບາຍ ແລະ ກົດໝາຍຂອງລັດ; ຕັ້ງໜ້າສຶກສາຮໍ່າຮຽນ, ຝຶກຝົນຫຼໍ່ຫຼອມ, ອອກແຮງງານທໍາການຜະລິດ, ເຂົ້າຮ່ວມຂະບວນການແຂ່ງຂັນຮັກຊາດ ຢູ່ບັນດາອົງການ, ກົມກອງ, ທ້ອງຖິ່ນ, ປະກອບສ່ວນກໍ່ສ້າງຄອບຄົວ ແລະ ບ້ານເກີດເມືອງນອນໃຫ້ນັບມື້ນັບພັດທະນາຂະຫຍາຍຕົວ, ຮັ່ງມີສວຍງາມ, ສີວິໄລ.

ເນື່ອງໃນໂອກາດຫ້າງຫາກະກຽມຕ້ອນຮັບປີໃໝ່ປະຈໍາຊາດ 2025, ທ່ານພົນເອກ ຟານວັນຢາງ ໄດ້ອວຍພອນໃຫ້ນັກຮົບ ພ້ອມດ້ວຍຄອບຄົວຂອງຕົນ ຕ້ອນຮັບບຸນເຕັດຢ່າງມີຄວາມຜາສຸກ ແລະປະສົບຜົນສຳເລັດ.

ໂດຍ: ທູຈາງ