ຕິດພັນໂຮງຮຽນກັບກົມກອງ ໃນການຝຶກແອບ, ກໍ່ສ້າງ

ທ່ານພົນເອກ ຫງວຽນເຕິນເກືອງ ເປັນປະທານກອງປະຊຸມ. ພາບ: ກີມຫງອັກ

ກ່າວຄຳເຫັນສະຫຼຸບທີ່ກອງປະຊຸມ, ທ່ານພົນເອກ ຫງວຽນເຕິນເກືອງ ຮຽກຮ້ອງໃຫ້ບັນດາອົງການ, ກົມກອງ, ໂຮງຮຽນໃນທົ່ວກອງທັບ ຊາບຊຶມ, ປະຕິບັດບັນດາມະຕິ, ຂໍ້ສະຫຼຸບ, ຄຳສັ່ງຂອງສູນກາງ, ຄະນະພັກການທະຫານສູນກາງ, ກະຊວງປ້ອງກັນປະເທດຢ່າງເຂັ້ມງວດ, ເປັນຕົ້ນແມ່ນຂໍ້ສະຫຼຸບເລກທີ 91 ລົງວັນທີ 12 ສິງຫາ 2024 ຂອງກົມການເມືອງ, ມະຕິເລກທີ 1657, 1659 ລົງວັນທີ 20 ທັນວາ 2022 ຂອງຄະນະພັກການທະຫານສູນກາງ ແລະແຜນຮ່າງ, ໂຄງການ, ແຜນການກ່ຽວກັບວຽກງານການສຶກສາ-ກໍ່ສ້າງ, ສືບຕໍ່ຊີ້ນຳນຳພາຢ່າງແໜ້ນແຟ້ນ, ສ້າງການຫັນປ່ຽນຢ່າງແຂງແຮງໃນການຮັບຮູ້ ແລະການກະທໍາໃນການປະຕິບັດທິດນຳ; ຍົກສູງຈິດໃຈຮັບຜິດຊອບ, ລັກສະນະເປັນເຈົ້າການ, ປະດິດສ້າງ, ຂ້ຽວຂາດຂອງຄະນະພັກ, ຄະນະບັນຊາທຸກຂັ້ນ, ຜູ້ເປັນຫົວໜ້າໃນການປະຕິບັດມາດຕະການເພື່ອປ່ຽນແປງໃໝ່, ຍົກສູງຄຸນນະພາບການສຶກສາ-ກໍ່ສ້າງ.

ທ່ານພົນເອກ ຫງວຽນເຕິນເກືອງ ມອບລາງວັນໃຫ້ໝູ່ຄະນະທີ່ສໍາເລັດໜ້າທີ່ດີເລີດ. ພາບ: ກີມຫງອັກ

ທ່ານພົນເອກ ຫງວຽນເຕິນເກືອງ ໃສ່ໃຈວ່າ ຄວນຍົກສູງປະສິດທິຜົນວຽກງານສົມທົບລະຫວ່າງອົງການຄຸ້ມຄອງການສຶກສາທຸກຂັ້ນກັບກົມກອງ ແລະໂຮງຮຽນ; ລະຫວ່າງໂຮງຮຽນກັບກົມກອງ; ລະຫວ່າງໂຮງຮຽນກັບໂຮງຮຽນ ແລະກັບອົງການຈັດຕັ້ງການສຶກສາພາຍໃນ ແລະນອກກອງທັບ; ລະຫວ່າງໂຮງຮຽນກັບຄອບຄົວ, ທ້ອງຖິ່ນໃນບັນດາການເຄື່ອນໄຫວ; ຕິດພັນໂຮງຮຽນກັບກົມກອງ, ກົມກອງກັບໂຮງຮຽນ.  ໂຮງຮຽນຕ້ອງຮັບຜິດຊອບຢ່າງຮອບດ້ານກ່ຽວກັບຄຸນນະພາບການສຶກສາ-ກໍ່ສ້າງ ແຕ່ກົມກອງຕ້ອງຖືຄຸນນະພາບການກໍ່ສ້າງຂອງໂຮງຮຽນ ແມ່ນຄວາມສາມາດກຽມພ້ອມສູ້ຮົບຂອງກົມກອງຕົນ, ມີຄວາມຮັບຜິດຊອບໃນການເຂົ້າຮ່ວມ, ສົມທົບກັນປະຕິບັດໜ້າທີ່ການສຶກສາ-ກໍ່ສ້າງ.

ພ້ອມກັນນັ້ນ, ຄວນມີການປ່ຽນແປງໃໝ່ຢ່າງແຂງແຮງໃນຫຼັກສູດກໍ່ສ້າງ, ວິທີການສິດສອນຕາມທິດຫັນເປັນທັນສະໄໝ, ແທດຈິງ, ເພີ່ມພູມປັນຍາ, ທັກສະ, ຄຸນທາດຂອງນັກຮຽນ, ເພີ່ມທະວີການປະຕິບັດ,  ໝູນໃຊ້ຄວາມຮູ້ເຂົ້າໃນພຶດຕິກຳຕົວຈິງ; ສຸມໃສ່ການຮຽນຮູ້ທີ່ແທ້ຈິງ ແລະຕ້ານພະຍາດຜົນງານ...

ໂດຍ: ເຈິ່ນຮວ່ຽນ