ເດືອນພະຈິກ ປີ 2024, ພາຍໃຕ້ການຊີ້ນໍາ, ນຳພາຂອງຄະນະພັກການທະຫານສູນກາງ, ກະຊວງປ້ອງກັນປະເທດ, ທົ່ວກອງທັບໄດ້ຮັກສາລະບອບກຽມພ້ອມສູ້ຮົບຢ່າງເຂັ້ມງວດ, ຄຸ້ມຄອງນ່ານຟ້າ, ນ່ານທະເລ, ເຂດຊາຍແດນ, ເຂດດິນຕໍ່ແຜ່ນ, ທາງໄຊເບີ ຢ່າງເຂັ້ມງວດ; ຮັບປະກັນການຕິດຕໍ່ສື່ສານ, ກົດລັບ, ຄວາມປອດໄພທາງເຄືອຂ່າຍອິນເຕີແນັດ, ຕອບສະໜອງຄວາມຮຽກຮ້ອງຕ້ອງການຂອງໜ້າທີ່ວຽກງານທີ່ໄດ້ຮັບມອບໝາຍ, ບໍ່ປະໃຫ້ຕົກຢູ່ທ່າຮັບບັງເອີນ, ປົກປັກຮັກສາອະທິປະໄຕຜືນແຜ່ນດິນຢ່າງໝັ້ນຄົງ; ສົມທົບກັນຮັກສາຄວາມສະຫງົບ, ຄວາມເປັນລະບຽບຮຽບຮ້ອຍໃນທົ່ວປະເທດ. ສ້າງຮ່າງກົດໝາຍ ເພື່ອຍື່ນສະເໜີຕໍ່ສະພາແຫ່ງຊາດ ຮັບຮອງເອົາກົດໝາຍວ່າດ້ວຍການປັບປຸງ ແລະເພີ່ມເຕີມບາງມາດຕາຂອງກົດໝາຍວ່າດ້ວຍນາຍທະຫານກອງທັບປະຊາຊົນຫວຽດນາມ, ກົດໝາຍວ່າດ້ວຍປ້ອງກັນອາກາດປະຊາຊົນດ້ວຍຄຸນນະພາບສູງ; ຜັນຂະຫຍາຍການສະຫຼຸບວຽກງານປີ 2024, ສ້າງແຜນການປີ 2025. ຊີ້ນໍາການຝຶກຊ້ອມ ຢ່າງແໜ້ນແຟ້ນ ແລະປອດໄພ. ຮັກສາຄວາມເປັນລະບຽບຮຽບຮ້ອຍ, ເປັນກໍາລັງຫຼວງ, ກໍ່ສ້າງກົມກອງໝັ້ນຄົງເຂັ້ມແຂງຮອບດ້ານ “ເປັນແບບຢ່າງ, ດີເດັ່ນ”, ເພີ່ມທະວີການຄຸ້ມຄອງລະບຽບວິໄນ. ວຽກງານເຊື່ອມໂຍງເຂົ້າກັບສາກົນ ແລະ ການທູດປ້ອງກັນຊາດ ດໍາເນີນຢ່າງຟົດຟື້ນ, ເລິກເຊິ່ງກວ້າງຂວາງ ແລະປະສົບຜົນສຳເລັດ.
    |
 |
|
ທ່ານພົນເອກ ຟານວັນຢາງ ເປັນປະທານກອງປະຊຸມແລກປ່ຽນວຽກງານ ເດືອນພະຈິກ ປີ 2024 ຂອງກະຊວງປ້ອງກັນປະເທດ. ພາບ: qdnd.vn |
ກ່າວຄຳເຫັນສະຫຼຸບທີ່ກອງປະຊຸມ, ທ່ານພົນເອກ ຟານວັນຢາງ ໄດ້ຮັບຮູ້ ແລະຍ້ອງຍໍຊົມເຊີຍຜົນງານດີເດັ່ນຂອງພະນັກງານ, ນັກຮົບທົ່ວກອງທັບ; ຮຽກຮ້ອງໃຫ້ບັນດາອົງການ, ກົມກອງຮັກສາລະບອບກຽມພ້ອມສູ້ຮົບ, ຄຸ້ມຄອງນ່ານຟ້າ, ນ່ານທະເລ, ເຂດຊາຍແດນ, ເຂດດິນຕໍ່ແຜ່ນ, ທາງໄຊເບີ, ເປັນຕົ້ນແມ່ນຢູ່ບໍລິເວນຍຸດທະສາດ, ສຳຄັນ; ກໍາແໜ້ນ, ຕີລາຄາ, ຄາດຄະເນສະພາບການຢ່າງຖືກຕ້ອງ, ເປັນເສນາທິການ ແລະແກ້ໄຂສະພາວະການຢ່າງມີປະສິດທິຜົນ, ບໍ່ປະໃຫ້ຕົກຢູ່ໃນທ່າຮັບໂດຍບັງເອີນ, ປົກປັກຮັກສາອະທິປະໄຕຜືນແຜ່ນດິນໄວ້ຢ່າງໝັ້ນຄົງ, ສົມທົບກັນຮັກສາຄວາມໝັ້ນຄົງ, ຄວາມເປັນລະບຽບຮຽບຮ້ອຍໃນທົ່ວປະເທດ.
|
|
 |
|
ບັນຍາກາດທີ່ກອງປະຊຸມ. ພາບ: qdnd.vn |
ທ່ານພົນເອກ ຟານວັນຢາງ ຮຽກຮ້ອງໃຫ້ບັນດາອົງການກ່ຽວຂ້ອງຂອງກະຊວງປ້ອງກັນປະເທດ ຕ້ອງຄົ້ນຄວ້າ, ກະກຽມເນື້ອໃນກອງປະຊຸມການເມືອງ-ການທະຫານທ່ົວກອງທັບ ແລະສະຫຼຸບຂະແໜງການຕ່າງໆໃນປີ 2024 ຢ່າງຮອບຄອບຖີ່ຖ້ວນ; ປະກາດໃຊ້, ຜັນຂະຫຍາຍຄຳສັ່ງກຽມພ້ອມສູ້ຮົບ ແລະຮັບປະກັນໃຫ້ບຸນປີໃໝ່ປະຈໍາຊາດ; ຄໍາສັ່ງຊີ້ນໍາວຽກງານການທະຫານ, ການປ້ອງກັນຊາດ ປີ 2025. ຊີ້ນໍາການຝຶກແອບ, ເປັນຕົ້ນແມ່ນການຝຶກຊ້ອມ ຢ່າງເຄັ່ງຄັດ, ມີຄຸນນະພາບ ແລະປອດໄພ.
ຄະນະພັກ, ຄະນະບັນຊາບັນດາອົງການ, ກົມກອງໃນທົ່ວກອງທັບ ສືບຕໍ່ປະຕິບັດວຽກງານສຶກສາອົບຮົມການເມືອງ, ຄຸ້ມຄອງແນວຄິດ; ເປັນເຈົ້າການດ້ານຂໍ້ມູນຂ່າວສານ, ໂຄສະນາເຜີຍແຜ່, ກໍານົດທິດແນວຄິດ ແລະຫາງສຽງ; ເພີ່ມທະວີການປົກປັກຮັກສາພື້ນຖານແນວຄິດຂອງພັກ, ຕັ້ງໜ້າຕໍ່ສູ້ປະຕິເສດທັດສະນະທີ່ຜິດພາດ, ປໍລະປັກ. ກະກຽມ ແລະຈັດຕັ້ງພິທີສະເຫຼີມສະຫຼອງ 80 ປີແຫ່ງວັນສ້າງຕັ້ງກອງທັບປະຊາຊົນຫວຽດນາມ (22-12-1944 / 22-12-2024), 35 ປີແຫ່ງວັນປ້ອງກັນຊາດທ່ົວປວງຊົນ (22-12-1989 / 22-12-2024) ຢ່າງຮອບຄອບຖີ່ຖວນ, ແໜ້ນແຟ້ນ ແລະສົມກຽດ; ເອົາໃຈໃສ່ວຽກງານຂົນຂວາຍປະຊາຊົນ, ນະໂຍບາຍ ແລະການເຄື່ອນໄຫວຕອບບຸນແທນຄຸນ, ງານວາງສະແດງປ້ອງກັນຊາດສາກົນຫວຽດນາມ ປີ 2024.
ໂດຍ: ທູຈາງ