ເຂົ້າຮ່ວມການພົບປະສັງສັນມີການນໍາບັນດາອົງການທີ່ກ່ຽວຂ້ອງຂອງກະຊວງປ້ອງກັນປະເທດ, ກົມໃຫຍ່ການເມືອງກອງທັບປະຊາຊົນຫວຽດນາມ; ການນໍາ, ຜູ້ບັນຊາການແມ່ທັບນ້ອຍ 15 - ກົມກອງຕ້ອນຮັບ, ນໍາບັນດາເຈົ້າກົກເຈົ້າເຫຼົ່າ, ນາຍບ້ານ, ຜູ້ມີຍົດສັກຕໍາແໜ່ງທາງສາສະໜາທີ່ດີເດັ່ນໃນບໍລິເວນເຂດໄຕງວຽນ ມາຢ້ຽມຢາມຮ່າໂນ້ຍ, ເຂົ້າສຸສານໄວ້ອາໄລປະທານໂຮ່ຈີມິນ, ຢ້ຽມຢາມກະຊວງປ້ອງກັນປະເທດ ແລະບາງແຂວງ, ນະຄອນທາງພາກເໜືອ, ພາກກາງ.
    |
 |
|
ບັນດາຜູ້ແທນເຂົ້າຮ່ວມການພົບປະສັງສັນ. ພາບ: qdnd.vn |
ທີ່ການພົບປະສັງສັນ, ທ່ານພົນຕີ ເຈືອງທຽນໂຕ ໄດ້ຢື້ຢາມຖາມຂ່າວ ແລະມອບຂອງຂວັນຂອງກະຊວງປ້ອງກັນປະເທດ ໃຫ້ບັນດາເຈົ້າກົກເຈົ້າເຫຼົ່າ, ນາຍບ້ານ, ຜູ້ມີຍົດສັກຕໍາແໜ່ງທາງສາສະໜາທີ່ດີເດັ່ນໃນບໍລິເວນເຂດໄຕງວຽນ, ທ່ານພົນຕີ ເຈືອງທຽນໂຕ ຢືນຢັນວ່າ: ໃນຊຸມປີຜ່ານມາ, ພັກ ແລະລັດເຮົາ, ຄະນະພັກ, ອໍານາດການປົກຄອງທ້ອງຖິ່ນໃນເຂດໄຕງວຽນ ຍາມໃດກໍ່ສະເໝີຕົ້ນສະເໝີປາຍໃນການສ້າງນະໂຍບາຍມະຫາສາມັກຄີທົ່ວປວງຊົນທັງຊາດ, ສາມັກຄີສາສະໜາ; ປະກາດໃຊ້ຫຼາຍແຜນນະໂຍບາຍ, ນະໂຍບາຍພັດທະນາເສດຖະກິດ-ສັງຄົມ, ຮັບປະກັນປ້ອງກັນຊາດ, ປ້ອງກັນຄວາມສະຫງົບ. ເຂດໄຕງວຽນ ມີສະຖຽນລະພາບດ້ານການເມືອງ, ເສດຖະກິດເຕີບໂຕດີສົມຄວນ, ການປ້ອງກັນຊາດ, ປ້ອງກັນຄວາມສະຫງົບໄດ້ຮັບການປັັບປຸງ, ຊີວິດການເປັນຢູ່ຂອງພໍ່ແມ່ປະຊາຊົນບັນດາເຜົ່າສ່ວນໜ້ອຍ, ຊາວຄຼິດໄດ້ຮັບການຍົກສູງຂຶ້ນຢ່າງບໍ່ຢຸດຢັ້ງ; ຄວາມສາມັກຄີລະຫວ່າງຊົນຊາດ, ສາສະໜາໄດ້ຮັບການປັບປຸງ ແລະເພີ່ມທະວີ. ບັນລຸໄດ້ໝາກຜົນ ແລະຜົນງານດັ່ງກ່າວແມ່ນມີການປະກອບສ່ວນສໍາຄັນຂອງບັນດາເຈົ້າກົກເຈົ້າເຫຼົ່າ, ນາຍບ້ານ, ຜູ້ມີຍົດສັກຕໍາແໜ່ງທາງສາສະໜາທີ່ດີເດັ່ນ.
|
|
 |
|
ທ່ານພົນຕີ ເຈືອງທຽນໂຕ ກ່າວຄໍາເຫັນທີ່ການພົບປະສັງສັນ. ພາບ: qdnd.vn |
ທ່ານພົນຕີ ເຈືອງທຽນໂຕ ຢືນຢັນວ່າ “ດ້ວຍອາລົມຈິດ, ຄວາມຮັບຜິດຊອບຂອງຕົນ, ພະນັກງານ, ນັກຮົບທົ່ວກອງທັບຈະສືບຕໍ່ເສີມຂະຫຍາຍມູນເຊື້ອກອງທັບວິລະຊົນ, ຄຸນທາດອັນສູງສົ່ງຂອງທະຫານລຸງໂຮ່, ຍາມໃດກໍ່ສາມັກຄີເປັນຈິດໜຶ່ງໃຈດຽວ, ສະໜິດຕິດພັນກັບປະຊາຊົນ, ກັບຊາວຊົນເຜົ່າ, ສາສະໜາ; ບໍ່ວ່າໃນເງື່ອນໄຂໃດ, ສະພາບການໃດກໍ່ຮ່ວມແຮງຮ່ວມໃຈພ້ອມກັບພໍ່ແມ່ປະຊາຊົນຜ່ານຜ່າຄວາມຫຍຸ້ງຍາກ, ລໍາບາກ...”.
|
|
 |
|
ເຈົ້າກົກເຈົ້າເຫຼົ່າ, ຜູ້ມີຍົດສັກຕໍາແໜ່ງທາງສາສະໜາທີ່ດີເດັ່ນໃນບໍລິເວນເຂດໄຕງວຽນ ທີ່ການພົບປະສັງສັນ. ພາບ: qdnd.vn |
ສໍາລັບແມ່ທັບນ້ອຍ 15, ປະຕິບັດໜ້າທີ່ການເມືອງຢູ່ເຂດໄຕງວຽນ, ໃນໄລຍະຜ່ານມາຍາມໃດກໍ່ເຮັດດີທັງ 3 ພາລະບົດບາດ ນັ້ນແມ່ນ: ກອງທະຫານສູ້ຮົບ, ກອງທະຫານປະຕິບັດງານ, ກອງທະຫານອອກແຮງງານທຳການຜະລິດ; ສົມທົບກັນຢ່າງແໜ້ນແຟ້ນກັບຄະນະພັກ, ອໍານາດການປົກຄອງທ້ອງຖິ່ນ, ກໍາລັງປະກອບອາວຸດຢູ່ບໍລິເວນຍູ້ແຮງການເຄື່ອນໄຫວຊ່ວຍປະຊາຊົນພັດທະນາເສດຖະກິດ-ວັດທະນະທໍາ-ສັງຄົມ, ຫຼຸດຜ່ອນຄວາມທຸກຍາກແບບຍືນຍົງ. ເສີມຂະຫຍາຍບົດບາດຂອງເຈົ້າກົກເຈົ້າເຫຼົ່າ, ນາຍບ້ານ, ຜູ້ມີຍົດສັກຕໍາແໜ່ງທາງສາສະໜາດ້ວຍບັນດາວຽກງານລະອຽດ, ມີປະສິດທິຜົນໃນການເຂົ້າຮ່ວມໂຄສະນາຂົນຂວາຍ, ສ້າງວຽກເຮັດງານທໍາ, ລາຍຮັບຄົງທີ່ໃຫ້ປະຊາຊົນ, ກໍ່ສ້າງຊົນນະບົດໃໝ່, ຫຼຸດຜ່ອນຄວາມທຸກຍາກແບບຍືນຍົງ, ປະຕິບັດບັນດາລາຍການເປົ້າໝາຍແຫ່ງຊາດ... ທ່ານພົນຕີ ເຈືອງທຽນໂຕ ຮຽກຮ້ອງໃຫ້ຄະນະພັກ, ຄະນະບັນຊາແມ່ທັບນ້ອຍ 15 ສືືບຕໍ່ພ້ອມກັບພໍ່ແມ່ປະຊາຊົນບັນດາຊົນເຜົ່າ, ສາສະໜາ, ເຈົ້າກົກເຈົ້າເຫຼົ່າ, ນາຍບ້ານ, ຜູ້ມີຍົດສັກຕໍາແໜ່ງທາງສາສະໜາ, ຄະນະພັກ, ອໍານາດການປົກຄອງທ້ອງຖິ່ນປະຕິບັດມະຕິ, ແຜນນະໂຍບາຍຂອງພັກ, ລັດກ່ຽວກັບການພັດທະນາເສດຖະກິດ-ສັງຄົມ, ຮັບປະກັນການປ້ອງກັນຊາດ, ປ້ອງກັນຄວາມສະຫງົບ, ນະໂຍບາຍມະຫາສາມັກຄີທົ່ວປວງຊົນທັງຊາດ, ປະກອບສ່ວນກໍ່ສ້າງເຂດໄຕງວຽນ ໃຫ້ມີສະຖຽນລະພາບ ແລະພັດທະນາຮັ່ງມີສວຍງາມ.
ໂດຍ: ໄຊນີດາ