ບາງຮູບພາບການເຄື່ອນໄຫວຂອງທ່ານພົນໂທ ຈິ້ງວັນກວຽດ ແລະຄະນະຜູ້ແທນການເມືອງຂັ້ນສູງກອງທັບປະຊາຊົນຫວຽດນາມ ຢູ່ກູບາ

14 ຕຸລາ 2024 20:37

ກປ.ອອນໄລ - ໂດຍປະຕິບັດຕາມແຜນການວຽກງານການທູດປ້ອງກັນຊາດ ປີ 2024, ແຕ່ວັນທີ 4 ຫາວັນທີ 13 ຕຸລາ, ຄະນະຜູ້ແທນການເມືອງຂັ້ນສູງກອງທັບປະຊາຊົນຫວຽດນາມ ນໍາໂດຍທ່ານພົນໂທ ຈິ້ງວັນກວຽດ ເລຂາທິການສູນກາງພັກ, ຄະນະປະຈໍາຄະນະພັກການທະຫານສູນກາງ, ຫົວໜ້າກົມໃຫຍ່ການເມືອງກອງທັບປະຊາຊົນຫວຽດນາມ ໄດ້ຢ້ຽມຢາມສາທາລະນະລັດ ກູບາ ຢ່າງເປັນທາງການ.

ການຢ້ຽມຢາມເພື່ອແນໃສ່ຫັນຄວາມຮັບຮູ້ລວມຂອງການນໍາຂັ້ນສູງສອງປະເທດ, ສອງກອງທັບ, ປະກອບສ່ວນເພີ່ມທະວີການພົວພັນສາມັກຄີທີ່ເປັນມູນເຊື້ອ, ມິດຕະພາບແບບພິເສດລະຫວ່າງສອງປະເທດ, ສອງກອງທັບ ແລະລະຫວ່າງກົມໃຫຍ່ການເມືອງກອງທັບປະຊາຊົນຫວຽດນາມ ກັບກົມການເມືອງ/ກະຊວງບັນດາກໍາລັງປະກອບອາວຸດປະຕິວັດກູບາ.

ໜັງສືພິມກອງທັບປະຊາຊົນຂໍແນະນໍາບາງຮູບພາບກ່ຽວກັບການເຄື່ອນໄຫວຂອງທ່ານພົນໂທ ຈິ້ງວັນກວຽດ ແລະຄະນະຜູ້ແທນການເມືອງຂັ້ນສູງກອງທັບປະຊາຊົນຫວຽດນາມ ຢູ່ ກູບາ.

ຄະນະຜູ້ແທນພະນັກງານການເມືອງຂັ້ນສູງກອງທັບປະຊາຊົນຫວຽດນາມ ແລະຄະນະຜູ້ແທນກົມການເມືອງ/ກະຊວງບັນດາກໍາລັງປະກອບອາວຸດປະຕິວັດກູບາ ຖ່າຍຮູບລວມ. ພາບ: qdnd.vn

ທ່ານພົນໂທ ຈິ້ງວັນກວຽດ ໃຫ້ສໍາພາດຕໍ່ອົງການສື່ມວນຊົນກູບາ. ພາບ: qdnd.vn

ທ່ານພົນໂທ ຈິ້ງວັນກວຽດ ມອບຂອງຂວັນໃຫ້ຄອບຄົວນັກຊ່ຽວຊານການແພດກູບາ ທີ່ເຄີຍມາຫວຽດນາມ ໜູນຊ່ວຍປ້ອງກັນ, ຕ້ານພະຍາດໂຄວິດ-19. ພາບ: qdnd.vn

ທ່ານພົນໂທ ຈິ້ງວັນກວຽດ ພ້ອມດ້ວຍຄະນະຜູ້ແທນພະນັກງານຂັ້ນສູງກອງທັບປະຊາຊົນຫວຽດນາມ ຢ້ຽມຢາມກອງພົນລົດຕັງ 1011, ກະຊວງບັນດາກໍາລັງປະກອບອາວຸດປະຕິວັດກູບາ. ພາບ: qdnd.vn

ທ່ານພົນໂທ ຈິ້ງວັນກວຽດ ກ່າວຄໍາເຫັນທີ່ການເຈລະຈາກັບທ່ານພົນໂທ Álvaro Lopez Miera ກໍາມະການກົມການເມືອງພັກກອມມູນິດກູບາ, ລັດຖະມົນຕີກະຊວງບັນດາກໍາລັງປະກອບອາວຸດປະຕິບັດກູບາ. ພາບ: qdnd.vn

ທ່ານພົນໂທ Álvaro Lopez Miera ກໍາມະການກົມການເມືອງພັກກອມມູນິດກູບາ, ລັດຖະມົນຕີກະຊວງບັນດາກໍາລັງປະກອບອາວຸດປະຕິບັດກູບາ ມອບດາບສະບັບຄັດລອກຂອງວິລະຊົນແຫ່ງຊາດກູບາ Antonio Maceo ໃຫ້ທ່ານພົນໂທ ຈິ້ງວັນກວຽດ. ພາບ: qdnd.vn