ຕາມທ່ານພົນຕີ ບຸ່ຍຮຸຍບຽດ, ຮອງຫົວໜ້າການເມືອງວິທະຍາຄານປ້ອງກັນຊາດຫວຽດນາມ ແລ້ວ, ກອງປະຊຸມສໍາມະນາ ໄດ້ຈັດຂຶ້ນເນື່ອງໃນໂອກາດ ສະເຫຼີມສະຫຼອງ 15 ປີແຫ່ງວັນລົງນາມໃນບົດບັນທຶກແຮກສ່ຽວລະຫວ່າງສອງວິທະຍາຄານ. ການຮ່ວມມືແຮກສ່ຽວລະຫວ່າງວິທະຍາຄານປ້ອງກັນຊາດຫວຽດນາມ ແລະ ວິທະຍາຄານປ້ອງກັນຊາດ ໄກສອນ ພົມວິຫານ ເພື່ອແນໃສ່ເສີມຂະຫຍາຍຄວາມສາມາດ ແລະທ່າແຮງຂອງແຕ່ລະຝ່າຍ ຢ່າງສຸດຂີດເພື່ອໜູນຊ່ວຍກັນປະຕິບັດພາລະບົດບາດ, ໜ້າທີ່ທີ່ໄດ້ຮັບມອບໝາຍໃຫ້ເປັນຢ່າງດີ, ປະກອບສ່ວນສຳຄັນເຂົ້າໃນການກໍ່ສ້າງຖັນແຖວພະນັກງານການທະຫານຂັ້ນສູງ, ນັກວິທະຍາສາດດ້ານທະຫານທີ່ມີຄວາມເກັ່ງກ້າສາມາດ; ກໍ່ສ້າງກຳລັງປະກອບອາວຸດໃຫ້ໝັ້ນຄົງເຂັ້ມແຂງ, ປັບປຸງການປ້ອງກັນຊາດ, ປ້ອງກັນຄວາມສະຫງົບຢ່າງບໍ່ຢຸຸດຢັ້ງ, ຮັກສາເອກະລາດ, ອະທິປະໄຕ, ຄວາມເປັນເອກະພາບ ແລະຜືນແຜ່ນດິນອັນຄົບຖ້ວນຂອງແຕ່ລະປະເທດ ໃນໄລຍະໃໝ່ຢ່າງບໍ່ຢຸດຢັ້ງ.
    |
 |
|
ທ່ານພົນຕີ ບຸ່ຍຮຸຍບຽດ, ຮອງຫົວໜ້າການເມືອງວິທະຍາຄານປ້ອງກັນຊາດຫວຽດນາມ ກ່າວຄໍາເຫັນທີ່ກອງປະຊຸມສໍາມະນາ. ພາບ: qdnd.vn |
ທ່ານພົນຕີ ບຸ່ຍຮຸຍບຽດ ເນັ້ນໜັກວ່າ, ກອງປະຊຸມສໍາມະນາ ໄດ້ຈັດຕັ້ງເພື່ອແນໃສ່ຮັດແໜ້ນສາຍພົວພັນມິດຕະພາບ ແລະການຮ່ວມມືລະຫວ່າງສອງວິທະຍາຄານ, ປະກອບສ່ວນຮັກສາ ແລະປັບປຸງຄວາມໄວ້ເນື້ອເຊື່ອໃຈ ແລະການຮ່ວມມືຮອບດ້ານລະຫວ່າງສອງພັກ, ສອງລັດ, ກອງທັບ ແລະ ປະຊາຊົນສອງປະເທດ ໃຫ້ພັດທະນາຢ່າງໝັ້ນຄົງ ແລະບັນລຸໄດ້ຜົນສໍາເລັດອັນດີງາມຫຼາຍຢ່າງກວ່າອີກ. ບົນພື້ນຖານນັ້ນ, ຊາບຊຶມ, ສຶກສາອົບຮົມໃຫ້ພະນັກງານ, ຄູອາຈານ, ນັກສໍາມະນາກອນ, ພາລະພອນ, ນັກຮົບລຸ້ນຕ່າງໆຂອງວິທະຍາຄານປ້ອງກັນຊາດຫວຽດນາມ ແລະ ວິທະຍາຄານປ້ອງກັນຊາດ ໄກສອນ ພົມວິຫານ ໃຫ້ມີຫຼັກໝັ້ນແນວຄິດດ້ານການເມືອງທີ່ໝັ້ນແກ່ນ, ໝັ້ນຄົງເຂັ້ມແຂງ, ຈົ່ງຮັກພັກດີຕໍ່ກັບພັກ, ປະເທດຊາດ, ປະຊາຊົນ ແລະລະບອບສັງຄົມນິຍົມ, ມີຄວາມເອກອ້າງທະນົງໃຈ, ສະຕິຕົນເອງຕໍ່ຊົນຊາດ, ເສີມຂະຫຍາຍມູນເຊື້ອສາມັກຄີ, ສັດຊື່ບໍລິສຸດລະຫວ່າງສອງຊາດ, ແກ້ໄຂຄວາມຫຍຸ້ງຍາກ, ປະຕິບັດສຳເລັດທຸກໜ້າທີ່ທີ່ໄດ້ຮັບມອບໝາຍຢ່າງມີໄຊ.
|
|
 |
|
ບັນດາຜູ້ແທນເຂົ້າຮ່ວມກອງປະຊຸມສໍາມະນາຖ່າຍຮູບລວມ. ພາບ: qdnd.vn |
ທີ່ກອງປະຊຸມສໍາມະນາ, ບັນດາຜູ້ແທນໄດ້ເນັ້ນໜັກເຖິງຄວາມສຳຄັນຂອງການເຮັດໃຫ້ການເຄື່ອນໄຫວແຮກສ່ຽວຮອບດ້ານ ໃນວຽກງານທຸກດ້ານຕາມພາລະບົດບາດ ແລະໜ້າທີ່ຂອງວິທະຍາຄານປ້ອງກັນຊາດຫວຽດນາມ ແລະ ວິທະຍາຄານປ້ອງກັນຊາດ ໄກສອນ ພົມວິຫານ; ສຸມໃສ່ເຮັດແຈ້ງບັນດາເນື້ອໃນ ແລະມາດຕະການແນໃສ່ຍົກສູງຄຸນນະພາບການບໍາລຸງກໍ່ສ້າງພະນັກງານການທະຫານຂັ້ນສູງ ຂອງກອງທັບປະຊາຊົນລາວ ທີ່ຮໍ່າຮຽນ, ຄົ້ນຄວ້າຢູ່ວິທະຍາຄານປ້ອງກັນຊາດຫວຽດນາມ, ຍົກສູງຄຸນນະພາບວຽກງານຊ່ຽວຊານຂອງຖັນແຖວພະນັກງານ, ຄູອາຈານຂອງວິທະຍາຄານປ້ອງກັນຊາດຫວຽດນາມ ເມື່ອເຂົ້າຮ່ວມການສິດສອນບາງຫົວເລື່ອງສະເພາະ ແລະຈັດຕັ້ງການຄົ້ນຄວ້າ, ຮຽບຮຽງລະບົບເອກະສານ, ຫຼັກສູດ ຝຶກອົບຮົມ ແລະບໍາລຸງກໍ່ສ້າງ ຢູ່ວິທະຍາຄານປ້ອງກັນຊາດ ໄກສອນ ພົມວິຫານ; ກຳນົດຢ່າງຈະແຈ້ງບັນດາເນື້ອໃນຮ່ວມມືລະຫວ່າງວິທະຍາຄານປ້ອງກັນຊາດຫວຽດນາມ ແລະ ວິທະຍາຄານປ້ອງກັນຊາດ ໄກສອນ ພົມວິຫານ ໃນການປະຕິບັດໜ້າທີ່ຝຶກອົບຮົມ, ບໍາລຸງກໍ່ສ້າງ ແລະ ຄົ້ນຄວ້າວິທະຍາສາດ; ເຮັດແຈ້ງເນື້ອໃນ, ມາດຕະການແກ້ໄຂເພື່ອແນໃສ່ເພີ່ມທະວີການສະໜອງ ແລະ ແລກປ່ຽນຂໍ້ມູນຂ່າວສານລະຫວ່າງສອງວິທະຍາໄລ...
ໂດຍ: ທູຈາງ