ກະກຽມໃຫ້ແກ່ພິທີສະເຫຼີມສະຫຼອງ 80 ປີແຫ່ງວັນສ້າງຕັ້ງກອງທັບປະຊາຊົນຫວຽດນາມ
ກປ.ອອນໄລ - ວັນທີ 1 ກໍລະກົດ, ຢູ່ຮ່າໂນ້ຍ, ທ່ານພົນໂທ ຫງວຽນວັນເຫງ້ຍ, ຮອງຫົວໜ້າກົມໃຫຍ່ເສນາທິການ ກອງທັບປະຊາຊົນຫວຽດນາມ ໄດ້ເປັນປະທານກອງປະຊຸມເຮັດວຽກກັບບັນດາອົງການ, ກົມກອງກ່ຽວກັບການຜັນຂະຫຍາຍປະຕິບັດໜ້າທີ່ຈັດຕັ້ງການເດີນສວນສະໜາມ, ແຫ່ຂະບວນໃນພິທີສະເຫຼີມສະຫຼອງ 80 ປີແຫ່ງວັນສ້າງຕັ້ງກອງທັບປະຊາຊົນຫວຽດນາມ (22/12/1944 – 22/12/2024), 35 ປີແຫ່ງວັນບຸນທົ່ວປວງຊົນປ້ອງກັນຊາດ (22/12/1989 – 22/12/2024).
ກ່າວຄຳເຫັນຊີ້ນໍາທີ່ກອງປະຊຸມ, ທ່ານພົນໂທ ຫງວຽນວັນເຫງ້ຍ ໄດ້ຮັບຮູ້, ຍ້ອງຍໍບັນດາອົງການ, ກົມກອງທີ່ໄດ້ເປັນເຈົ້າການເປັນເສນາທິການ, ສະເໜີ, ປະຕິບັດວຽກງານກະກຽມໃຫ້ການເຄື່ອນໄຫວເດີນສວນສະໜາມ, ແຫ່ຂະບວນເພື່ອສະເຫຼີມສະຫຼອງ 80 ປີແຫ່ງວັນສ້າງຕັ້ງກອງທັບປະຊາຊົນຫວຽດນາມ, 35 ປີແຫ່ງວັນທົ່ວປວງຊົນປ້ອງກັນຊາດ.
ທ່ານພົນໂທ ຫງວຽນວັນເຫງ້ຍ ຊີ້ນຳບັນດາອົງການ, ກົມກອງທີ່ກ່ຽວຂ້ອງສືບຕໍ່ຜັນຂະຫຍາຍບັນດາວຽກງານກະກຽມຢ່າງຮີບດ່ວນ; ພິເສດແມ່ນຊັບພະຍາກອນມະນຸດ, ອາວຸດຍຸດໂທປະກອນ, ເປັນເຈົ້າການສ້າງຕັ້ງບັນດາກຸ່ມເດີນສວນສະໜາມ, ແຫ່ຂະບວນເພື່ອຝຶກແອບໂດຍໄວ. ພິເສດ, ບັນດາກົມກອງທີ່ມີກຳລັງລົດ ແລະປືນໃຫຍ່ ຕ້ອງເປັນເຈົ້າການກະກຽມຫຼັກສູດການຝຶກຊ້ອມ, ສຳຫຼວດເສັ້ນທາງເຄື່ອນທີ່, ໂຮມຊຸມນຸມ, ຮັບປະກັນຄວາມປອດໄພ, ຖືກຕາມເວລາ, ເໝາະສົມກັບສະພາບຕົວຈິງ.
![left](/image/images/left.png) ![center](/image/images/center.png) ![right](/image/images/right.png) ![del](/images/red-error_16px.gif) |
![](https://file3.qdnd.vn/data/images/26/2024/07/02/upload_2124/qtrang2072024_01.jpeg?dpi=150&quality=100&w=500) |
ທ່ານພົນໂທ ຫງວຽນວັນເຫງ້ຍ, ຮອງຫົວໜ້າກົມໃຫຍ່ເສນາທິການ ກອງທັບປະຊາຊົນຫວຽດນາມ ກ່າວຄໍາເຫັນທີ່ກອງປະຊຸມ. ພາບ: ສໍານັກຂ່າວສານຫວຽດນາມ |
ຕາມແຜນຈັດຕັ້ງບັນດາການເຄື່ອນໄຫວສະເຫຼີມສະຫຼອງ 80 ປີແຫ່ງວັນສ້າງຕັ້ງກອງທັບປະຊາຊົນຫວຽດນາມ ແລະ 35 ປີແຫ່ງວັນບຸນທົ່ວປວງຊົນປ້ອງກັນຊາດ, ພິທີເດີນສວນສະໜາມ, ແຫ່ຂະບວນຈະຖືກຈັດຂຶ້ນຢ່າງສົມກຽດ, ເຂັ້ມແຂງ, ເປັນກໍາລັງຫຼວງ, ປອດໄພ ແລະປະຢັດ. ບັນດາກຳລັງທີ່ເຂົ້າຮ່ວມກະທັດລັດ, ທັນສະໄໝ, ສະແດງໃຫ້ເຫັນຄວາມເປັນເອກະພາບ, ເປັນກໍາລັງຫຼວງຂອງກຳລັງປະກອບອາວຸດປະຊາຊົນ. ບັນດາການເຄື່ອນໄຫວສະແດງໃຫ້ເຫັນສີສັນວັດທະນະທຳ ແລະຄວາມປາດຖະໜາຢາກມີສັນຕິພາບຂອງຊາດ.
ໂດຍ: ຈາງຫງວຽນ