ກົມໃຫຍ່ພະລາທິການ ມອບເຮືອນ “ມະຫາສາມັກຄີ” ຢູ່ແຂວງໄຕນີງ
ກປ.ອອນໄລ - ຕອນບ່າຍວັນທີ 29 ມິຖຸນາ, ກົມໃຫຍ່ພະລາທິການ ໄດ້ຈັດຕັ້ງພິທີເປີດສະຫຼອງ ແລະມອບ-ຮັບເຮືອນ “ມະຫາສາມັກຄີ” ໃຫ້ແກ່ທະຫານເສຍອົງຄະນາງ ຫງວຽນທິເຕ໊, ຢູ່ເທດສະບານເມືອງເຈົາແທັ່ງ, ເມືອງເຈົາແທັ່ງ, ແຂວງໄຕນີງ.
ນີ້ແມ່ນການເຄື່ອນໄຫວທີ່ມີຄວາມໝາຍຢ່າງແທດຈິງເນື່ອງໃນໂອກາດສະເຫຼີມສະຫຼອງ 74 ປີແຫ່ງວັນມູນເຊື້ອຂະແໜງພະລາທິການກອງທັບ (11-7-1950/11-7-2024) ແລະສະເຫຼີມສະຫຼອງວັນທະຫານເສຍອົງຄະ-ນັກຮົບເສຍສະຫຼະຊີວິດເພື່ອຊາດ ຄົບຮອບ 77 ປີ (27-7-1947/27-7-2024). ເຂົ້າຮ່ວມ ແລະເປັນປະທານພິທີ ມີທ່ານພົນຈັດຕະວາ ຮີ່ງເຕິ໊ນຮຸ່ງ, ຮອງຫົວໜ້າ, ຫົວໜ້າເສນາທິການກົມໃຫຍ່ພະລາທິການ.
![left](/image/images/left.png) ![center](/image/images/center.png) ![right](/image/images/right.png) ![del](/images/red-error_16px.gif) |
![](https://file3.qdnd.vn/data/images/26/2024/06/30/upload_2122/30062024_th_10.jpg?dpi=150&quality=100&w=500) |
ຄະນະປະຕິບັດງານຂອງກົມໃຫຍ່ພະລາທິການ, ຜູ້ຕາງໜ້າທ້ອງຖິ່ນ ມອບຂອງຂວັນໃຫ້ຄອບຄົວທະຫານເສຍອົງຄະນາງ ຫງວຽນທິເຕ໊. ພາບ: ເລໂຮ່ |
ນາງ ຫງວຽນທິເຕ໊ ແມ່ນລູກສາວຂອງນັກຮົບເສຍສະຫຼະຊີວິດເພື່ອຊາດ ຫງວຽນວັນເຈີຍ (ເສຍຊີວິດໃນປີ 1952). ນາງ ເປັນທະຫານເສຍອົງຄະ ¾, ຖືກສັດຕູຈັບ ແລະຈໍາຄຸກ, ເປັນຄອບຄົວນະໂຍບາຍປະສົບຄວາມຫຍຸ້ງຍາກກ່ຽວກັບເຮືອນຢູ່. ເຮືອນ “ມະຫາສາມັກຄີ” ທີ່ມອບໃຫ້ນາງ ຫງວຽນທິເຕ໊ ໄດ້ກໍ່ສ້າງໃນເນື້ອທີ່ 60 ຕາແມັດ. ໃນນັ້ນ, ກົມໃຫຍ່ພະລາທິການ ໄດ້ໜູນຊ່ວຍເງິນກໍ່ສ້າງແມ່ນ 80 ລ້ານດົ່ງ.
ທີ່ພິທີເປີດສະຫຼອງ ແລະມອບ-ຮັບ, ບັນດາອົງການຂອງກົມໃຫຍ່ພະລາທິການ, ຄະນະພັກ, ອຳນາດການປົກຄອງ ແລະອົງການການທະຫານເມືອງເຈົາແທັ່ງ ໄດ້ມອບໃຫ້ຄອບຄົວໂທລະພາບ, ພັດລົມ, ເຄື່ອງໃຊ້ທີ່ຈໍາເປັນໃນຄອບຄົວ. ເນື່ອງໃນໂອກາດນີ້, ຄະນະປະຕິບັດງານຂອງກົມໃຫຍ່ພະລາທິການ ໄດ້ໄປຢ້ຽມຢາມຖາມຂ່າວ ແລະມອບຂອງຂວັນ 20 ພູດ (ໜຶ່ງລ້ານດົ່ງ/ພູດ) ໃຫ້ຄອບຄົວນະໂຍບາຍທີ່ປະສົບກັບຄວາມຫຍຸ້ງຍາກຢູ່ເມືອງເຈົາແທັ່ງ. ການນໍາກົມໃຫຍ່ພະລາທິການ ໄດ້ສົ່ງຄໍາຢື້ຢາມຖາມຂ່າວ, ສະແດງຄວາມຮູ້ບຸນຄຸນຢ່າງເລິກເຊິ່ງຕໍ່ບັນດາຄອບຄົວນະໂຍບາຍ. ພ້ອມທັງ, ລະດົມກໍາລັງໃຈບັນດາຄອບຄົວທີ່ໄດ້ບືນຕົວຂຶ້ນ, ຜ່ານຜ່າຄວາມຫຍຸ້ງຍາກ, ປະກອບສ່ວນຢ່າງຕັ້ງໜ້າໃຫ້ທ້ອງຖິ່ນ.
ໂດຍ: ເຈິ່ນຮວ່ຽນ